الاثنين، أبريل 02، 2007

Artie و كنبورة..


لقد اتخذت قرارا .. وأريدكم جميعا أن تساعدونني عليه..
لقد مررنا (أنا ولابتوبي) بفترة عصيبة.. بحثنا خلالها كل سبل الحرب والسلام..
قصدي دورنا سوا على اسم ينفعه كتير..

وأخيرا لقيت له اسم عاجبني
Artie
بالعربي
آرتي

يعني دلع art (فن) .. علشان واحنا قاعدين لوحدينا أنا وهو بنفنن أوي ..
بأحس معاه بهمسات الصفر والواحد
بألمس روح العمليات اللي بتتم جو
بأكلمه.. وبأقول له كل أسراري .. وعمره ما أفشى سر واحد
وحاجات تانية كتير
"أشاعير ومحاسس" بجد ما تتوصفش

يا عيني المسكين اتبهدل معايا كتير.. خصوصا وأنا بأنقل من windows لـ linux
ومكان ايدي من كتر ما بنقعد سوا لونه طلع..
بس أنا بأحبه أوي.. وحاسس إن هو كمان بيحبني
بكيبورده اللي صوابعي بتعشق تجري عليها..
بشاشته اللي بتفتح لي دنيا تانية خالص.. عالمي الأول..
بكل تفاصيله "الكميلة"..
بقالنا مع بعض دلوقتي حوالي سنة

ده القرار الأول ..


القرار التاني..

نظارتي .. بأحبها أوي برضه.. سميتها كنبورة
عمري ما حسيت بوزنها على وداني ولا عمرها ضايقتني
ومستحملاني لغاية دلوقتي..


ربنا يخليكم انتوا الاتنين لي
رحبوا معايا بعائلتي الصغيرة ..
Artie و كنبورة
`

التسميات: ,

عدد 30 تعليقات :

في تمام : 2/4/07 2:46 ص, Blogger ياء كتب/ت :

ربنا يخلهملك

ويطرحلك فيهم البركه

عقبال ما تخاويهم


حلوه اوى فكره ان الواحد يكون عنده حاجات يتعلق بيها ويحبها

ذى المج بتاعك اللى اتكلمت عليه مره

عارف انا عندى عصفوره بلاستيك صغير ه
ناوى اخدها معايا الجيش

العصفوره اللعبه دى عندى يقالها اكتر من 10 سنين تخيل

 
في تمام : 2/4/07 2:47 ص, Blogger LAMIA MAHMOUD كتب/ت :

اللي جابلك يخليلك:)

 
في تمام : 2/4/07 3:03 ص, Blogger OMA كتب/ت :

لذيذ آرتي اوي
ولايق على لاب توب
كنبوره تديك احساس بنضاره كعب كبايه او حاجه تقيله:D
مع انك بتقول انها خفيفه وبتريحك
نضارتك وانت حر فيها
كنبوره
ممكن تدلعها تقولها كوكي
:))
خلي بالك منهم بقى

 
في تمام : 2/4/07 3:05 ص, Blogger AbdElRaHmaN Ayyash كتب/ت :

:d و الله لو كل واحد هيسمي لاب توبه .. هنلاقي في اختلاط انساب لابتوبات وحاجات من دي
انا نصيحتي تسميه ارتي سوني
او ارتي توشيبا
على الاقل ميبقاش ارتي مصعب
:D وزي ما لمياء بتقوللك
اللي جابلك يخلليلك
:]

 
في تمام : 2/4/07 8:09 ص, Blogger Dananeer كتب/ت :

كنبوره جامده جدا

و ارتى حلو

ربنا يخليهملك يا مصاعيبو

 
في تمام : 2/4/07 10:57 ص, Anonymous KaRiM كتب/ت :

خلاص .. إحنا نعرف كمبيوتر الديسكتوب بتاعى (أينشتاين) على أرتى .. وأهى برضه تبقى صداقة نكسب فيهم ثواب
:)
وسلملى على أرتى وكنبورة
وربنا يطمنا عليك دايما يارب
:)

 
في تمام : 2/4/07 11:59 ص, Blogger marosh كتب/ت :

الف الف مبروك يا مصعب انك وصلت لاسم ليهم لانها اصعب حاجة فعلا ان الواحد يلاقى اسم لحاجة هو متعلق بيها، وتعزمنا على السبوع قريب (سبوع التسمية).

 
في تمام : 2/4/07 12:26 م, Anonymous فاطمة كتب/ت :

يتربوا في عزك يارب :))))

 
في تمام : 2/4/07 1:46 م, Blogger mohamed elbanna كتب/ت :

مصعب ياخويا
قولى الحقيقة
الموضوع ده ليه علاقة بجواز اخوك براء
واحساسك بالوحدة من بعده
قول الحقيقة

 
في تمام : 2/4/07 2:02 م, Blogger مصرى كتب/ت :

ربنا يخليهملك

اللاب توب بتاعي مسميه شحيبر و النضارة سوسن

بس هو شحيبر بعافية شوية لما كنت من ساعة ما كنت بانقل للينوكس ربنا يسامحه


تحياتي

 
في تمام : 2/4/07 2:39 م, Anonymous حسين اعميمي من المغرب ، صا حبك من زمـ ااااـــان !!!.. كتب/ت :

حـــــــاضريا يافندم، يا حضرة "الـبروكرامور" ، أنا من هنا و رايح، حبقى نا ديلك: '' يا بتاع الآرتي ، و الكنبورة''، لكن مممم...المشكلة، إنت شاب لطيف.... و رقيق..... و لذيذ.......و....مش كات معك التسمية دي، و لا أقولك خليها : ''يا فندم مصعب'' أحسن......ربنا يكرمك و يحفظك في أولادك الصغار يارب ،.....يتربوا في عزك يا رب....

 
في تمام : 2/4/07 2:47 م, Blogger DoLLy كتب/ت :

فكرة جامدة اوي يا مصعب وعلى فكرة انا كمان عندي حاجات بحبها اوي واكترهم عربيتي والله بحس انها فهماني وعرفة انا عايزة اعمل ايه وبحسها انها معايا على الخط وكمان ليها اسم جامد اوي انا سمتها fantas بالعربي فانتس
وعموما ساعات الواحد بيحس انو محتاج حد يفهمو غير البشر

 
في تمام : 2/4/07 3:44 م, Blogger Amira Hassan كتب/ت :

اشاعير ومحاسس
ههههههههههههههههههه

دي زي الاكلات الحلوة بتعدي في صواني

يا رب يا رب ارتي و كنبورة يتربوا في عزك يا معلم

 
في تمام : 2/4/07 3:57 م, Blogger احمد رفعت كتب/ت :

بتحب عليا يا مصعب لاب توب ونظارة وبتدلعهم يا خاين
اخص على الصداقة اخص على الصحوبية
دلع حاجاتك براحتك المهم تيجي تأخد حاجتك اللى في شنطة عربيتي ومش عايز اعلى صوتي واقول انت سايب ايه فاهم يا بتاع اللاب توب ونظارة ال

عجبي
الشقشوق احمد رفعت

 
في تمام : 2/4/07 4:03 م, Blogger احمد رفعت كتب/ت :

باقولك ياد يا بتاع الاب توب
ملكش دعوة بسكسكه تاني انت فاهم (سكسكه ديه الكاميرا بتاعتي)وجعبل زعلان منك (جعبل ده الموبيل بتاعي الايميت)

يا بتاع اللاب توب والنظارة .

 
في تمام : 2/4/07 6:09 م, Blogger Oreka d'jadrool كتب/ت :

هههههههههههههههههههههه
وربنا انت بتهرج
حلو كنبورة دى
ليا واحدة صحبتى ايطالية اسمها كنبورة بس التانية شحم ولحم وصنع فى روما
ههههههههههه
وربنا نت بتهرج
يا ابو ارتى انت
اللى جابلك يخليلك
انا هروح اسمى الاب توب انا كمان اشمعنى انت يعنى؟
هسميه عويييييييس

 
في تمام : 2/4/07 8:45 م, Blogger emz كتب/ت :

اشاعير و محاسس
هههههههههههههههههههههههههه
ربنا يخليكوا لبعض انت و ارتى كنبورة

 
في تمام : 2/4/07 8:51 م, Blogger shaimaa كتب/ت :

اشاعير و محاسس:D

انا بقى عايزة اجيب واحدة زي كنبورة كده و برضة متضايقنيش ..و لو طلعت كويسة و بنت حلال ها اسميها اسم اكيد..
وربنا يخلي لك كنبورة و ارتي ..بالمناسبة ارتي اسم حلو قوي

 
في تمام : 2/4/07 8:53 م, Blogger دينا فهمي كتب/ت :

واضح ان الدماغ عالية الحقيقة (:
ربنا يديم عليك كل حاجة حلوة

 
في تمام : 2/4/07 9:16 م, Blogger أميره..من غير قصر و لا بستان و لا الشاطر حسن كمان كتب/ت :

ههههههههههههههههههههههههههه
ربنا يطرحلك فيهم البركه
و بعدين هو الانسان ايه غير نضاره و لاب توب
انا حققت الاولى
ياااااااااااارب احقق التانيه بقى

 
في تمام : 2/4/07 10:24 م, Anonymous أحمد يكتب كما لم يكتب من قبل كتب/ت :

ليه بالذات ال2 دول؟
نظارتك ولابتوبك
لاشعوريا عايزك تركز في ال2 وتجاوبني
:
:
:
علي فكرة عاملين زي اسماء الاشرار في افلام الكارتون

 
في تمام : 5/4/07 10:53 ص, Blogger ahmed كتب/ت :

ازيك يا عم مصعب مبروك عليك يا سيدي الشيخ ارتي والحاجة كمبورة شكلي هحصلك قريب واجبلي انا كمان حته كمبورة...
سلام يا عم الصعب
اخوك في الدكة اللي وراك في ال pmo
خمن بقا

 
في تمام : 6/4/07 7:50 م, Blogger Иεşċąfě كتب/ت :

ربنا يخليهم لك

ويطرحلك فيهم البركه
و اشوفك كدة يا مصعيبو انت و كنبورة و أرتي في احسن حال ديما يا رب و ميحرمكشي منهم ابدا ابدا انا بردوا مستر مانكي صديقي العزيز و مئدرشي استغني عنه ابدا ابد

 
في تمام : 7/4/07 11:46 م, Blogger دعاء عادل كتب/ت :

احنا بنرحب معاك بعائلتك الصغيره
بجد اسم ارتى عاجبنى اوى
وكمبورة اسم لذيذ
ربنا يخليهم ليك ويخليك ليهم
بس دايما افتكر يا مصاعيبو ان
الراجل مش بس بكلمته الراجل برعايته لبيته واسرته
:)

 
في تمام : 11/4/07 5:47 ص, Blogger camera_girl كتب/ت :

الحروف عباره عن خروم والخروم نقط بتتطبع بااااااارررررررررزه عالورق فظيعه فظيعه

 
في تمام : 25/4/07 10:15 ص, Blogger Mohamed Meshref كتب/ت :

أزال أحد مشرفي المدونة هذا التعليق.

 
في تمام : 25/4/07 11:05 ص, Blogger مصـ( الخير )ـعب كتب/ت :

Mohammed Moshref,

As I told you before you are not welcomed here till you appologize to Dananeer about your rudness in a previous post you commented on...

that's why i deleted your comment..

 
في تمام : 25/4/07 7:24 م, Blogger Mohamed Meshref كتب/ت :

Which comment?!
And I really don't care for you to delete it, I just find this "uniqueness" in Egypt only, when someone tells people "This OS is bad, please don't use it, I hate it" and he's using it himself, nice principles really

 
في تمام : 25/4/07 8:05 م, Blogger مصـ( الخير )ـعب كتب/ت :

Well Mohamed,
I really don't have time to spend with a kid in microsoft, and i don't care about what u think of me...

You are NOT welcomed here anymore...

by the way, this comment is written through SUSE Linux distro, version 10.1, and this is what i use at home..
but -unfortunately- at work they use windows.

 
في تمام : 15/5/07 1:54 ص, Blogger Ma3t كتب/ت :

ايه ده!! انا اللاب توب بتاعى اسمه رينو مدعوء

و الله دى فرصة سعيدة خالص
:)

 

إرسال تعليق

روابط تشير هنا :

إنشاء رابط

الصفحة الرئيسية> >