طبق سلطة!

في مرة كنت بأتغدى أنا وأميرة وعملت طبق السلطة بتاعي كده :)

Alien!

زوجتي العزيزة أميرة قامت برسم كائن ما -من الزهرة على الأرجح- ومازالت مقتنعة حتى لحظة كتابة هذه السطور أنه يشبهني تمام الشبه!!

23

الثالث عشر من مارس عام 2009..
أصبح عمري 23 عاما
ومتفائل أنا بعام بدأته معها،
وأدرك أن الله يحبنا أكثر مما نتخيل،
وأَنَّ القمر جميلٌ.. كطلعة وردة، وأني وسيم . . لأني لديكِ!**

-----
* الصورة من يوم سابق أحبه جدا..
** شكرا محمود درويش

(f)

هام وعاجل إلى أميرتي ..


في كلمة مهمة عاوز أقولهالك ..


حاسسها أوي أوي ..


أميرة ..

بس خلاص ;)

عام وضَّاء..

لن يجدي الكلام تعبيرا أيها الضي..
كل عام وأنت طيب يا ".."
كل سنة والدنيا كلها طيبة..

هديتي لك أمنية -جميلة اسمحي لي أن أحتفظ بها سرا إلى أن تتحقق- ، وباقة ورد أحمر :

while(1) {
echo " (f) * 10 ^ 9";
}

Happy Birthday my Princess..

مش قلت لكم جاي ضي ..

مش قلت لكم جاي "ضي"..

لقد وصل منذ قليل*..

كنت أظن موسم المطر الثاني قد انتهي دون أن يرفع صاحبنا رأسه،
لكن الضي وفى بوعده صانعا مليون قوس من قزح..
فقد "وجدتها"..

منذ الآن لم يعد هناك مجال لـ"لحظة ضعف"..

فالليلة أبيت ويدي اليمنى تحمل دبلة كتب عليها "أميرة"
بجوارها تاريخ اليوم..
اليوم الذي أصبحت فيه أميرتي على الملأ..

انتظروا المزيد..
لا أقوى على الكتابة الآن..
يغالبني نعاس انتصر أخيرا على قلق الأيام الماضية..

"رب أوزعني أن أشكر نعمتك التي أنعمت علي وأن أعمل صالحا ترضاه"

----
* تعليق أحمد الدريني..

كنت أريدكما اليوم هنا..

رب ارحمهما كما ربياني صغيرا..

موسم المطر..

موسم المطر اللي فات،

كان بيجري تحت المطر اللي بيحبه
اتكعبل، وقع على ظهره، والوقعة كانت جامدة..
غمض عينيه من الوجع
وسمع أصحابه بيضحكوا عليه أوي..
على ظهره لسة،
وابتدى الألم يقل حبة حبة..
فتح عينيه لقى السما صافية بتضحك..
والشمس من بين حبات المطر راسمة قوس قزح..
ابتسم وقام كمل طريقه..

موسم المطر ده برضه كان بيجري تحتيه
وبرضه اتكعبل ووقع..
بس المرة دي وقع على وشه..
غمض عينيه من الوجع
وسمع أصحابه بيضحكوا عليه أوي..
لما الألم قل حبة حبة
وفتح عينيه..
ما شافش غير الطين اللي على الأرض..
وما شافش قوس القزح..

جاي "ضيّ"..

خير اللهم اجعله خير 2008 بدأ !..
----

من بين غصون كتيرة مشبكة.. جاي "ضي”..
صدقوني جاي "ضي”..
هو قال لي إنه جاي..

رغم إن أحزاننا وآهاتنا طالبة
من ضلمة ليالينا
المدد..
ليالي كتير مالهاش عدد..
هو جاي..
ده حلف لي ميت يمين إنه جاي..

تعرف يا "ضي" ؟!
رغم إن القلب بقسوة
ياما اتشال..
وياما اتهبد..
والعقل من كتر الهم والتفكير كَسَد
والجسم صار آيل للـهَدَد
أنا لولا أنت لولا لسة حي ..!

يا “ضيّ”..
تعالى..
قبل ما يكون الوقت فات..
أو شَرَد
أنا في انتظارك
بس تعبت..
ما أقدرش أكمل للأبد..
أرجوك يا "ضيّ"..
وفّي بوعدك أبوس ايديك
والله لأنت جاي..

a beautiful mine!

قبل ما تيجي أنا عاوزك تعرفي حاجة مهمة أوي..

شفتي فيلم "a beautiful mind”؟!

هتتعبي زيها أوي..
أوي ..
ويمكن أكتر..

ﻷن أنا "beautiful mine”..
لغم جميل..
لو مسكتيه غلط هينفجر
واحنا الاتنين هنضيع

بس يوم ما تمسكيه صح
يوم ما تؤمني بي
وتتحمليني.. وتقفي جنبي
مش هتصدقي هتوصليني لفين..
هأبقى بجد "beautiful yours”مش "mine"..

وهتلاقيني بأقول :

“It's only in the mysterious equation of love that any logical reasons can be found. I'm only here tonight because of you. You are the only reason I am... you are all my reasons.”

يا اللي لسة ما ظهرتيش
مشتاقلك .. بس خايف عليكي مني..