الاثنين، يوليو 17، 2006

و إن كنت ناسي أفجرك!

(ما أخذ بالقوة لا يسترد إلا بالقوة) ..

أي و الله..
بس أنا عاوز أضيف حتة...

(ما أخذ بالقوة، ما كانش هيتاخد أصلا لو في من الأول ... قوة!!)*

بس ما علينا.. ما عندناش أوبشن استخدام الجزء التاني .. خلينا في الأول..
أصل احنا قدام أمر واقع دلوقتي .. يعني الـ"رصاص" وقع في الراس!

ليه كل المقدمة دي؟!
علشان التلات تصريحات بتوع حسن نصر الله خلال الأيام الماضية من الحرب على لبنان التي تشنها قوات الكيان الصهيوني الغاشم ردا على أسر حزب الله لجنديين من جنوده..

التصريح الأول :
لم أسمعه بنفسي، و لكنني سمعت ملخصه من أكثر من شخص، و كلهم ركز على هذه الجمل :

"مش عيب يا أولمرت إنك ما تكونش عارف..
لكن العيب إنك تكون لسة جاي جديد في المنطقة.. و ما تحاولش حتى تسأل اللي قبلك من هم حزب الله .. و من هو حسن نصر الله..
و إذا كنت نسيت فاسأل أصدقائك في حكومتك.. ماذا فعلنا بهم عام 2000"

أيوة بالظبط .. كأنه يقول : "إن كنت ناسي أفجرك"!


التصريح الثاني :
حضرته و دغدغت نخوتي و إحساسي بالفخر نهايته السينمائية الرائعة ..
"استطلاعات الرأي عندكم –أي عند الإسرائيليين- تقول أنكم تصجقونني أكثر مما تصدقون مسئوليكم.. و ها أنذا أقول لكم انظروا إلى البارجة التي كانت تضرب لبنان منذ الصباح فإنها تحترق"!!

برافو عليكو ... التصريح اللي فات "إن كنت ناسي أفجرك" ، التصريح ده " آديني فجرتك يمكن تفتكر"!


التصريح الثالث :
" ما رضيتش أضرب مصانع البتروكيماويات حرصا على المدنيين"
"إن كنت ناسي أفجرك"



بقى أمر واحد نغص علي حياتي و فرحتي

تصريح جامعة الدول العربية

لسان حالهم يقول : " يا وحشين يا بتوع مجلس الأمن (و إن كنتم ناسيين واجباتكم احنا جايين نفكركم) ها بس علشان احنا زهقنا.. و احنا بنشجب و ندين و نستنكر"!!!



----------
* الترجمة العصرية لمقولة نابليون بونابرت : "الهجوم خير وسيلة للدفاع"! (من ولاد .. قصدي بنات أفكاري).

هناك 5 تعليقات:

ياء يقول...

حلوه منك

غير معرف يقول...

جامدة طحن يا مصعب

sherif يقول...

جامده ياض يا مصعب

تسلم
ويسلم كل مسلم غيور

غير معرف يقول...

أمرنا الله بالجهاد في سبيله ، وطلب إلينا الأستاذ حسني مبارك ظبط النفس.

المستكشف/احمد محسن يقول...

جميله ...........جميله
صباح الدماغ العاليه .


شكرا على أفتكاساتك