الخميس، يوليو 13، 2006

من قال فاقد الشيء لا يعطيه؟!



بجد مين اللي قال إن "فاقد الشيء لا يعطيه"؟!

مش دايما المقولة دي صحيحة..

لما بأكون في عز اكتئابي و مش عارف أسيطر عليه، و ألاقي أي حد مخنوق ما بأعرفش أسيبه و بأنسى نفسي، و ما بأسيبوش إلا لما يبقى مبسوط أو على الأقل ارتاح..
و بعد ما أخلص معاه أفتكر إني أنا نفسي مخنوق .. بس ما بأعرفش أعمل لي حاجة..

أكيد معظمنا جرب حاجة قريبة من كده..
لما تبقى بتنصح و تحل مشاكل كل الناس و مش عارف تحل مشكلتك!

سلام دلوقتي..

هناك 7 تعليقات:

Nohaz يقول...

المشكلة مش في كده المشكلة في الي ينصحك و يعمل ملاك و بينسي ان هو عامل مصايب
زي الولد الي بيزني و يهزق بنت انها سلمت علي زميلها ولا ضحكت له
زي الي تبقي مخطوبة لواحد مش بيصلي اساسا و تيجي تحاسبك في الدين و تنصحك
زي الي مبتراعيش ربنا في شغلها و تقولك انت بتشتغل اية و الي بتقبضه ده علي اية؟

مـحـمـد مـفـيـد يقول...

بعد ما تخرج اللي كان متضايق من اللي كان فيه اكيد انت كمان هتخرج من اللي انت فيه بالتنبعيه

sherif يقول...

يا عم الحاج حفظ واحد الكلام اللي انت بتقوله للناس و يعدين خليه يقوللك الكلام دة اكيد هيكون في فرق و نتيجه و ابقي قوللي عملت ايه

العـابــــــــره يقول...

ده إن دل يدل على طيبتك وحلاوه روحك
ويرب دايمآ مصعب الخير


بس قولى
؟؟
فين تدويناتك السابقه؟

ياء يقول...

كلما اغلق ليلا حول احلامك بابا ورايت الدرب قفرا لاترا الا سرابا
افتح الاستار عنك دع هذه الكئابه
لوحه الدنيا تنادى ترتجى منك استجابه
لبها بالحب وارسمها بالوان الامل
تلقا منها ثمر حلو شهى لا يمل
كن ودود كن رحيما كن مع الكون انسجاما
واحب الناس وانشر بينهم احلى ابتسامه
كن لهم عنوان صدق ومع الحق شهامه

من نشيد قناه الرساله

كن جميلا ترى الوجود جميلا
وتفائل خيرا تجده

dead man يقول...

علي الطلاق انتا عسل يا جدع
وطبعا اكثر واحد بتقعد تشوف ماله وهو مخنوق ليه العبد لله يابني سيبك مني انا حالة ميئوس منها بشهادة كل الخبراء والدكاترة وبعدين انا دايما بقولك مالك مدايق من ايه بتقولي مفيش :(

Angel يقول...

مش عرف اقول ايه
بس
شكرا مصعب