فجأة السيرفر الحالي اكتشف إننا عاملين له ضغط كبير!!
و قفل الموقع علشان عاوزنا نعمل upgrade للخدمة الحالية، و لأننا كنا بالفعل اشترينا سيرفر في مكان تاني، فما كانش ينفع نعمل الـupgrade اللي هم عاوزينه..
و بالتالي نحن نعمل على قدم و ساق، و أنا بايت الليلة في الموقع، علشان ننقل الموقع بأسرع ما يمكننا للسيرفر الجديد، و نرجع لكم تاني، و تستمر مسيرة عشرينات، و أروح أنام!!
أنا كنت صاحي لمدة 48 ساعة يوم الجمعة و السبت مستغلا إنهم أيام أجازة علشان آخد نسخة من الموقع، بس واجهتني بعض المشاكل، و نمت شوية علشان أرجع النهاردة الصبح ألاقي الموقع موقوف!
و آديني بايت هنا أهو تاني.. ادعوا لي .. و ادعوا للموقع..
----
* للي ما يعرفش أنا مسئول ملف البرمجة و تطوير موقع عشرينات
هناك 4 تعليقات:
rabena ma3ak bgd isA :)
نحن بانتظاركم يا عشرينات، وشدوا حيلكم يا عمال المواسير..
شاركوا يا جماعة في يوم التدوين http://www.blogday.org
ربنا معاك يا ابني ...
قطعت قلبي .... ما قلت لك ... سيبك من الكلام ده كله وتعالي ....
طيب والله ليلتين تلاتة في اسكندرية ينسوك كل الهم ده ... ويرجعوك أحسن بكتير ...
يلا شوف نفسك .... ومستنينك ياريس ..........
اسكندرية بتناديك يا مصعب : "إياك تنساني " ... دي اسكندرية يعني ....
إرسال تعليق