الاثنين، فبراير 05، 2007

بأطالب بتحليل DSL !

أنا اتغرغر بيا يا جماعة النهاردة..
مرتين كمان!!
حاجة صعبة..
"بشعة بشعة يا مسعود"!

ما كنتش متخيل إن شغلتي كده خالص..
ده أنا أصلا اخترتها علشان "أحلى من الشرف مفيش" وعلي رأي براء "مفيش"!

أول غرغرة كانت "الخصم" اللي اتخصم لي من المرتب النهاردة!
أول خصم في حياتي..
زعلني أوي أوي
خصم 5 أيام بحالهم!
أنا أصلا ما بأحبش النظام بتاع شركتنا.. الحضور أهم بكتير من الشغل..
بالرغم من إني ما عنديش أي مشاكل أفضل بالأسبوع والاتنين في المكتب من غير ما أر وح بيتنا!
وحصلت قبل كده..
على العموم أنا "مخاصمهم" ..
هاه.. بس..
علشان هم وحشين..

ما علينا.. هو مفهوم كلمة موظف في مصر كده..
بره موظف يعني بيوظفوا خبرته وطاقته ودماغه..
هنا بيوظفوا الكرسي بتاعه.. وبرنامج الحضور والانصراف..
تقريبا شغلتنا إننا نتأكد إن البرنامج شغال :)

لو جت على كده وبس كان حصل خير..
أهي مصر برضه أم الدنيا وبنشوف فيها عجايب كتيييير..

بس إن كمان بتوع البي اتش بي (PHP) يغرغروا بي وتطلع الشغلانة فيها بنات (تيــــــت)..
أهو ده اللي لا يمكن أبدا أبدا..
حنفي ..
مفيش حنفي!

“يا للعار..
في بيتي أنا بيحصل الكلام ده؟!
ما أنت عارف إن كل البلد عارفة علاقتك بهند رستم!
اذهبوا أنا برئ من نسلكم ومن نسل نسلكم
قلبي قلبي"

ادخلوا هنا علشان تشوفوا دليل إدانتهم بنفسكم!

الشغل والبرمجة سلبوني أعز ما أملك!
أنا لازم أهرب بكل قوتي
وأتوب توبة نصوحة..
وأكون نفسي وأتجوز في الحلال!

يا جماعة انا مش هأسكت على اللي حصل ده..
أنا باطالب الجهات المختصة بالتحقيق..
وبأطالب بعمل تحليل DSL!


هو ايه الهرتلة اللي فوق دي؟!!!
مش عارف! بس عاجباني!

التسميات:

ÇáÜ 35 Çááí ÚÈÑæäí ÞÇáæÇ :

Ýí ÊãÇã : 5/2/07 12:50 ص, Anonymous أحمد يكتب كما لم يكتب من قبل ÞÇá/Ê :

بتفكرني بدعاء العبد الصالح الذي قال:
اللهم لاتجعل مصيبتنا في مرتباتنا

 
Ýí ÊãÇã : 5/2/07 12:51 ص, Blogger we2am ÞÇá/Ê :

momken 22ol 7aga w7da w asmhy?
ya magnooooooooon :D
rbna y3wd 3leek b2a..t2rebn elsherka etgnno fe mo7'hm..asl el link elle enta b3to dah ygnn ay 7ad ;D

 
Ýí ÊãÇã : 5/2/07 12:59 ص, Anonymous علا سالم ÞÇá/Ê :

ههههههههههههههههههههه
عايز تحلل يا مصعب

 
Ýí ÊãÇã : 5/2/07 2:55 ص, Blogger دينا فهمي ÞÇá/Ê :

أكاد أجزم اني مش فاهمة حاجة (:

 
Ýí ÊãÇã : 5/2/07 3:07 ص, Blogger moodysalihamidzic ÞÇá/Ê :

سؤال يطرح نفسه
ليه مش بتعلق ع التعليقات
!!!!!!!

 
Ýí ÊãÇã : 5/2/07 3:13 ص, Blogger smraa alnil ÞÇá/Ê :

ههههههههههههه


ايه يا ابني دة

عليا الطلبات ما فهمت حاجة اللهم الا خصم مرتبك

معلش كلنا لها يا مصعب

هيييييييييييييييه دنيا

 
Ýí ÊãÇã : 5/2/07 3:27 ص, Blogger frozen love ÞÇá/Ê :

ya 3eny yabny....we mst7ml kla daa.....lol

hrtl hrtl...ymkn tb2a tmam

 
Ýí ÊãÇã : 5/2/07 3:35 ص, Blogger مصـ( الخير )ـعب ÞÇá/Ê :

اللهم آمين يا حاج دريني ..

وئام.. ما أنا عارف! ما جبتيش حاجة جديدة.. :)

علا .. مش أي تحليل.. ده تحليل DSL :)

دينا.. أنا شرحت لك أونلاين..
بس خلينا نشرح لبقية الناس..

بصوا يا جماعة
حصل لي صدمتين النهاردة
الأولى إني اتخصم لي
التانية إن واحد مصمم جرافيكس والذي منه عمل تصميمات للغة البي اتش بي الل أنا شغال بيها واللي عمل تصميم الفيل بتاعها..
عمل شوية تصميمات صايعة
فحسيت إن شرف اللغة ....... :)
فخبطتين في الراس بتـــhurt

حاج شاب فقري.. أنا بأبقى مستمتع جدا بالتعليقات.. فما بأحبش أتدخل في خط سيرها إلا إذا اضطرتني حاجة لده :)
أنا عارف إنه ممكن يكون قلة أدب.. بس لازم تبقى عارف إن تعليقاتكم غالية عندي أوي

سمراء النيل منورة.. والرد على دينا أكيد وضحلك الليلة

وأنتم كلكم منورين والله

 
Ýí ÊãÇã : 5/2/07 3:37 ص, Blogger مصـ( الخير )ـعب ÞÇá/Ê :

حاج "الحب المتجمد :) حلوة دي

معلش ما أخدتش بالي إنك نورتنا..
حاضر يا افندم
أنا بأتبع مبدأ الهرتلة كنز لا يفنى

 
Ýí ÊãÇã : 5/2/07 3:50 ص, Blogger Tamer ÞÇá/Ê :

واضح ان الخصم بتاع اليومين هو المتحكم الكامل فى الموضوع :D
ربنا يكون فى العون ,, واوعى تقولهم انك خاصمتهم .. احسن يخصموا اكتر

 
Ýí ÊãÇã : 5/2/07 8:09 ص, Blogger karakib ÞÇá/Ê :

ده بيشرح ازاي تغير خلفيه الصوره
انت اللي ركزت شويه زياده بس :)

 
Ýí ÊãÇã : 5/2/07 10:15 ص, Blogger sherif ÞÇá/Ê :

حلو قوي يا مان تسلم ايدك

علي فكره انا نزلت جزء من شغلي علي مدونتي

ابقي بص عليها وقول رايك

 
Ýí ÊãÇã : 5/2/07 11:37 ص, Anonymous Fatma ÞÇá/Ê :

ايه يا عم اللينك الضايعة دي .. مش تكتب عليها تحذير ولا حاجة انت اتغرغرت بية و خلتني فتحتها في الشغل و الناس كلو وشي :))))

 
Ýí ÊãÇã : 5/2/07 8:57 م, Blogger moodysalihamidzic ÞÇá/Ê :

اختد كورسات برمجة فين؟
اما بالنسبة للخصم
مهما عملت مش يتخصم 5 ايام
ليه يعنى!!!!!!!!!
الالتزام والتدين بقى عند الناس
السلام عليكم وجزاكم الله خيراً
نسيوا ان الدين رحمة ومعاملة

 
Ýí ÊãÇã : 6/2/07 12:53 ص, Blogger مصـ( الخير )ـعب ÞÇá/Ê :

تامر... معاك حق ونصيحتك هاعمل بيها :)

كراكيب.. نورتني بجد... في صفحة تانية في نفس الموقع هتلاقي قصة ظهور الفيل كلوجو للبي اتش بي من نفس الراجل اللي راسم دول.. أنا ما لحقتش أركز في الصفحة دي :)

فاطمة ... معلش تعيشي وتاخدي غيرها :)

شاب فقري باشا... أنا ما أخدتش كورسات برمجة.. أنا مؤمن بالمبدأ العسكري اللي بنص على أهمية "تعدد وتنوع مصادر السلاح"!
وأهم مصادر السلاح عندي هي "التعلم الذاتي".. وربنا يخلي لنا الشبكة الدولية العنترنت..
بالنسبة للخصم.. أنا كنت غايب وبآجي متأخر كتير وكده.. أنا اللي مزعلني مش الخصم.. قد ما هو عقم النظام الموجود.. يعني الحضور أهم من الشغل.. حتى لو حضرت وما اشتغلتش!!
وحاجات أخرى بس بلاش دلوقتي :)

 
Ýí ÊãÇã : 6/2/07 10:27 ص, Anonymous حمزة ÞÇá/Ê :

احبك مصعب

والله ييسر لك في بنت الحلال اللي ترضيك

والله ينعم عليك برضاه

 
Ýí ÊãÇã : 6/2/07 12:06 م, Blogger بنت امي الغالية ÞÇá/Ê :

معلش يا مصاعيبو حقك علي يا بني يا ضناي كلنا لها ونت غلطان اصلا مش بتصحى بدري ليه

 
Ýí ÊãÇã : 6/2/07 12:51 م, Blogger The Eagles ÞÇá/Ê :

حلوة الهرتلة بتاعتك دى يا ابو مصعب تعرفى حنافى الجامعة بنقولها اى كلام فى اى اتجاه او اى هرتلة فى رغيف
هههههههههه
لا وحلوة الحتة بتاع تحنفى
لا مافيش حنفى
ههههههههه
لا بجد جميلة



والسلام..........

 
Ýí ÊãÇã : 6/2/07 4:39 م, Blogger Memo ÞÇá/Ê :

ههههههههههههههه
يا عيني يا ابني حتي انت يا بروتس
كيفايه حرام انا مبقتش قدره اسمع سيرت خصمات بعد كده
الحقوني الحاله جت
بس ما تقول للمسؤل بقين حلوين كدا يمكن ربنا يسهل و ما يشيلوش حاجه
تحياتشي

 
Ýí ÊãÇã : 6/2/07 11:29 م, Blogger shabfa2re ÞÇá/Ê :

مصعب
والله كان قلبى حاسس انه تعليم ذاتى
انا فرحان اوى
لان كل ما اقول لحد انى بتعلم ذاتى
يقوللى لا كورسات وشهادات
اقول لهم تفرق فى ايه طالما بتعلم
انا كان اخرى العب فى الفوتوشوب
عندى وقت فراغ طبعا كبير
الحمدلله تعلمت فرونت بيج ودريم ويفر وال2 ما يفرقوش عن بعض كتير
ربنا يكرمك لو تقدر تبعتلى اى لينكات او دروس ع الميل
وهشوفك فى شوب مانجو هاواى من عند فرغلى
انا كنت جاى اكتب جملة واحدة كتبت كل ده
وآدى الجملة
هات بوسة
D:

 
Ýí ÊãÇã : 7/2/07 12:10 ص, Blogger moodysalihamidzic ÞÇá/Ê :

انا مخنوق جداً
م الخصم
ومن معاملة اى حد مسئول
او مدير
او قاعد على مكتب
ربنا يرزقنا وما نتغيرش الا للأفضل

 
Ýí ÊãÇã : 7/2/07 12:53 ص, Blogger اصرار أمل ÞÇá/Ê :

قرأت مدونتك بكاملها .......... وأعجبتنى للغاية
هو صحيح الخصم صعب بس معليهش لازم تتعلم تصحى بدرى علشان الامضاء 000
وبالنسبة للشغل حاول تقنع نفسك ان الاتنين مهمين الشغل نفسه وذهابك بدرى قبل ماالدفتر ينقفل ........
ربنا يعينك
وتحيااااتى لك .........

 
Ýí ÊãÇã : 7/2/07 10:46 م, Blogger أميرة البلطجية ÞÇá/Ê :

معلش يامصعب
المهم تكون احسن دلوقتي

 
Ýí ÊãÇã : 8/2/07 2:10 م, Anonymous shiko ÞÇá/Ê :

ما هذا يا مصعب لقد صعبتها عليا يا رجل

ابتسم يا اخى فأنت فى مصر المحروسه

الحضور والانصراف واجب مقدس والشغل يأتى فى المرتبه التانيه

امال هما سموه روتين ليه

بنطبق للاسف النظام العقيم بحذافيره بحجه مصلحه العمل

اول زيارة لمدونتك القيمه ولن تكون الاخيرة باذن الله

الامضاء
موظفه حكومه طالع عينها

 
Ýí ÊãÇã : 8/2/07 2:58 م, Blogger GameCanvas ÞÇá/Ê :

We all that man.......
EL Rotteeen ...i was v.happy first that i work in private company but finally i find that it has the mind. and i discover that the problem not in the public companies but our minds..

 
Ýí ÊãÇã : 8/2/07 8:45 م, Blogger "*~Daisy~*" ÞÇá/Ê :

:D nice blog...
wel designs ah gripping bass its not so smart of them ya3ny...

 
Ýí ÊãÇã : 9/2/07 4:33 م, Blogger amazing_angel ÞÇá/Ê :

nice blog!!

 
Ýí ÊãÇã : 9/2/07 8:02 م, Blogger nour ÞÇá/Ê :

و عجبانى انا كمان
:)))))))))))))))
عسسسسسسسسسسسسسسسسسسسل

 
Ýí ÊãÇã : 14/2/07 1:13 م, Blogger Ahmed Hassan ÞÇá/Ê :

مصعب ده اول تعليق في مدونتك الجميلة والمميزة
وطبعا انت عارف انا بعلق على الموضوع ده ليه .... :-)
انا هاكتب براحتي لان فيه مدير تنفيذي جديد جه عندك
موضوع الحضور والشغل جناحين لقضية واحدة وهي الانجاز حضور من غير شغل ليس له اي قيمة ويصبح شكل روتيني بحت وشغل من غير مواعيد منتظمة يصبح شغل عشوائي غير منظم وثمرة انجازه مشكوك فيها
المشكلة فين ان احنا بنطبق لاولى
بصرامة جدا لانها اسهل ... برنامج وموظف شئون عاملين وخلصت الحكاية اما الثانية فهي اصعب بكثير تحتاج الى مدير كفء يوظف العاملين لديه ويستفيد باوقاتهم بشكل ناجح ونحتاج الى تنسيق بين العاملين لترتيب اعمالهم واشياء كثيرة غالباما تحدث في تطبيقها ثغرات تؤدي الى الشكل الي تكلمت عنه والذي يجعل الامر في النهاية الحضور للكرسي وليس للموظف ...ونفسي لو انت وزملائك في العمل تتبنى النقاش حول هذا الأمر اتصور ان هذا سيكون مفيد وايجابي جدا
شكرا لك

 
Ýí ÊãÇã : 15/2/07 12:59 ص, Blogger مصـ( الخير )ـعب ÞÇá/Ê :

حمزة
ربنا يكرمك
اللهم آمين يارب


بنت أمها الغالية
أنا عارف إني غلطان والله، ما أنكرتش ده أنا بأقول اللي لي واللي علي


الصقور
أنا مبسوط إنها عجبتك :)
وفكرتني بجو الجامعة

ميمو نورتينا مع إنك لسة ما قلتيش مين أخوكي اللي كان صاحبي أوي


شاب فقري 1
أي خدمة :) بس بلاش موضوع البوسة ده لنتفهم غلط


شاب فقري 2
لا في شركتنا العلاقات الإنسانية جامدة جدا، ودي أكتر حاجة حلوة في المكن إننا حاسين إننا عيلة كبيرة


أمل، أنا ما اعترضتش على إن الحضور مهم، بس معترض إن الناس تهتم بالوسيلة وتنسى الغاية


أميرة
أنا الحمدلله كويس، إلى حد ما.. بس مش خصم اللي هيخللي حالتي النفسية وحشة :) الفلوس بتروح وتيجي


شيكو
هم سموه روتين لأنه كله بروتين!
تنورينا يا افندم وتزداد المدونة شرفا


gamecanvas
أنت على حق.. العقول هي التي تصنع المكان


Daisy
ربنا يخليكي يا افندم


amazing angel
nice comment! :)


نور
بجد بأفرح لما بأشوف تعليقاتك :)
وكويس إنها عجبتك

 
Ýí ÊãÇã : 15/2/07 1:08 ص, Blogger مصـ( الخير )ـعب ÞÇá/Ê :

عزيزي الباشمهندس أحمد حسان
حسيت أنه لابد أن أرد على حضرتك في تعليق مستقل لأني بأحترم حضرتك جدا جدا ولما لك من مكانة في قلوبنا كلنا والله

أنا مبسوط جدا جدا إن المدونة عجبت حضرتك، ودي شهادة أعتز بيها

أنا مقتنع بكلام حضرتك جدا، بس لي تعقيب صغير،
الحضور والشغل فعلا هما الجناحان، ولكن الجناحان وظيفتهما حمل الجسم اللي هو المؤسسة نفسها ورسالتها وقيمها مبادئها،

مشكلتنا إن سؤال "ليه؟" دايما غايب عن أذهاننا، هو احنا مهتمين بالحضور ليه؟
علشان زي ما حضرتك قلت نحافظ على معيار صادق لمدى إنتاجية الأفراد أو المجموعة
من هنا أنا لو مدير ولقيت طريقة تانية تحقق نفس الهدف وفي نفس الوقت تريح الناس أو على الأقل تحسسهم بأهمية ده هأتبعها مباشرة
في مليون نظام حضور وانصراف ونظم ساعات معتمدة والخ معمولة علشان كده :)

بالظبط زي منتج برمجي كبير فاللي بيعملوه مهتمين جدا بتأمينه ضد الاختراق (security) ولما اهتماهم بالأمن زاد، ابتدى يقفل الدنيا في وش البرنامج نفسه علشان كده بيعرض نفسه للاختراق! فما عادش في برنامج علشان اعتبارات أمنية! في حين إن الاعتبارات الأمنية المفروض تحمي البرنامج مش تقتله

أنا سعيد جدا بمرور حضرتك وياريت حضرتك تنورنا تاني
وأشكر حضرتك بشدة على الرابط اللي في مدونتك

 
Ýí ÊãÇã : 15/2/07 1:53 ص, Blogger OMA ÞÇá/Ê :

besra7a ana mosh fahma kol eldetails la2eni mosh mobarmega w malesh fe el leila de..bas dami et7ar2 awi lek :D

5 ayam 5asm mara wa7da,,7a2ak te5asemhom:D

3la fekra elmadona kolha gamda..mo5talefa keda..ta7eyati:)

 
Ýí ÊãÇã : 15/2/07 3:19 ص, Blogger koukawy ÞÇá/Ê :

انا مفهمتش حاجه بس ضحكت
lol
تعيش و ياخدوا منك خمسه غيرهم
معلش
الفلوس مش كل حاجه

 
Ýí ÊãÇã : 15/2/07 7:48 ص, Blogger Dananeer ÞÇá/Ê :

مش من محبى الصحيان بدرى و المواعيد الرخمه زى حالاتى

بالضبط ليه ميبقاش حتى ابسط حاجه انك المفروض تشتغل عدد معين من الساعات و خلصنا

معلش يا مصعب كلنا لها

 
Ýí ÊãÇã : 12/3/07 1:31 م, Blogger الأباصيرى ÞÇá/Ê :

الكلاااااااااااب

وأنا اللى شغال فيجوال وسى شارب

مفكروش مرة يعبرونا بورك فرخة

يقوم البى أتش بى يعمل كدة


خوووووووووووونة
شررررررررررررفى
ياخساة العلم والتعليم فيكى يامصر


أية الهرتلة اللى فوق دى


صباحو أبيض

 

إرسال تعليق

áíäß ÇáÊÏæíäÉ Ïí :

إنشاء رابط

ÇáÑÆíÓíÉ> >