الثلاثاء، يناير 01، 2008

جاي "ضيّ"..



خير اللهم اجعله خير 2008 بدأ !..
----

من بين غصون كتيرة مشبكة.. جاي "ضي”..
صدقوني جاي "ضي”..
هو قال لي إنه جاي..

رغم إن أحزاننا وآهاتنا طالبة
من ضلمة ليالينا
المدد..
ليالي كتير مالهاش عدد..
هو جاي..
ده حلف لي ميت يمين إنه جاي..

تعرف يا "ضي" ؟!
رغم إن القلب بقسوة
ياما اتشال..
وياما اتهبد..
والعقل من كتر الهم والتفكير كَسَد
والجسم صار آيل للـهَدَد
أنا لولا أنت لولا لسة حي ..!

يا “ضيّ”..
تعالى..
قبل ما يكون الوقت فات..
أو شَرَد
أنا في انتظارك
بس تعبت..
ما أقدرش أكمل للأبد..
أرجوك يا "ضيّ"..
وفّي بوعدك أبوس ايديك
والله لأنت جاي..

هناك 20 تعليقًا:

Mona يقول...

wallahy hwa gaii, hwa 2ally ana kman enno gaii,, gaii mneen w feen w emta ma2alsh bas el mohem enno gaii :)))

happy new year with the "daii" ya mos3ab :))

sameh يقول...

ياخوفى
شكلك هتصوم تلات أيام يا زعيم

بس علشان الضمان خليهم أيام
29-12-2008
30-12-2008
31-12-2008
على فكره انا طبعا مش عوزك تصمهم
يااااامسهل ادينا مستنيين

Salma Amer يقول...

اية الرواقن والابداع ده شكلك بتطلع البدع لما بتصل لقمة التعب بحكم ان انت بقالك يومين مانمتش
بالنسبة للأستاذ ضي فانا كنت واخدة على خاطري منه لانه اتاخر علينا حبتين وكنت خلاص حرمي طوبته
بس بيقولوا الغايب حجته معاه
لذلك أنا بضم صوتي لصوتك وبستحلفة أن يجي واننا لن نفقد الأمل يوم أنه جاي لأنه أكيد أكيد جاي وحينور السما والأرض وبعدين يجلنا ينور قلوبنا قبل عنينا
وأنا معاك في انتظار الاستاذ ضي

غير معرف يقول...

ان شاء الله جاي "ضي"

وهيطلع من جوه قلوبنا وراح ينتشر

ويشيل الظلمة

ويرجع يكبر يصبح نور حولينا

نرجع نصحى ونبقى فى نور

وكل اللى جواه الـ"ضي"


"بيبو"

Clever يقول...

أنا جيت اهو
معلش أتاخرت عليكو
D:

دوللي يقول...

كل سنة وانت طيب وتكون حياتك كلها ضي
ربنا يسعدك

أحمد..فيه ما فيه يقول...

لقد وصل منذ قليل

nyira_elsheiref يقول...

أنا كمان واثقه إنه جى
وأنتظره على أحر من الجمر
بس يارب ما يتأخرش
يحسن خلااااااااص بلغت الروح الحلقوم

mohamed يقول...

مهو الامل في الضي دا هو اللي مصبرنا

شيرين يقول...

مصعب انت أكيد بتهزر.. لا لا بجد بتهزر.. ايييييييييييييه الروعة دي.. بجد أنا متأثرة قوييييييييييي

أما بالنسبة بقى لمسألة الضي احنا طبعا عارفين انه جاي، بس المشكلة امتى.. امتاااااااااااا

Mariam يقول...

مصعب ... إنت اللي كاتب ده بجد؟؟؟
مش مصدقة .. بجد حلوة أوي أوي أوي
الضي موجود يابني بس احنا مش شايفينه .. بكرة إحنا اللي نفتح ونشوف المستخبي:)
بجد روعة يا مصعب...
ياريت نتابع مدونات بعض زي زمان
ونكتب تعليقات، كل سنة وانت طيب ويارب 2008 يبقى عام حلو علينا كلنا بإذن الله.

RAMA يقول...

طول قرائتي للبوست كان بيتردد جوايا سؤال "تفتكر هو جاي؟" وعارف فضل السؤال من غير جواب حتى لما وصلت لأخر جملة برودا فضل سؤالي جوايا بيلح

تفتكر هو جاي؟؟؟

Mony The Angel يقول...

kol sana wenta tayeb :)

العـــــابــره يقول...

الأمل مهما يعاند دربنا
لعمرنا نحود فى يوم عن حلمنا
ولو طال ليلناعلينا
فبكره جاى
جاى بضى
تحياتى
وكل سنه وانت طيب

تسـنيم يقول...

رائعة بجد

وما تقلقش جاي


هو قال

الطائر الحر يقول...

الضي جاي من القلب من جوه

حلم الحرية يقول...

ساعات بيجي بسرعة
وساعات بيتاخر

بس الاكيد انه بييجي في الاخر ان شاء الله


تحياتي

أميره..من غير قصر و لا بستان و لا الشاطر حسن كمان يقول...

و اذا جييت يا ضي خليك شويه
بلاش بخل بقي
تعالي ..و استني معانا و ياريت لو تفضل بقي على طووول
يا سلاااااااام

امرأة تقول الذي لا يقال يقول...

حلوة جدااااااااااااا يا مصعب

sherif يقول...

الف الف الف مبروك يا مصاعيبو