الاثنين، مايو 28، 2007

يا ريتني غيط كمون!


ليك أنت بس يا صاحبي
ومش لازم حد يفهمها غيرك

لو أنت عود درة وحداني..
يا ريتني أنا غيط الكمون..


بحبك يا صاحبي

التسميات: ,

عدد 20 تعليقات :

في تمام : 28/5/07 12:50 ص, Blogger أميره..من غير قصر و لا بستان و لا الشاطر حسن كمان كتب/ت :

لا لو سمحت بقى
هههههههههههههههههههههههههههههه
افهم ايه علاقة الدره و بالكمون
لو فيزيا ادينى خبر و انا هادور :):)

 
في تمام : 28/5/07 5:33 ص, Blogger البراء أشرف كتب/ت :

عودين درة وحياتك..

لا معلش..

خليهم تلاتة.. أنا وانت ودعاء..

ولا اربعة

انا وانت ودعاء ودريني

خمسة

انا وانت ودعاء ودريني ورفعت

ستة

انا وانت ودعاء ودريني ورفعت وندا

سبعة

انا وانت ودعاء ودريني ورفعت وندا وفؤاد

تمانية

انا وانت ودعاء ودريني ورفعت وندا وفؤاد وأحمد زين

تسعة..

لا لا بقولك إيه.. كدة المحصول هيتعبنا واحنا بنلمه آخر الموسم..

بص يا عم.. احنا نروح نزرع درة في غيط فاضي بعيد عن غيط الكمون.. ولما نبقى نزهق من الدرة نبقى ناخد بعضنا نقعد شوية في الكمون (وبالمرة نجيب معانا شوال ولا حاجة عشان بحب الكمون على طبق الفول) ونرجع تاني نقعد في الدرة مع بعضينا..

والحب ولع في درة يا مصاعيبو..


* ملاحظة انسانية..

باعتبارك عايز تبقى غيط كمون.. فأبشرك إن في معنى قبيييييييييييييييييييييييح موت..

اتمنى محدش يفهمنا غلط يا حبيبي.. ولا ايه يا رفعت

براء من الصعيد بعد صلاة الفجر من السايبر اللي جنب الجامع.. والجامع جنب الكتيسة.. والكنيسة جنب الشقة.. والشقة في قنا.. قريبة موت.. فردة كعب.. من الخرطوم..

نيها نيها نيها..

كان نفسي أضحك كدة من زمان..

يوووووه..

السايبر كله اتفرج عليا..

سلام يا عم انا وريا امتحانات.. عايز ألحق أذاكر..

وتتكون عناصر الصحيفة البنائية من 6 عناصر هي..

الحروف
العناوين
الصورة
الرسوم
الألوان
الفواصل

مذاكر جدا والله.. ربنا يستر.. ادعيلي.. وكلمني اول ما تشوف ردي..

يووووه نسيت موبايلي في الشقة ودعاء هتكلمني اكيد بعد ما تصلي الفجر..

سلام ياعم
براء

 
في تمام : 28/5/07 5:36 ص, Blogger البراء أشرف كتب/ت :

مصعب معلش..

متعرفلناش حد مسؤل في الدين المسيحي يكلملنا الإخوة الأقباط في الكنيسة اللي برة جنب السايبر يبطلوا يلعبوا في الجرس الساعة خمسة الصبح...

ما هو مش معقولة يعني قسيس صحته مساعداه متعلق في الحبل وهات يا ضرب في الجرس.. لما المنطقة كلها بتصحة مفزوعة.. والكلاب بتجري في الشارع من الخوف.. وأنا خايف أخرج من السايبر دلوقتي لاني (زي باقي البني آدمين) بخاف موت من الكلاب..

هههههههههههههههه

تعيش الوحدة الطائفية..

قصدي تموت الحروب الوطنية..

يووووه بقى.. الجهاز ده هنج ولا ايه..

انا هعمل ريستارت..

س
ل
ا
م

 
في تمام : 28/5/07 11:07 ص, Blogger مصـ( الخير )ـعب كتب/ت :

ربنا يسامحك يا بيرو بقى أنا قصدي معاني قبيحة؟!!

ثم هو ايه أصلا المعنى القبييييييييح موووووت اللي بتتكلم عليه ده؟


شد حيلك يا واد في امتحان النهاردة

 
في تمام : 28/5/07 12:08 م, Blogger elkamhawi كتب/ت :

ههههههههههههه

 
في تمام : 28/5/07 12:15 م, Blogger بنت امي الغالية كتب/ت :

الحب ولع في الدرة يا مصاعيبو، لا يا اخويا انا مش عود درة انا عود قمح في غيط قطن

 
في تمام : 28/5/07 1:07 م, Blogger احمد رفعت كتب/ت :

انا مش هدخل ولى هقول حاجه علشان انا مش هبان في الذرة لظروف خلقية ، بس ايه يا براء ده ما شاء الله ربنا يخليلك عم كمون .

وانت يا كمون خلى بالك من الذرة أوي علشان الذرة طعمة أوي

 
في تمام : 28/5/07 1:16 م, Blogger احمد رفعت كتب/ت :

براء انا لا يمكن افهم اي معني مش كويس انا متربي تربية تمنعني اني أفهم المعاني ديه .

يعني ايه قلة أدب مش فاهم ؟؟؟

انا مستحيل افهم المعاني ديه

 
في تمام : 28/5/07 3:16 م, Blogger Salma كتب/ت :

أنا برده نفسي اعرف اية العلاقة بين الدرة والكمون ولا انت وبراء عندكم هلاوس امتحانية ( من الامتحانات يعني)
يلا ربنا معاكم وربنا يديم عليكم الحب اللي محبش بالتوابل ده.

 
في تمام : 28/5/07 3:50 م, Blogger شيرين كتب/ت :

عارفة الراجل في الغربة يا مرتي بيشبه ايه ؟
عود درة وحداني في غيط كمون

عمكو عبد الرحمن الأبنودي.. في ديوان جوابات حرجاي القط

 
في تمام : 29/5/07 12:00 ص, Blogger العابره كتب/ت :

دره ايه وكمون ايه؟
هى الدراسه ورايه ورايه
فى كل حته لازم افتكرها
حتى فى البلوجرز.
كده كتيييييييييييير

 
في تمام : 29/5/07 7:35 م, Blogger أحمد..يكتب كما لم يكتب من قبل كتب/ت :

(الغيط) غضبان مبيضحكش
أصل الحكاية متضحكش..

 
في تمام : 30/5/07 11:43 م, Blogger RAMA كتب/ت :

ذرة وكمون ^o)

إمممممممم
طيب

يا داخل بين البرتقالة وقشرتها

منقوللللللل بتصرف
:D

 
في تمام : 31/5/07 9:29 م, Blogger تسـنيم كتب/ت :

لمن لا يعرف العلاقة بين غيط الكمون والدرة فيه مثل مصري بيتقال لما يكون حد فريد من نوعه او لوحده في مجتمع غريب بيقول: عامل زي عود الدرة في غيط كمون.. ومثل تاني على نفس المعنى بيقول عامل زي القرد في بيت الافيال

فمشوها درة وغيط كمون


تحياتي يا معبووف _ ابتسامة كبيييييييييييييرة

 
في تمام : 2/6/07 3:55 م, Anonymous ibnyosry كتب/ت :

كمون ودرة وحالتك صعبه
يعنى عليك
المهم
مصعب عايزك ضرورى
راسلنى بالماسنجر على
ahm_yosry@yahoo.com

 
في تمام : 2/6/07 10:53 م, Blogger بحب السيما كتب/ت :

ربنا يديم المحبة

 
في تمام : 3/6/07 1:01 م, Anonymous غير معرف كتب/ت :

تعليق عابر
بس محدش والنبي يقول عليا معقد
انا مش معقد فعلا بس زى ما قالوا العرب زمااااااااان
المستحيلات ثلاث : الغول والنقاء والخل الوفي

طبعا غلط نعمم الكلام ومش كل الناس وحشين
بس احب اقول لك واحد فيكوا انه يفتكر الكلام ده قبل ما ياخد مقلب محترم فى حد هو كان مفتكره كويس
كل واحد يحسس هو هيحط رجليه فين
وربنا يستر علينا كلنا

المعقد :)

 
في تمام : 3/6/07 11:34 م, Anonymous غير معرف كتب/ت :

أنا مش فاهم أى كلمه من اللى بيتقال

 
في تمام : 6/6/07 2:03 ص, Anonymous غير معرف كتب/ت :

محلمتش حلم جديد عليك امبارح
مشوفتش حد فيه غريب عليك
بس حسيت انك تعرفه
انا معرفكش
ومش عارفه ايه الي جابك عندي

وايه الي جبني دلوقتي عندك

 
في تمام : 7/6/07 10:34 م, Blogger امرأة تقول الذي لا يقال كتب/ت :

أنا غيرت لينك مدونتي

 

إرسال تعليق

روابط تشير هنا :

إنشاء رابط

الصفحة الرئيسية> >