الاثنين، سبتمبر 10، 2007

على باب الله!


خارج من المسجد أنا وزميلي بعد صلاة الظهر، أفكر في رمضان ويتفكر هو أيضا..
أحاول الحفاظ على السكينة التي أشعر بها وأنا أصلي و....

"أنت معاك الولاعة!”

قالها أحد الواقفين "على باب الله" ممسكا بيده سيجارة غير مشتعلة دون أدنى قدر من حياء أو خجل موجها حديثه لزميله الذي يرتدي حذائه على سلم نفس الباب، باب بيت الله..

على باب الله .. ناس بتخبط وناس بتلخبط!!

التسميات:

عدد 19 تعليقات :

في تمام : 10/9/07 1:50 م, Blogger أميره..من غير قصر و لا بستان و لا الشاطر حسن كمان كتب/ت :

بس الناس اللى بتخبط اكتر

 
في تمام : 10/9/07 1:52 م, Blogger احمد رفعت كتب/ت :

على باب الله

المشكلة اننا نفهم اننا على باب الله

مش مدركين مين الله اللى احنا واقفين على بابه ..

شكرا مصعب

 
في تمام : 10/9/07 1:54 م, Blogger العابره كتب/ت :

أزال المؤلف هذا التعليق.

 
في تمام : 10/9/07 1:55 م, Blogger Salma Amer كتب/ت :

لا حول ولا قوة إلا بالله كل مدى بكتشف قد اية ناس فعلا مباقش عندها دم حتى ما بتتكسفش من اللي خلقها

 
في تمام : 10/9/07 2:09 م, Blogger عمر كتب/ت :

أهوه انتوا (أمثالك)هم البيعقدو الناس في الدين بطلوا بئه عقد،ايه يعني" هوه مش صلى؟" خلاص يعمل الهوه عايزه دا انت غريب يا هاني

 
في تمام : 10/9/07 2:12 م, Blogger شيرين كتب/ت :

ايه يا جدعان بالراحة شوية.. ليه حسستوني ان الولد كفر والعياذ بالله..

مع كامل رفضي للتدخين بس هو في النهاية مسلم وكمان بيصلي الضهر في الجامع.. يعني بيحاول يرضي ربنا اللي انتو مضايقين انه هيشرب سيجارة قدام بابه.. طب بالذمة مش أحسن ما يكبر دماغه ويقول لما ربنا يهديني وأبطل تدخين أبقى اصلي ان شاء الله.

بجد نفسي قوي مع رمضان نزكي جوانا حب ربنا، وقبلها حب وتقبل مخاليق ربنا.. حاسة ان ده بس اللي هيخليهم أحسن، مش رفضنا ليهم أبدا.. ربنا يهدينا جميعا

 
في تمام : 10/9/07 4:10 م, Blogger محمد السيد..مش حاسكت كتب/ت :

الرفيقة الريسة ...

معاكي دشيليون المية ....


اللي خلاها يدخل يصلي ..ده معانا ان جواه مليون حت خير ... وحتة مش كويسة ...


منجيش احنا نروح ع الوحش ... وننسي ده كله ....

 
في تمام : 10/9/07 5:09 م, Blogger Mariam كتب/ت :

سعيدة أوي بالأخت شيرين وردها
إحنا عندنا عيب فظيع أوي وهو إن إحنا عايزين كل الناس قديسين مابيغلطوش أبداً، يعني م الآخر بنبص على نص الكوب الفارغ وهو إنه بيشرب سيجارة، مش النص المليان ألا وهو إنه دخل المسجد وصلى مع الناس جماعة
الله أعلم بالنوايا طبعاً
بس على الأقل لما نشوف مشهد زي كده نقول ... ربنا يهديه ويبطل مش بعيد ربنا يستجيب لدعائنا ونبقى بننشر حوالينا طاقة إيجابية مش طاقة سلبية

 
في تمام : 10/9/07 7:56 م, Blogger Mony The Angel كتب/ت :

ana b2a shaifa enha matefre2sh yeshrab sagaier odaam baba elgame3 wala odaam baab 7etta tania it's teh same
hwa rab algame3 msh hwa hwaah rab al7etata altania walla eh :))

al3'lat mabitgaza2sh welzamb wa7ed

da ra2iee alsha5sy ay3ny :))

seebak enta ya mos3ab
rabbena yeg3alna melly bi5abbato msh melly beila5bato :)

 
في تمام : 10/9/07 9:41 م, Blogger RAMA كتب/ت :

أولا عجبني اوي الخاتمة بتاعت البوست.. "ناس بتخبط وناس بتلبخط" مبدع والله

ثانيا مش متفقة أبدا مع كلام شيرين ومحمد ومريم لأن ماشي مافيش إنسان من غير عيوب بس في النهاية في حاجة أسمها حياء ... لازم يستحي وهو عند بيت ربنا ويحاول بقدر الإمكان إنه يحافظ على قدسية المكان اللي واقف فيه

وختاما حقولك زي ما عم احمد قال شكرا مصعب

أه صحيح هابي فانوس يعني كل سنة وأنت طيب علشان رمضان :)

تحياتي

 
في تمام : 11/9/07 12:53 ص, Blogger weswes كتب/ت :

"على الباب ناس بتخبط وناس بيتلخبط"
لاتعليق

 
في تمام : 11/9/07 9:02 م, Blogger تسـنيم كتب/ت :

على باب الله .. ناس بتخبط وناس بتتخبط!!

 
في تمام : 13/9/07 4:34 م, Blogger Mony The Angel كتب/ت :

kol sana wenta tayeb :))

 
في تمام : 13/9/07 5:01 م, Blogger علي عبد المنعم كتب/ت :

أنا شوفت قبل كده ناس بتشرب سجاير على باب الجامع بعد صلاة التراويح..

 
في تمام : 13/9/07 10:29 م, Blogger may كتب/ت :

matefre2sh yeshrab sagaier odaam baba elgame3 wala odaam baab 7etta tania it's teh same
hwa rab algame3 msh hwa hwaah rab al7etata altania walla eh :))

al3'lat mabitgaza2sh welzamb wa7ed

da ra2iee alsha5sy ay3ny :)


ana m3aky yamony bas
3la al2l ye7trm elmkan elly
mawgod feh mosh akter
7ata law mosh fe 2albo eman

 
في تمام : 15/9/07 2:49 م, Blogger 3ala asm masr كتب/ت :

ربنا يهديه ويهدى كل واحد بيدخن
كل سنه وانت طيب
رمضان كريم

 
في تمام : 16/9/07 3:00 ص, Blogger أنـــــــــــــــس كتب/ت :

بس الناس اللي بتلخبط كتييير

اكتر من الناس اللي بتخبط علي باب الله

ربنا يهدي اللي بيلخبط لانه يخبط علي باب التوبة ...

هو ممكن نقص فهم ... للاسلام و للصلاة

ممكن يكون ذنب او عيب في الشخص .. ومش قادر يبطلها ...

ربنا يهدي الجميع

شكرا علي الخاطرة الجميلة

 
في تمام : 16/9/07 4:18 ص, Blogger mohamed كتب/ت :

ممممممم

دا فعلاً محتاج ولاعه

وقبلها بنص جنية جاز

 
في تمام : 16/9/07 3:41 م, Blogger menSh كتب/ت :

عادي... افتح قنوات الأغاني هتلاقي نص الأغاني بتقول الله على جمالك الله على مش عارف ايه.. والله بتاع من ايه.. لفظ الجلالة فقد جلاله في قلوب قومنا

وشكرا

 

إرسال تعليق

روابط تشير هنا :

إنشاء رابط

الصفحة الرئيسية> >