الأحد، يوليو 23، 2006

عسكر فوق و عسكر تحت!




عشرة
عشرين
تلاتين
أربعين
خمسين
ستين
سبعين
تمانين
مية

نطوا عليكوا الحرامية
سرقوا الفول و الطعمية
عسكر فوق و عسكر تحت
اخص عليك يا بتاع الكحك!

آه و الله،

نطوا علينا الحرامية ... سرقوا الفول و الطعمية و غلوا البنزين، فاضل ندفع ضريبة استنشاق هواء لزوم الحياة، و هتتقسم برضه أكسجين تمانين للغلابة أمثالنا، و أكسجين تسعين ليهم!

و الكارثة إن الحرامية دول محميين من العسكر،

عسكر فوق...
وعسكر تحت،

عسكر فوق في الوزارات و الرئاسة و مجلس "الشغب" و مجلس الصورة(لأنه صورة مش أكتر .. مجرد زينة)

و عسكر تحت في قمل الدولة، و مخبرينها و الشرطة المبجلة و ظبابيطها، و أعوانهم

و الله العظيم اخص عليك يا بتاع الحكم!



---
في ذكرى ثورة يوليو و ما آلت إليه الآن من حكم ميمون "مبارك"!!!

هناك 5 تعليقات:

ياء يقول...

اخص على الناس اللى خلت العسكر يحكموا البلد
اخص على كل واحد شاف ظلم ومحاولش يمنعه

غير معرف يقول...

تحفه ميمون القرد

اروي الطويل يقول...

كان فى قصيدة لاحمد مطر بيدعى فيها على الطغيان واللى سند الطغيان واللى خلاه يوصل لكده فى الاخر رجع فى كلامه لان السبعين مليون هما اللى وصلوا المليون _مشيهم مليون_ للحكم - باعتبار ان الامن ما فيهوش حد كده متضايق من الوضع وان هما مبسوطين كده

Mai Kamel يقول...

حلوة اوى يا مصعب.. اول مرة اقرالك حاجة بره الكيبورد والماوس..
وللامانة اول مرة اقرالك خالص مع انى كل ما اشوفك احس انك حد وراه حاجات كتير بس البراءة اللى بترسمها على وشك دي بتخليني متكلمش معاك..
مش عارفة عرفتني كدة ولا لا..
بس انا حد بتشوفه كل حين ومين.. وبلوجك عجبني.. :)))
وعجبني على الاخص فكرة الموضوع ده

3ala asm masr يقول...

عواد باع ارضه يا ولاد
شوفوا طوله وعرضه يا ولاد