الثلاثاء، يناير 01، 2008

جاي "ضيّ"..



خير اللهم اجعله خير 2008 بدأ !..
----

من بين غصون كتيرة مشبكة.. جاي "ضي”..
صدقوني جاي "ضي”..
هو قال لي إنه جاي..

رغم إن أحزاننا وآهاتنا طالبة
من ضلمة ليالينا
المدد..
ليالي كتير مالهاش عدد..
هو جاي..
ده حلف لي ميت يمين إنه جاي..

تعرف يا "ضي" ؟!
رغم إن القلب بقسوة
ياما اتشال..
وياما اتهبد..
والعقل من كتر الهم والتفكير كَسَد
والجسم صار آيل للـهَدَد
أنا لولا أنت لولا لسة حي ..!

يا “ضيّ”..
تعالى..
قبل ما يكون الوقت فات..
أو شَرَد
أنا في انتظارك
بس تعبت..
ما أقدرش أكمل للأبد..
أرجوك يا "ضيّ"..
وفّي بوعدك أبوس ايديك
والله لأنت جاي..

التسميات: ,

عدد 20 تعليقات :

في تمام : 1/1/08 4:22 ص, Blogger Mona كتب/ت :

wallahy hwa gaii, hwa 2ally ana kman enno gaii,, gaii mneen w feen w emta ma2alsh bas el mohem enno gaii :)))

happy new year with the "daii" ya mos3ab :))

 
في تمام : 1/1/08 8:41 ص, Blogger sameh كتب/ت :

ياخوفى
شكلك هتصوم تلات أيام يا زعيم

بس علشان الضمان خليهم أيام
29-12-2008
30-12-2008
31-12-2008
على فكره انا طبعا مش عوزك تصمهم
يااااامسهل ادينا مستنيين

 
في تمام : 1/1/08 8:43 ص, Blogger Salma Amer كتب/ت :

اية الرواقن والابداع ده شكلك بتطلع البدع لما بتصل لقمة التعب بحكم ان انت بقالك يومين مانمتش
بالنسبة للأستاذ ضي فانا كنت واخدة على خاطري منه لانه اتاخر علينا حبتين وكنت خلاص حرمي طوبته
بس بيقولوا الغايب حجته معاه
لذلك أنا بضم صوتي لصوتك وبستحلفة أن يجي واننا لن نفقد الأمل يوم أنه جاي لأنه أكيد أكيد جاي وحينور السما والأرض وبعدين يجلنا ينور قلوبنا قبل عنينا
وأنا معاك في انتظار الاستاذ ضي

 
في تمام : 1/1/08 8:48 ص, Anonymous غير معرف كتب/ت :

ان شاء الله جاي "ضي"

وهيطلع من جوه قلوبنا وراح ينتشر

ويشيل الظلمة

ويرجع يكبر يصبح نور حولينا

نرجع نصحى ونبقى فى نور

وكل اللى جواه الـ"ضي"


"بيبو"

 
في تمام : 1/1/08 11:53 ص, Blogger Clever كتب/ت :

أنا جيت اهو
معلش أتاخرت عليكو
D:

 
في تمام : 1/1/08 12:51 م, Blogger دوللي كتب/ت :

كل سنة وانت طيب وتكون حياتك كلها ضي
ربنا يسعدك

 
في تمام : 1/1/08 2:10 م, Blogger أحمد..فيه ما فيه كتب/ت :

لقد وصل منذ قليل

 
في تمام : 1/1/08 3:17 م, Blogger nyira_elsheiref كتب/ت :

أنا كمان واثقه إنه جى
وأنتظره على أحر من الجمر
بس يارب ما يتأخرش
يحسن خلااااااااص بلغت الروح الحلقوم

 
في تمام : 1/1/08 4:27 م, Blogger mohamed كتب/ت :

مهو الامل في الضي دا هو اللي مصبرنا

 
في تمام : 1/1/08 7:14 م, Blogger شيرين كتب/ت :

مصعب انت أكيد بتهزر.. لا لا بجد بتهزر.. ايييييييييييييه الروعة دي.. بجد أنا متأثرة قوييييييييييي

أما بالنسبة بقى لمسألة الضي احنا طبعا عارفين انه جاي، بس المشكلة امتى.. امتاااااااااااا

 
في تمام : 1/1/08 8:33 م, Blogger Mariam كتب/ت :

مصعب ... إنت اللي كاتب ده بجد؟؟؟
مش مصدقة .. بجد حلوة أوي أوي أوي
الضي موجود يابني بس احنا مش شايفينه .. بكرة إحنا اللي نفتح ونشوف المستخبي:)
بجد روعة يا مصعب...
ياريت نتابع مدونات بعض زي زمان
ونكتب تعليقات، كل سنة وانت طيب ويارب 2008 يبقى عام حلو علينا كلنا بإذن الله.

 
في تمام : 2/1/08 12:00 ص, Blogger RAMA كتب/ت :

طول قرائتي للبوست كان بيتردد جوايا سؤال "تفتكر هو جاي؟" وعارف فضل السؤال من غير جواب حتى لما وصلت لأخر جملة برودا فضل سؤالي جوايا بيلح

تفتكر هو جاي؟؟؟

 
في تمام : 2/1/08 12:47 ص, Blogger Mony The Angel كتب/ت :

kol sana wenta tayeb :)

 
في تمام : 2/1/08 5:30 ص, Blogger العـــــابــره كتب/ت :

الأمل مهما يعاند دربنا
لعمرنا نحود فى يوم عن حلمنا
ولو طال ليلناعلينا
فبكره جاى
جاى بضى
تحياتى
وكل سنه وانت طيب

 
في تمام : 2/1/08 1:44 م, Blogger تسـنيم كتب/ت :

رائعة بجد

وما تقلقش جاي


هو قال

 
في تمام : 3/1/08 12:16 ص, Blogger الطائر الحر كتب/ت :

الضي جاي من القلب من جوه

 
في تمام : 3/1/08 2:57 م, Blogger حلم الحرية كتب/ت :

ساعات بيجي بسرعة
وساعات بيتاخر

بس الاكيد انه بييجي في الاخر ان شاء الله


تحياتي

 
في تمام : 4/1/08 7:55 م, Blogger أميره..من غير قصر و لا بستان و لا الشاطر حسن كمان كتب/ت :

و اذا جييت يا ضي خليك شويه
بلاش بخل بقي
تعالي ..و استني معانا و ياريت لو تفضل بقي على طووول
يا سلاااااااام

 
في تمام : 14/1/08 6:19 م, Blogger امرأة تقول الذي لا يقال كتب/ت :

حلوة جدااااااااااااا يا مصعب

 
في تمام : 7/5/08 12:58 م, Blogger sherif كتب/ت :

الف الف الف مبروك يا مصاعيبو

 

إرسال تعليق

روابط تشير هنا :

الصفحة الرئيسية> >