الخميس، نوفمبر 09، 2006

لأن الانطباعات الأولى تدوم!


باختصار يا جماعة ومن غير لف ودوران..

كل واحد فيكم ينزل تحت في التعليقات، ويكتب انطباعه الأول لما قابلني، أو لما قرا المدونة لو ما كانش قابلني...
مستنيكم..

هناك 49 تعليقًا:

أحمد فؤاد الدين يقول...

الإنطباع الأول: شخص غريب يبدو أنه لسه نازل من مركبة فضاء حالا و واضح إن المركبة من كوكب الإخوان
الإنطباع الثاني و الأخير:
راجل... محترم جدااااااا و عبقري قوي

Amira Hassan يقول...

و الله يا مصعب انا اكتر واحده تعبت من حوار الانطابعات الاولى دي لانها عندي انا لا تدوم ابدا..و لذلك قررنا انا اميره العظيمة اني مصدرش اي قرار على حد غير لما اتعامل مع الشخص...و من خلال تعاملي البسيط معاك كان لنا الرآي الاتي و الذي يحتمل الخطأ يعني

انت حد لذيذ و شخصيه مثقفه و مجنون بالكمبيوتر و بتحب براء جداً و فقري..بس...لنا المزيد لما نعرفك اكتر سيادتك...ده غير فكرة انك صاحب فؤاد دي حاجه في صالحك بالنسبه لي اكيد

ياء يقول...

اول ماشفتك كنت محتاس وملتاس ومش عارف تلف البنر بتاع حفله هنغنى للمقاومه
دى اول مره وباذن الله مش الاخيره

Unknown يقول...

ana mosh fakra 4 sure eeh awel enteba3...la2en zay ma2oltelak kan men zaman, bas elly ana fakrah enny kont ba7essak elly howa shayel homom keteer ma3a nafsak bas mosh bet7eb tera5em 3ala 7ad beha, w ennak 3'awy dayman teddy comments-afashat ya3ny- 3al kalam
w ennak kaman kont-and still- helpful awy
bas kefaya keda 3aleek

غير معرف يقول...

جه اليوم اللي لازم أعترف فيه :: الساعة 2:30 من سنتين يوم تلات بداية معرفتي بيه على الماسنجر, كنت أستخدمه فقط كجاسوس لخدمة مصالحي الشخصية, لمعرفة هوية جميع أفراد الموقع , أماكن جلوسهم , سماتهم الشخصية و بيحبه ايه و مش بيحبه ايه علشان لما آجي الموقع لأول مرة أعرف أحزمهم. لكن بعد ماجربته قصدي قربت منه و عرفته كويس حسيت ان انا إنسان ندل و بعدها بقينا أكتر من أوخوات و تمنيت اني أكون زايك .انا خلصت ضميري

أميرة من غير قصر ولا بستان.. ولا الشاطر حسن كمان يقول...

انا فاكره اول مره اتعاملت فيها معاك يا مصعب كنا المفروض نعمل الدعايه ل عشرينات سوا
كانت اول مره اشوفك يوم اجتماع المتدربين:):):)
كنت هادئ اوى و مهذب جدا و كنت بتحاول تخلينى محسش بالاحراج لانى كنت ميح فى امور الانترنت:):):):)
انطباعى الاول عنك انك متعاون , متواضع و بحب فيك جدا صراحتك, و انت هتفضل للأبد اخ و صديق عزيز جدا

بس ده ميمنعش انى احيانا بحس انك سوسه
هههههههههههههههههههههههههههههههههه
و نفسى اوى انك تحقق كل احلامك يا عبقرى

We2am يقول...

tab esh6a..ana aslan mat3mltesh m3ak ya3ni face to face..wla et76et fe mawqef 3'areb m3ak w shoftak etsrft ezay..but anyway..
enta 7ad bte7b elle enta bt3mlo awy..computrised ya3ni :) w kaman shaklak dma3' fel7ya 3moman..elma2sah ele3'reqqya bta3et elta3lem deh mn AHAM asbab en6ba3y elkowes 3annak :D
lazez kaman w damak ebn fa2ryya..shaklak bte7tarm elsadaqa(mn el nick name)
dah 3'er b2a enak sa7eb fo2ash sa7eb amira..fa dah 7aga fe sal7ak akeed ya3ni :D

Salma يقول...

أنا عمري ما شفتكز من حوالي شهر كنت بقرأ في مدونة بتاعة واحد مصري بس بالإنجليزية كلها شتيمة في الإسلام و المسلمين. حاولت إني أمنع نفسي أني أشوفها تاني بس دي كانت المنفذ الوحيد ليا مع ناس بتفكر و بتتكلم الناس اللي في الشغل أشك إنها بتفكر أصلاً. سألت نفسي هو مفيش ناس طبيعية في الدنيا و الحمدلله بالصدفة شفت مدونة بنت بلد و منها على وأنا مالي ثم على المدونة دي إنطباعي إنك بني آدم طبيعي بتفهم وبتفكر زي ما المفروض الناس تبقى بس عندي ملاحظتين: 1 إنك مقل أوي يعني ليه ماتدونش مرتين في اليوم مثلاً و ثاني حاجة ممكن تركز على موضوع مهم وتكتب عنه أكتر من مرة علشان القراء يعملوا (مناقاشات) :-)
ربنا يوفقك و ناس كتير تقرا المدونة بتاعتك

غير معرف يقول...

الإنطباع الأول: أكيد مش فاكر..
الإنطباع الثاني والثالث والعاشر برضة أكيد مش فاكر....

أنا أصلا مش فاكر أول مرة قابلتك كان إمتى.. جاي تقولي كنت حاسس بإيه ساعتها!

عايزيني أفتكر حاجة بقالها ييجي 3 سنين.. أنا أصلا مش فاكر أنا كلت إيه إمبارح!

marwa salah يقول...

بصراحة يا مصعب وبدون زعل ... أول ما شوفتك حسيت اني لأول مرة باشوف الطفل المعجزة اللى كنا بنشوفه فى مجلات الاطفال وبرامج الاطفال فى التلفزيون وكنت ايا مها بتلبس السماعة اللى بمايك ودا كان بيدني انطباع انك نازل من مركبة فضاء بس ناقصك الاريال اللى بيلقط الاشارات اللى في بدلة الفضاء.

غير معرف يقول...

"طيب" و "متحمس" و "محبوب"

غير معرف يقول...

أول ما شفتك حسيت إنك شبه أخوي قوي في الشكل و طريقة الكلام وحتي الضحكة لما تكون مهيس.
و احب أقولك إنك الشخص الوحيد من 5 سنين إلي سعيت للتعرف عليه علشان كده كنت بحر معاك الكلام في أي حاجة,رخامة كده و خلاص.
المهم أحب أقولك إن إختراعي الشاشة في النضارة بيقطع خطوات جادة نحو تحقيق الحلم.

Nohaz يقول...

نت فرحانة و شايفاك أخويا النونو النونو النونو

Nohaz يقول...

صحيح فاكر الميكروباص الي ركبناه؟؟؟
و انا سيبتكم و قعدت أخلص في دفتر حصر أعمال تطوير ورش العباسية و كنت يومها لابسه بلوفر طويل أحمر
تقريبا قعدت علي جهازك أو جهاز براء
اليعلي ايدك اليمين و انت داخل الأوضة أقصد الحائط الايمن مش حائط المدخل و كان علي المكتب مذكرات واحد من الأخوان حاجة كده
يومها أصلا اترعبت اما أكتشفت أن المكتب ده فيه أخوان قلت مش طالبة اعتقال
بس والله بجد انت أكتر واحد فرحت ان شفته و الوحيد الي لسه بكلمه من مجموعتكم
الباقي مفيش خالص
حتي مني الي كنا اصحاب سنيين و واكلين عيش و ملح مع بعض

تنهيدة يقول...

رغم اني شفتك مرتين بس ..ممكن تسمحلي أعبر عن انطباعي الأول
أول مرة شفتك فيها كنت حاسة انك شخص محترم جدا بس كنت كل ما أقول كلمة ألاقيك بتقول عكسها مش عارفة المناكفة دي ليه!!
تاني مرة بصراحة كانت حركة جدعنة منك انك تنزل مخصوص من بيتكم عشان تدينى وصل الصور.
مرسي يا مصعب وفكرة حلوة قوى

Dananeer يقول...

أنا صحيح مشفتكش على أرض الواقع
بس
أنا شايفه ان مصعب انسان طيب جدا و حساس كمان
و خدوم بما ان اول مره اتكلمت فيها معاك مكنتش اعرفك
و هبطت على ايميلك بالباراشوت عايزه مساعده
و عرفتك من الصوره الحلوه و الموضوع اللى خلانى ادمع اللى كتبه براء عن واحد صاحبه جميل اسمه مصعب

Mohab Altlaity يقول...

أول ما شقتك كان في أول يوم في مدرج سنة أولى و كنت عمال تكتب و متحمس
فقلت الواد ده باين عليه شاطر و بيذاكر :D
بس تقريبا من يومها ماعملتهاش تاني

ام مليكة يقول...

ياخبر ابيض كل دول علقوا قبل ما اعلق:) يا خسارة كنت اود ان احصل على شرف التعليق الاول بس يلا خير فاز احمد فؤاد مع انه اخر واحد عنده انطباع عنك تقريبا يا مصاعيبو
المهم بصراحة انا مش فاكره اول مرة كانت امتى بس اكيد فاكره انها كانت في عشرينات وكمان برضه فاكره احساسي لانه فضل فترة طويلة قوي هو نفس الاحساس الاولاني كنت حاسه انك ولد مؤدب قوي واخوان قوي في نفس ذات الوقت ومش بتحب البنات تقرب ولا تهوب ناحية المكان اللي انت قاعد فيه ولو نويت تعدي وتروح اي مكان وففيه بنت حواليه او بتدور في فلكه لا سمح الله ممكن تفضل مستني نص ساعة مثلا ولا انك تعدي او تطلب منها توسع يعني ببساطة شاب مؤدب قوي واخوان قوي وانسان قوي
اللي بعده بقى يا مصاعيبو لما بقيت انا خطيبة صاحبك الانتيخ وفي اول معرفتي ببراء اكتشفت فيك انسان تاني خالص شخص ذكي لابعد الحدود ومؤدب ومرح جدا ورقيق لاقصى درجة وعندك قدرة احتمال تحسد عليها
طبعا الانطباعات هتفضل تزيد شوية شوية ماهي العشرة ان شاء الله هتطول يلا شد حيلك حلوة قوي فكرة التدوينة دي ممكن اسرقها منك؟؟؟؟

غير معرف يقول...

Positive

عبدالله مفتاح يقول...

بص يا سيدي اول مرة سلمت عليك حسيت انك من الولاد الطيبين اوي اللي كانوا بيعدوا في الباص واحنا رايحين المدرسة باصين من الشباك وملهمش دعوة باللي بيحصل جوه الباص
اما المرة التانيه فحسيت ان في شخصيه مستخبيه جوة مصعب
وبتطلع قليل اوي ولناس محديين ومتعترضش لانها الحقيقة:)))
حبيبي انت يا مصعب

غير معرف يقول...

كلمة عبرني بتعليق دي جامده أوي

تدوم تدوم وتدوم

عرفتك مصعب الخير من تعليقاتك بموقع عشرينات

وكانت اغلب التعليقات فيها أناشيد.... وأنا شيد تعجبني جدا واغلب التعليقات دي كانت في مواضيع البراء



انطباعي الأول عنك يا مصعب واللي ما زال إلى الآن وبدون مجاملة

انك إنسان صاحب أخلاق راقية جدا

غير معرف يقول...

يعني انت يا مصعب بتسألني سؤال صعب جدا مش بحب اجاوب عليه ابدا :)
بس انا هقولك بكل صراحةو بكل اختصار
أول ما شفتك حسيت انك انسان هادي جدا مش بتحب تتكلم كتير و عندك زوق
أما عن موقفك السياسي فده مكانش يهمني قوي اني اعرفه و لحد دلوقتي برضه ميهمنيش لان مصعب الانسان حسيت انه نقي و رقيق جدا و ده اللي يهمني
و برغم ان صداقتنا لسه في بدايتها الا اني اتمنى انها تتوطد في اقرب وقت
كل تحياتي
أحمد بلال

غير معرف يقول...

كانت أول مرة حسبما أذكر فى شركة فى عمارات العبور، وكان أول انطباع أنك الشخص جميل، هادئ وطيب وتدخل القلب

غير معرف يقول...

ميرسى يامصعب لينك بعت لى لينك التدوينة زى كل الناس اللى عندك مع انى .. (مش موجودة

على فكرة احنا قعدنا قبل كده فى قاعدة اوف لاين وقلت رأيى بس مش عارفة انت فاكر ولا لأ

كان يوم اعلان خطوبة براء صاحبك ودعاء، كان يوم عالمى كل الناس فى عشرينات بتقول رأيها فى بعض وكان يوم أعلبه كذب خالص، لكن انت من الناس اللى اتمنيت انها تستثنى رأيى فيها من المنظومة الجميلة دى

ويومها استفلت تعبير شهير لشيرين مجدى عن أكلة بتحبها ومش تقدر تستغنى عنها وقلت مصعب ده اختيار غير نهائى بالنسبة لى ولأى حد بيفهم

امم .. اول يوم بقى شفتك كنت لسه راجعة عشرينات عشان اشتغل مع استاذ احمد نصر فى صفحة الانتخابات وكان كل شوية يبص ورايا، فلفيت اشوف ايه ورايا ده لقيتك انت وقاعد على الشباك وراسك كلها فى الكمبيوتر مش عارفة ازاى، وحسسنى انك فى ايدم مصير مصر وكل شوية يقولك .. ايه الاخبار يا مصعب؟ خلصت

وبدأت افهم وجهة نظره لما عرفت ان اسمك كده وانك مسئول البرمجة فى الصفحة، وفضلت طول الاسبوع الاول فى معرفتنا اقولك .. خلصت يامصعب الصفحة ؟ .. ، وكنت طول الاسبوع الاول وكنت باتضايق جدا، وأنا كنت باستغرب برضه فى الاسبوع ده انك اخوان وكل ما اكلمك عن حاجة بالسياسة او موقف الاخوان فى الانتخابات تقولى انا اخوان بس مش لى علاقة بالسياسة

وفى اول يوم معرفة بينا برضه قمت تصلى بينا وسالت دعاء اشمعنى هو يعنى قالت لى ده ما شاء الله عليه حافظ كتير اوى؟ ..

واحنا بنصلى قعدت افكر (للأسف دى عادة زى الزفت فى عشان كده باحب يبقى لى امام) يا سلام يعنى الواد اللى صوته حلو ده فى القرآن هو الامام وهو اللى ، مالك روح الصفحة دلوقتى وفى اولى كليه بس!!، وكنت ايانها مكتئبة اوى وقلت فعلا اللى عايز حاجة بيعملها وفرحت اوى بالنموذج اللى كنت شايفاه فيك اوى ساعتها، وقلت يومها وانا باصلى برضه) انك شبه يوحنا المعمدان فى قصة سالومى لمحمد سلماوى ، القديس اللى الهانم سالومى رقصت نخب الحصول على راسه

بعد الشر عليك، وبعيد عن كلكعتى، وعلى فكرة انت عندك صور احلى تليق على الموضوع اكتر من دى

انا كتبت انطباعى الاول بس عشان انت طلبت كده ومش عارفة لو كنت طلبت غيره كنت هاقولك ولا ..
وكمان مش هاعمل زى الناس المتطوعة اللى فوق لأنى باتعب من الكلام ده وباخاف اقوله او يتقال لى ، ومش عارفة برضه انت يهمك رأينا فيك اوى ليه؟ عايزة ايعتلك وش بيضحك بس انت عارف قدراتى التقنية بس يارب توصل لك الضحكة ومعاها كمان وردة .. سلام

البراء أشرف يقول...

أول انطباع أول أنطباع أول انطباع..

بص يا عم أنت..

انت على طول بتحرجني باختراعاتك..

خليني أفكر شوية وأبقى اكتب تدوينة كاملة عن أول انطباعك عنك.. مع إني حاسس انه مينفعش اتكلم عنك تاني

بالنسبة لي.. كان أول انطباع عن مصعب انه مصعب..

فقط لا غير

اتقابلنا بعد امتاحانات الاعدادية.. ودي كانت السنة الوحيدة اللي اجيب فيها درجات احسن من مصعب..

ولعبنا كورة سوا.. وكنت بحب قوي اننا نلعب في فريق واحد لإنه بيعرف يلعب كورة كويس وانا لأ.. وكان بيخلينا نكسب

بعدها كان اول انطباع عن مصعب هو انه الشخص الي بيحسسك دايما انه محتاجلك.. لكن الحقيقة.. انك انت اللي بتكون محتاجله..

مش عارف.. انسوا كل الكلام ده.. مصعب هو مصعب.. هو صاحبي وأخويا.. وبس خلاص ..

emz يقول...

هممم ..
اول انطباع .. اول انطباع كان لما قريت مدونتك .. حسيت انك انسان متدين قوى .. مغرم بشئ اسمه تكنولوجيا و كمبيوتر .. مثقف جدا ..

غير معرف يقول...

انا شخصيا لا اعتقد فى موضوع الانطباع الاول لانه دائما يكون مش صح نتيجه عدم اعتمادة على ايه خبرات او مواقف للحكم على الشخص ولكن
بعد حوالى سنه وشويه اقدر اقول انك شخص محترم منافس جيد فى التعامل مع التكنولوجيا بما انى بشتغل فى مجال الit
اقدر اقول انك بارع ودائما عنك سؤال صعب ينم عن معرفه قويه تجبر المتحدث معك على احترامك ربنا يوفقك ويجعلك خير مما نعلم ويتجاوز عما لانعلم قول امين اخوك سليمان

غير معرف يقول...

اول مره انا الحقيقه مش فكراها.. وبيني وبينك يا مصعب اعتقد أنك من كثر ما كنت هادي، انا ما اخذتش انطباع أول، بس الي اقدر أقولك أن الي حصل معايا أني سمعت عنك فكنت حبه اتعرف واشوف أنت فعلا زي ما بيحكوا عنك؟؟.
كانت ياسمين الي قالت عنك من أحسن الناس الي انا قبلتها.. ولأني ما بأخذش انطباع عن حد من حد، فبصيت لك بنفسي، واقتنعت أنك فعلا زي ما كل الناس ما بتقول one of the best،
ويمكن انطباعي الأول كان على أسمك D: أنا أول مره اعرف حد على اسم هذا الصحابي الجليل. يمكن استغربته
ممكن أقول.. ان انطباعي الحالي عنك،أنك بني آدم ممتاز، واني بتساءل كثير بيني وبين نفسي هل في انسان لا خلاف عليك... وللأمانه.. أعتقد أنك لا خلاف على سمو أخلاقك يا مصعب... بس لسه قدامك كثير من خبرات الحياة لتكتسبها، ونحن طبعاً كذلك :)

Amr Magdi يقول...

يا عمو مصعب

أنا فاكر أول مرة شفتك فيها

ما اتعرفناش على بعض كويس أوي

وبعدين قابلتك تاني في عشرينات

المهم .. برضوه مش قادر أحدد انطباع معين من أول لقاء

لكن ممكن أحدد انطباع معين عن مصعب الذي عرفته

إنسان ذكي ومجتهد زي ما مورا قالت كدا .. :) :)

برغم إنك خنقتني كثير على الماسينجر ، بس يلا .. المسامح كريم


صورتك بشعة يا مصعب وإنتا بتحشش .. إحم قصدي وإنتا بتشفط العصير

ياريت تغيرها

غير معرف يقول...

دايما احس يا مصعب ان في شبه بيني وبينك يتعدى الشكل والعنين الدٌبلي الحلوين يمكن الوحدة والغربة ويمكن الحاجة للانس والنور ويمكن في الاكتئاب النبيل ولدي انطباع عنك انك مسكون بحاجة عظيمة لكن يمنعك الحياء ان تخرجها وعلى فكرةوالحياء المفرط هو قرين كل اليتامى اللي زيك زاللي زياوعموما العصير في ايد اليتيم عجبة

غير معرف يقول...

دماااااااااغ اوى!

غير معرف يقول...

أنا كنت باقرأ التعليقات أصلي
:D
علشان أغش منها
بس بصراحة انطباعي الأول كان إنك شقي جدا وعاشق للتكنولوجيا ومحترم ومهذب

حكايات شهرزاد يقول...

باحب يا مصعب جدا لما تشركني معاك ففي جنانك واخترعاتك وافكارك التي أعتبرها من عالم آخر غير عالمي "الرزين" ال باشتغل فيه وأحياه فعلا، وبالرغم اننا زملاء في مؤسسة واحدة لكن لكل منا طريقته في الحياة وفي الشغل كمان.
أجي لموضوعك الاساسي وهو انطباعي عنك: بصراحة كان احساس انك زي أبني هو أكتر الأحاسيس المسيطرة عليا-رغم ان الفارق بيننا ليس كبيرا بالدرجة التي تجعلني أمك فعليا- لكن كنت حاسة تجاهك بالتسامح والغفران وخاصة لما كنت بتجنني وتتأخر عليا في المهام ال كنت باطلبها منك في دورة التطوع الالكتروني..ومادمنا تكلمنا عن الدورة دي أحب أقول انه رغم عمرك الصغير الذي لا يتجاوز العشرين الا انك كنت مدرب ومعد مادة دورة التطوع الالكتروني اكتشاف ومهارة على شبكة اسلام أون لاين.نت وهذا في رأيي دليل على عبقريتك وشطارتك(ما شاء الله عليك)..نفسي زياد يطلع زيك مختلف عن من حوله..باحب اختلافك ده..كمان باحب مدونتك وباحب الجمل ال بتحطها على الماسينجر..وادعو لك مزيد من التقدم.
ولا تنسى كليتك ومذاكرتك ..لأنك تستحق الكثير فلا تفسده بهذه التفاصيل الصغيرة..وربنا معاك:)
كوثر الخولي-أم زياد

dead man يقول...

بص يا عم انتا عارف أن أنا مش كويس في الحاجات دي والكلام ده، ولو قلتلي لأول مرة شفك فيها أمتا هقلك مش فاكر، بس عن الانطباعات الأولي أقولهالك بكل صراحة حسيت أن احنا مش هنعمر مع بعض

قولي ليه
بص يا سيدنا عارف لما تحس أن البني أدم اللى قدامك ده مش هتعرف تتوافق معاه في كلمتين علي بعض ، مفيش أى أرضية مشتركة
واحد متربي وسط إخوان وواحد متربي في السوق وصحيفة أعماله السابقه كانت تؤهله لأن يكون في يوم من الأيام مبلط سيراميك قد الدنيا لولا ست الكل ربنا يخليهالي
واحد معلوماته عن الحشيش تساوي تماما معلوماتك عن الopen source

مش عارف الفكرة وصلتك ولا لأ بس أنا حذرتك ان أنا مش كويس في الحاجات دي.

أما عن انطباع دلوقتي فكفاية اننا قعدين جنب بعض بنسمع فيروز

رغاي أنا صح..

شيرين يقول...

ممم مش عارفة يا مصعب أقول ايه.. ساعات من كتر ما بتحس انك عارف اللي قدامك بتبقى مش عارف تتكلم عنه أو توصفه...

طيب طيب طيب إلى أقصى درجة.. وده بيخليني متأكده ان ربنا هيكرمك، لأن مستحيل حد يكون جواه كل الخير ده ويجني إلا كل خير.

دؤوب جدا، ومتعرفش شيء اسمه اليأس.

رقيييق جدا، وحساس جدا، ورومانسي جدا جدا.. وعلى رأي عمك إبراهيم نصر "قلبك قلب خساية".. جمد قلبك شوية والنبي، الزمن ده مينفعش معاه الكلام ده.

صاحب صاحبك بجد..
إخوانجي على خفيف..
صوتك في ترتيل القرآن وهمي

بص أنا عارفة ان دي مش إجابة السؤال.. لكن ده لأني ببساطة مغيرتش انطباعي عنك من يوم ما كنت مجرد واحد صاحب براء اللي بيتدرب معانا، لحد ما بقيت ديفيلوبر الموقع.. وأخونا الصغير حلاوة :)

ياله ربنا يوفقك.. ومتنساناش لما تبقى حاجة كبيرة والفلوس تجري في ايدك ...

إمضاء
صاحبة الأتيليه

ياسر شمس الدين يقول...

انا ما شوفتكش غير فى الصوره واول انطباع ليا او اول حاجه نفسى اقولهالك هات شفطه من اللى بتشربه

وصباحك زى العسل يا عم مصعب

وكنت عايز اقولك
شعار الاخوان واجيب السيفين معايا بس المره اللى جايه لما اجيلك
هبقى اجيبهم وانت عليك المصاحف

الطائر الحر يقول...

ممممممممممممممممممممممممممم
أول انطباع حقيقي ان أخذته أننا هنمر بظروف كتيره احنا فيها شركاء
وأننا هنعمل حاجه كبيره جدا جدا جدا جدا جدا جدا مع بعض .
بالاضافه انى حست بأني وجدت من ممكن يفهمني اخيرا.
هو دى الانطباع الاول ....وتحسن بعد كده كتير

TheSane يقول...

انا مش فاكر اول انطباع خالص لانه تقريبا من سنتين لاني مشفتكش خالص في سنة اولي اساسا
بس بصراحة كنت مستخنقك حبيتين في الاول :P
بس ناو انت عارف من غير ماكلم انت ايه بالنسبة لي
تقريبا نسخة بالكاربون :(
يالا كفاية عليك كده

frozen love يقول...

de awl mara agy ur blog bs shklo 7lw...ana bshbh 3leek aslan we el2sm kman..enta kont fe mdrset eh fe sanawy..ew3a t2oly ahmed bahgat!!..l27san hntl3 es7ab we tasbeet b2aaaaaaaaa ya abo ms3b

محمود يقول...

امممم اول انطباع هي الفكرة يا مصعب لو تفتكر اني عرفتك من كلام ميس هالة عليك فاكرها حسسيتني اني قدام مخلوق انوي نادر...المهم صممت اني اكتشف المخلوق ده و الحقيقة اكتشفته و اعتقد انه فعلا انوي و نادر هو يعني ايه انوي يا مصعب؟ما علينا بس هو نادر لاني فعلا احترمتك جدا لان دي الحقيقة كانت اول مرة في المدرسة الاقي حد اتكلم معاه عن السياسة و الثقافة اواي معلومات عامة غيرك ...و احترمت ابتسامتك الدائمة و تقديرك للاخرين و الاجمل عقلك الجميل ...
اللهم ادم صداقتنا...

عمرو عزت يقول...

أول مرة شفتك كنا في عشرينات
كنت هادي جدا

بس انت شكلك مش كده

و بعدين عملت ببتكسف في افطار سوق الاسرة

بس انت شكلك مش كده برضه

اطلع من دول يا بني

غير معرف يقول...

مممممممممممممممممممممممم
الانطباع الأول ..إيجابي
ثم....ازدادت الإيجابية
وأخيرا....تشعلقت مشاعري هنااااااااااااااااااااااااااااااااك في القطب الموجب
صباح الأكواد ياعم مصعب

merehan يقول...

أنا هكتب انطباعي قبل ما اشوف الباقيين كتبين ايه عشان متأثرش..
بصراحة أول كم مرة شفت الأستاذ مصعب فيها مكنتش قادرة أحدد هل هو إنسان ظريف أم غلس..احنا يعني بنكلم بصراحة
وكان الإنطباع الأكثر أنه غلس
بس بعد اول تعامل تأكدت أنه متعاون جدا جدا ..ربنا يجعله في ميزان حسناته.. وسعيدة جدا أني أتعرفت على شخص زيه..ورغم اني مكلمتش معاه غير مرتين أو تلاته إلا أني استفدت منه واتعلمت حاجات..
وكان عندي انطباع كمان قبل ما اتعامل معاه من اسمه "مصعب" قلت ايه ده الله في حد دلوقتي اسمه كدة فاكرة بأه هقابل حد من الصحابة

غير معرف يقول...

ممممم.. طب كنت اسأل السؤال ده بدري ييجي سنة ونص كده علشان نكون لسه فاكرين اول انطباع كان ايه لما شوفناك أول مرة :P

بس أنا احساسي بيك من ساعتها ما اتغيرش.. انسان بسيط وحبوب وقريب من القلب.. مش متكلم كتير لكن ودود.. بيفتكس حاجات على الكمبيوتر وبتطلع حلوه!! كنت مستغربه انه لسه في الجامعه لأني حسيت انه مش سايب الكمبيوتر بتاعه 24 ساعة!

مجنون زي صاحبه.. وجنانه لذيذ وبريء.. :)

غير معرف يقول...

أول مرة اعرفك كنت قاعد طول السكشن تتكلم مع اللى جنبك . قلت بس الواد دا اكيد جامد قوى و جاى كده أداء واجب.و لم ألبث أن عرفتك :)
بجد عقدتنى . حيوية مدهشة . بحس انك زئبقى زى بركات كده
الى الامام يا رفيق

قلبي على ولدي انفطر ،سلط ولدي عليا هاكر يقول...

الحقيقة ما كنت أعرفك كويس قبل ما أشوفك ، ولما شفتك حطيتك في قايمة المجانين اللي باحبها جدا ، ولما عرفت انك صاحب محمد مصطفى ايقنت اني كنت على حق وإن المجانين واللاسعين يغزون هذا العالم ، وعلى رأي عمنا نجم " المجد للمجانين في هذا العالم البليد "

Unknown يقول...

اول مره (زي مافتكر) شوفتك فيها كانت صورتك على الماج بتاع الشاي بتاعك !!. لما اتكلمنا اول مره حسيت انك انسان ليك نوع معين من الثقافة و ليك عمق في مجالك مش مجرد ان انته مبرمج و خلاص و لكن انسان هاوي و محب و عبقري في مجالهو عايز يضيف ليه مش مجر انه يستهلك منتجات الاخر. او بمعنى اصح مبدع و انسان كريتف و ده لانه (زي ما اعتقد) بيؤمن ان الانسان لو مسبش اثر في حايته يبقه مفيش حد يفتكره بعد مماته.
احيانا بيقول حجات بحاول افهاما بعد فتره عن الاوبن سورس و الكلام ده

بس عموما هوه لازم يطالب بعموله من شركة موزلا عشان هوه الي خلاني احول لي فايرفوكس.
ربنا يحفظك و يكتر من امثالك.

غير معرف يقول...

I laughed until I wet my pants

غير معرف يقول...

السلام عليكم و رحمة الله و بركاته
شوف يا عم مصعب انا ماقابلتكش قبل كده - لكن اتمنى طبعا - و اكيد ماحصلش بينا اي حوار و اي انطباع هاقوله هايكون نابع من مدونات اصدقائك ثم مدونتك العامرة بـــ.........ما علينا ندخل ف الانطباع

انسان ..ذكي جدا .. عملي جدا.. عندك احساس عالي بالمسئوليه..حساس بشكل استغفر العظيم.. مش بتحب ال"لوك لوك" و مابتطلعش الكلام بسهوله و مش لازم تكون بتقوله لحد بتحبه اد ما بتثق فيه ...اي ان الثقه عندك ضروريه جدا .. متدين و اول مرة اشوف واحد شكله طيب و يعرف ربنا و من جواه يطلع برده طيب و يعرف ربنا ..و بما انك مش لوك لوك اذا العيبه مش بتطلع من بقك .. امممممم كفايه كده
لما نتقابل ان شاء الله ابقى اديك بيان تفصيلي تعمله بلوفر ...هههه
فكرة الانطباع جميييييييييييله و بعد اذنك و بسيف الحياء هاسرقها هاسرقها .....بس اما نهى ترضى عني و نعمل مدونه بقى ان شاء الله قول يا رب

the wall