الأربعاء، سبتمبر 19، 2007

وكل سنة وأنت :-)


كل سنة وانتوا كلكم طيبين
كل سنة وانتوا كلكم :-)
النهاردة يا جماعة عيد ميلاد الـdigital smiley face ده :

:-)

اللي معظمنا تقريبا حافظه وبيستخدمه في الكلام كل يوم على الماسينجر، أو في منتدى أو حتى على الـIRC

من خمسة وعشرين سنة، وبالتحديد يوم 19 سبتمبر 1982 الساعة الواحدة إلا ربع صباحا كتب سكوت فاهلمان أو Scott E. Fahlman، المدرس بجامعة "كارنيجي ميلون" Carnegie Mellon موضوع في منتدى بيقترح فيه إن الناس تستخدم الاختصار ده : :-) للدلالة على إن واحد بيبتسم وتشوفها وأنت مميل راسك شوية
نص البوست بتاعه :
19-Sep-82 11:44 Scott E Fahlman :-)
From: Scott E Fahlman

I propose that the following character sequence for joke markers:

:-)

Read it sideways. Actually, it is probably more economical to mark
things that are NOT jokes, given current trends. For this, use

:-(

دلوقتي ما أقدرش أتخيل الـchats والـforum threads من غيرها
شكرا يا Scott
وكل سنة والـsmiley طيب :-)

هناك 16 تعليقًا:

العـابــــــــره يقول...

:-)يارب تكون على طول

وكل سنه وانت طيب

بس فين الغانووووووس؟؟؟

mohamed يقول...

يااااه

كل سنة وهو طيب

وعقبال مليون سنة

:)

:-)

3ala asm masr يقول...

مكنتش اعرف ان الموضوع مهم كده
كل سنه وانت يا سميلى انت

غجرية يقول...

كل سنه و هو طيب
انا كنت طول عمرى بسال ايه معنى الاختصار
شكرا للمعلومه

بذرة امل يقول...

جزاكم الله خيرا على المعلومة الجديدة

مدونة لذيذة انا اول مرة ادخلها

Иεşċąfě &иεmö يقول...

كل سنه وهو طيب و يا رب ديما نشوفه مبتسم بس انا زعلانه جدا معزمنيش ليه في عيد ميلادة;)

MarwaAshraf يقول...

سكوت يقول : العفو مصعب

:-)

مواطن زهقان يقول...

كل سنة وانت طيب
وعقبال
4663236363335653313131313سنة
يلا اى خدعة

shabfa2re يقول...

كل سنة وانت طيب يا ذو العيون الملونة

أميرة من غير قصر ولا بستان.. ولا الشاطر حسن كمان يقول...

كل سنه و انت دايما طيب و بخير يا مصعب افندى
و يارب نفضل كلنا دايما :-)

Omar يقول...

وهوه ال(-: بئالو عيد زي عيد الاضحى والفطر
مم حكم عشنا وشوفنا ال(-: يتعملوا عيد
بكره بئه نطاطيلوا ويدوس على روسنا
معلش عندي سؤال تاني هوه بياخد عديه كتم؟
ولا ده عيد لحمه؟(-:ههههههه:-)هه؟

Omar يقول...

ااخ نسيت كل سنه وانت طيب وال(-:طيب

غير معرف يقول...

:)

When I use this smiley..I just smile myself! :)

It's inspirational though it is just a colon and a bracket

:-)

غير معرف يقول...

by the way, thanks for the info..I really did not where it came from :)

May you always smile!

YOTTA يقول...

انت بأه مصعبوف
سمعت عنك فى مدونة البراء
المهم
the smiley face
ده كان عامللى مشكله ف حياتى
زمان أول ماجبت الموبايل وكان حد يبعت لى ماسدج
فيها سمايلى
ماكنتش بافهم ايه ده
ايه لزمته يعنى قوس ونقطتين؟!!
عبيطة أنا مش كده؟

بعد كده بأه فهمت انى المفروض ألف الموبايل كده هون
أو أعوج أنا دماغى كده هون
على طريقة سعيد صالح ف العيال كبرت أما كان بيقرا الجواب

يووووه ايه الرغى ده
كل سنه والسمايلى طيب
اللى بيضحك بس
:)

ياء يقول...

:-)كل سنه وانت