الأربعاء، نوفمبر 15، 2006

كن صبورا .. دي تصبيرة!


أول أول أول امبارح كان أول يوم لي في وضع جديد ومكتب جديد فرضته على النقلة الوظيفية اللي حصلت لي..

امبارح(يوم الثلاثاء) طلعت على الهواء مباشرة في أول ظهور في التليفزيون لي في برنامج اسمه "شارع الكلام" على قناة النيل الثقافية عن التدوين في مصر، وحسب كلام دعاء وأحمد الهواري و عم صابر (شافوا حتة من الحلقة) و كلام مجدي و مجاهد النهاردة (اتفرجنا سوا على الإعادة) كانت فقرة لذيذة

النهاردة قابلنا (احنا الموقع كله) ياسمين علشان هي مسافرة أمريكا يوم السبت الصبح

النهاردة برضه روحت لقيت أخويا الصغير خالص عبد الرحمن (أولى ثانوي) بيقول لي أخوك بكر (اسمه أبو بكر وأصغر مني بسنة و سبع شهور) رجله اتكسرت و عمر (أخويا التاني أصغر من بكر بسنة) خده القصر العيني، بكر أصلا متعود يكسر نفسه كتير، بس الجديد المرة دي إن عربية خبطته..

أنا مفحوت جدا علشان كده مش لاقي وقت ولا دماغ أكتب تفاصيل الحاجات اللي فوق دي، فقلت أكتب لكم تصبيرة.. أو يمكن أكتب لي أنا التصبيرة دي!

والتقيل جاي ورا إن شاء الله

هناك 4 تعليقات:

Dananeer يقول...

اولا الف سلامه على بكر

ثانيا مش كنت تقول على الحلقه

ثالثا يارب تكون بخير
و تلاقى وقت يا سيدى تفكر

غير معرف يقول...

ألف سلامة.. ما ضاقت إلا أما فرجت.. ربنا يشفي بكر إن شاء الله

We2am يقول...

alf mabroooooooooooooook ya dude :)
lolololololoy :D
3o2bal el t2el tab3an..w ama nshof..a7'ra feen? :)
alf salama 3la bakr elso3'ntoto dah..rabana m3ah isa..
wtg ya pasha..ew3a tesbehom yast3'lok :D

abdallah ahmed , عبدالله احمد يقول...

مساء الفل