الخميس، سبتمبر 27، 2007

أطلقوا سراح هشام..


صديقي العزيز هشام،
لمن لا يعرفه هو طالب في كلية الهندسة بالفيوم، الفرقة الرابعة اتصالات، يعني خلاص هيتخرج..
قضينا سويا السنة الإعدادية في كلية الهندسة بالفيوم، وكانت لنا أيام
دخلت بيته ودخل بيتي وأكلنا من نفس الطبق وذاكرنا ولعبنا وفرحنا وحزننا سويا..
أنا وهو نختلف كثيرا على كثير من الآراء..

لكنني أشهد الله أنني أحبه
وأنه يحمل داخله إنسانا بكل ما تحمل الكلمة من معان


هشام تم اعتقاله من بيته، منذ سبعة أيام تقريبا
وكل يوم أقول هيطلع النهاردة ويتصل بي،
لكن الموضوع طول
ولا يزال هشام في المعتقل على ذمة القضية..

نص التهمة : الانتماء لجماعة محظورة ، و تعكير السلم الاجتماعى بالدعوة إلى تثوير المجتمع الطلابى مستغلا الظروف الديموقراطية التى تمر بها البلد و المطالبة بتطبيق الشريعة الإسلامية!!

آخر مرة اتكلمنا كانت أونلاين قبل اعتقاله بيوم، وكان بيقول لي إنه حاسس إنه هيعتقل بنسبة 70%..
بس للأسف عرفت بعد ما اعتقل بيوم ونص من أخوه..


هشام .. تقبل مني البانر ده هدية صغيرة جنب دعائي ليك..

ربنا يرجعك بالسلامة يا حبيبي..

التسميات: , ,

عدد 9 تعليقات :

في تمام : 27/9/07 3:49 ص, Blogger أميره..من غير قصر و لا بستان و لا الشاطر حسن كمان كتب/ت :

يارب يخرج هو وكل اللى زيه و ان شاء الله ربنا مش هايسيبه ابدا و هايطلع ان شاء الله
ربنا يصبر اهله :(

 
في تمام : 27/9/07 4:27 ص, Blogger عمر كتب/ت :

هشام صديق اخويا العزيز انا اسف جدا للحصلك
نحن( نشجب)هذا الحادث و (نعترض)على ما يفعلون و (نناشد)برجوعك الى بيتك باسرع وقت
بس انت الغلطان انت اللي استغليت الظروف الديموقراطية التى تمر بها البلد وعكرت مزاجهم اقصد السلم الاجتماعي ودعيت الى الى تثوير المجتمع الطلابي للمطالبه بتطبيق الشريعه الاسلاميه
واالله انت بتهزر

 
في تمام : 27/9/07 11:06 ص, Anonymous غير معرف كتب/ت :

مستغلا الظروف الديموقراطية التى تمر بها البلد
هاهاها

وايه دة.. كمان يطالب بتطبيق الشريعة الإسلامية... لأ لأ لأ ملوش حق.. إلا صحيح... ومال إحنا بنطبق أنهي شريعة اليومين دول، مادام المطالبة بتطبيق الشريعة الإسلامية بقت جريمة

يللا مش مهم
ربنا يهدي وينجي عباده المؤمنين
آمين

 
في تمام : 27/9/07 11:10 ص, Blogger DoLLy كتب/ت :

معلش يا مصعب ربنا معاه ويرجعه بالسلامة ان شاء الله ويكلمك

 
في تمام : 27/9/07 11:16 ص, Blogger احمد رفعت كتب/ت :

لا حول ولا قوة الا بالله .

يا رب فك أسر المأسورين..

ربنا يفك أسره ويفرج عنه

ما تنساش تكلم ممته

 
في تمام : 27/9/07 11:16 ص, Blogger Salma Amer كتب/ت :

حتى في رمضان الحمد لله مفيش فايدة
ربنا يرجعة لأهله قريب ويطمنك عليه وحندعيله النهاردة انشاء الله

 
في تمام : 27/9/07 5:33 م, Blogger dead man كتب/ت :

ان شاء الله يخرج هو وكل اللى زيه

 
في تمام : 29/9/07 8:37 م, Blogger بذرة امل كتب/ت :

طبيعى اوى ان الناس اللى بتحمل فكر اصلاحى لازم يحصل لها كدة

واكثر بكثير لو قرأنا التاريخ مع بعض هنعرف كويس اوى ان الطريق الصح مش كله مفروش بالورود

 
في تمام : 1/10/07 8:55 م, Blogger 3ala asm masr كتب/ت :

ربنا يفك كربه

 

إرسال تعليق

روابط تشير هنا :

إنشاء رابط

الصفحة الرئيسية> >