الاثنين، يناير 21، 2008

موسم المطر..


موسم المطر اللي فات،
كان بيجري تحت المطر اللي بيحبه
اتكعبل، وقع على ظهره، والوقعة كانت جامدة..
غمض عينيه من الوجع
وسمع أصحابه بيضحكوا عليه أوي..
على ظهره لسة،
وابتدى الألم يقل حبة حبة..
فتح عينيه لقى السما صافية بتضحك..
والشمس من بين حبات المطر راسمة قوس قزح..
ابتسم وقام كمل طريقه..

موسم المطر ده برضه كان بيجري تحتيه
وبرضه اتكعبل ووقع..
بس المرة دي وقع على وشه..
غمض عينيه من الوجع
وسمع أصحابه بيضحكوا عليه أوي..
لما الألم قل حبة حبة
وفتح عينيه..
ما شافش غير الطين اللي على الأرض..
وما شافش قوس القزح..

التسميات: ,

ÇáÜ 14 Çááí ÚÈÑæäí ÞÇáæÇ :

Ýí ÊãÇã : 22/1/08 12:16 ص, Blogger camellia ÞÇá/Ê :

متهيالي هو بس كل اللي محتاجه انه يرفع راسه للسما ويفتح عينيه اوي وساعتها هيشوف قوس قزح بالوانه السبعة مالية المكان..هيقوم ويغسل وشه من الطين ..ويكمل الطريق وبرضه هيبتسم....رغم ان المطرة بتوقعنا بس لساها برضه بتقدر تفرحنا

 
Ýí ÊãÇã : 22/1/08 1:43 ص, Blogger أبوشنب ÞÇá/Ê :

اكيد العيب فيه هو


بل ي المطر

ولا الشمس

ولا قوس قزح

 
Ýí ÊãÇã : 22/1/08 3:56 ص, Blogger صوت من مصر ÞÇá/Ê :

يا عمنا الشمس دى نعمه والمطر نعمه طيب يارب نمطر فى غزه ويجيبوا حلل ويقعدوا يملوها ميه ولا ايه فى ناس مش لاقيه تاكل حتى البرسيم ؟

 
Ýí ÊãÇã : 22/1/08 12:50 م, Blogger Salma Amer ÞÇá/Ê :

موسم المطر اللي جاي
حيجري تحت المطر اللي بيحبه برده
وقبل ما يتكعبل ويقع حيلحق نفسة ويقوم يقف و بدل الابتسامة حيضحك قوي حيضحك وحيفكر في مموسم المطر اللي قبلة ويكمل ضحك
ولما حيرفع عينيه في السما حيلاقيها صافية والشمس من بين حبات المطر راسمة قوس قزح ووش بيضحك له كمان

أصل الحياة كدة دوام الحال من المحال واكيد اكيد المرة الجاية حتضحك قوي قوي مدام قلبة طيب زي لبن الحليب
بس ومعنديش حاجة تانية اقولها وانت عارف لية

 
Ýí ÊãÇã : 22/1/08 2:03 م, Blogger Amira Qassim ÞÇá/Ê :

هتشوفه..
صدقني هتشوفه

 
Ýí ÊãÇã : 22/1/08 3:31 م, Blogger شيرين ÞÇá/Ê :

مش معنى انه مش شايفه انه مش موجود..

بس بجد نصيحتي ليه انه يغير أصحابه المتخلفين اللي كل ما يقع يضحكوا عليه دول.

 
Ýí ÊãÇã : 22/1/08 6:45 م, Blogger OMA ÞÇá/Ê :

momken yet3b nafso showaya w yerfa3 raso lelsama...w hayshof elsama w koz koza7..w msh m3na enna msh shayfen el7aga enha msh mawgoda ya mos3aboooz
:)
Hope u r ok

 
Ýí ÊãÇã : 22/1/08 11:46 م, Blogger مروة جمعة ÞÇá/Ê :

هههههههههه
وفي كل مرة بيسمع صوت الضحك ..
أما غريب والله!ا
جميل جدا يا مصعب
هذا الشتاء..والشتاء الماضي
ويمكن ما نعيشه حاليا ان قفانا للسما ووشنا للأرض ..للأسفلت المبلول !ا

صباح الورد

 
Ýí ÊãÇã : 23/1/08 11:24 ص, Blogger IbrahimGhanem ÞÇá/Ê :

موسم المطر اللي بعديه
كان بيجري مع إنوا عارف إن الطينة بتزحلق
فاتكعبل و إتكفى على وشه
غمض عينيه من الوجع
لما الألم قل حبة حبة
وفتح عينيه..
لقى أصحابه باعوه في ثانية
وخلعوا من غير ما يساعدوه
وبص لقى الميكروباص فاته



معلش بقى أنا لقيتها طالبة معايا ألش..فقولت مافيش غير مصاعيبو

 
Ýí ÊãÇã : 23/1/08 4:18 م, Blogger مروة الزارع ÞÇá/Ê :

ربك وربى ورب الكيبورد والماوس هو الله

من فضلك غير اسم المدونة حتى لاتقع فى شرك فى غفلة منك

 
Ýí ÊãÇã : 24/1/08 2:55 ص, Blogger حلم الحرية ÞÇá/Ê :

لو مسح الطين عن عينيه هيشوفه

اكيد هيشوفه

 
Ýí ÊãÇã : 24/1/08 9:49 ص, Blogger Reemo ÞÇá/Ê :

الاختيار بايده هو
لو رفع راسه هيشوف السما وقوس قزح
ولو فضل باصص للطين مش هيشوف غيره
لازم يحدد هو عايز ايه
ويختار يبص فين حتى لو الظروف وجهتته لاختيار تانى
:)

 
Ýí ÊãÇã : 28/1/08 3:19 ص, Anonymous غير معرف ÞÇá/Ê :

ساعات يا اخى بتبقى مصعب اوى

 
Ýí ÊãÇã : 11/2/08 8:22 م, Blogger Bongo ÞÇá/Ê :

المرة اللى فاتت شاف السما و الشمس يعني هو عارف انهم موجودين
المرة دى يستفيد من انه وقع فى الطين و لو بص كويس هيشوف فى قلب الطينة زرعة صغيرة او برعم طالع على مية المطر للسما و الشمس ..

 

إرسال تعليق

áíäß ÇáÊÏæíäÉ Ïí :

إنشاء رابط

ÇáÑÆíÓíÉ> >