الثلاثاء، يناير 08، 2008

جيزة مترو جامعة..


(1)

امبارح كنت في الشغل رغم إنه يوم أجازة، وكان ورايا مشوار في الجيزة، فنزلت علشان أروح مشواري وأرجع تاني ع المكتب..
ركبت ميكروباص جيزة زي بقية البني آدمين..

من المعروف من الدنيا بالضرورة في مصر دلوقتي إن الميكروباصات بقت مافيا جديدة، بتقسم الطريق وساعات فجأة تلاقي

- "يللا الآخر يا جماعة"

بصوت رخم أوي من واحد أرخم علشان ينزل الركاب قبل محطتهم الأخيرة بشويتين علشان يلحق يلف ويعمل دور تاني!!
ده اللي حصل معايا وأنا رايح الجيزة بس الراجل ما كانش وقف بعيد أوي وكمان كان وقف قدام الشارع اللي أنا هأروح فيه فطبيعي إني أنزل*..

شخص كبير في السن شوية كان قاعد ومارضيش يقوم وكلم الأسطى وقال له اطلع قدام شوية لسة الآخر ما جاش..

ده برضه طبيعي..

اللي مش طبيعي وحرق دمي الشخص اللي كان واقف ورايا، كان قام خلاص وماشيين في الأروقة بتاعت الميكروباص علشان ننزل ولقيته بيبدأ حوار مع الراجل اللي كلم السواق..

- "ما هم السواقين اتعودوا على كده خلاص وعلى طول بيعملوا كده"..
عادي الراجل بيقر واقع، إنما اللي غاظني بجد :
- "عارف أنت لو كل الركاب يقعدوا ويقولوا للراجل لسة قدام شوية؟! ما كانش ده هيحصل"،
يبقى قايم نازل وبيقول كده!!!

كان في كام موقف مستفزيني من الصبح بس طلعت في الراجل ده، التفت له وقلت له :

- "طيب ما تقعد!!"

لقيت علامات على وشه أشك إنها علامات عته مغولي من كتر الدهشة والذهول..

حقيقي :
لا تنه عن خلق وتأت مثله.. عار عليك إذا فعلت جامد أوي!

(2)

أخيرا هأشوف الكابينة تاني!!

أنا بأتكلم عن المترو يا جماعة، أصل إدارة المترو "الحكيمة" قررت فجأة إن عربية السيدات بدل الأولى والتانية هتبقى عربيتين في وسط المترو.. وبدأ تنفيذ القرار النهاردة..

عسكري وضابط واقفين قدام عربيات السيدات (اللي في منتصف المترو) وبينبهوا على الرجالة اللي طالعين فيهم كما اعتادوا،
بس سايببن السيدات واقفين عادي خالص عند العربية الأولى والتانية (عربات السيدات سابقا، شارع لطفي حاليا!) من غير ما يقولوا لهم!!

أنا النهاردة ركبت العربية التانية اللي كانت قدام السلم أول ما دخلت علشان ألحق المترو قبل ما يقفل..
نظرات الدهشة والاستغراب على وش كل السيدات اللي طالعين العربية كانت محتاجة تتصور فيديو..
زي ما يكونوا حاسين إن في ثورة حصلت!!

ما علينا
أنا مش هأناقش مدى جدوى الحركة اللي عملوها..
أنا بس فرحان إني هأشوف الكابينة بتاعت السواق تاني لأني شفتها مرة وأنا صغير وكنت مبسوط، وبأحب أتفرج على النفق والمترو ماشي من زجاج السائق..
وبقالي فترة منتابني رغبة إني أشوفها وحقد دفين على السيدات إنهم لوحديهم اللي كان ليهم الحق ده..

مبروك يا رجالة..

-----
* عادة ما بأنزلش من الميكروباص غير لما أوصل المكان اللي المفروض أوصله..

التسميات: ,

ÇáÜ 8 Çááí ÚÈÑæäí ÞÇáæÇ :

Ýí ÊãÇã : 8/1/08 2:50 م, Blogger أحمد رفعت ÞÇá/Ê :

ياااااااااااااه يا مصعب هي المشكلة في المكروباص بيقف فين المشكلة الاكبر في صمت الناس عن غلاء الاسعار وصمتهم عن تبديد 50 مليار جنيه سنويا ..

المشكلة يا مصعب بقيت اكبر من مكان وقوف المكروباص ..

المهم انا عايز اركب المترو اتفرج انا كمان ....

 
Ýí ÊãÇã : 8/1/08 2:50 م, Blogger محمد السيد..مش حاسكت ÞÇá/Ê :

إيه الكلام الكبير ده بس يا كبييييييييير ؟

أهه أنا النهاردة لسة حاصل لي موقف زي بتاع الميكروباص ده بعدما البيه السواق وقف علي أول الشارع وطلب اجرة تانية لدخول الشارع لآخره للموقف ......

وصباح الاستبعاط بقي ..
طبعا بعد شد وجذب . قمت نزلت ومرضتش أدفع لكن الغريييييييب ...

إن الناس كلها عملت زيي كده ؟؟؟
تخيل ؟؟
أنا شكيت في نفسي حقيقي ..

بس أهه أقول هم لأ يعني؟؟؟

 
Ýí ÊãÇã : 8/1/08 2:52 م, Blogger Salma Amer ÞÇá/Ê :

برافو عليك انك رديت على الراجل لان كل واحد بيعمل نفسة قاضي على الفاضي
بالنسبة للقرار الحكيم بتاع مترو انا دلوقتي فهمت سببه
اكيد لانهم حسوا بمعانات الراجلة واملهم في انهم يشوفوا السواق فقرروا يسعدوا قلبهم ويحققوا هذه الامنية مع بداية 2008
مرسي يا مصعايبو فهمتني السبب

 
Ýí ÊãÇã : 8/1/08 4:15 م, Blogger Cerebrosus world ÞÇá/Ê :

مبروك يا مصعب و على كل رجالة المترو الشرفاء
كنا رجالة ووقفنا وقفة رجالة متشعلقين في حلقتين

 
Ýí ÊãÇã : 8/1/08 4:49 م, Blogger بنت امي الغالية ÞÇá/Ê :

عندك حق يا مصعب والله بس الافظع من عربيات الجيزة هي عريبات الهرم اللي مقطعين الشارع 5 محطات وهو في الاصل محطة واحدة يعني افترا

اما بقى موضوع عربية الستات ده فانا ضده تماما وبصراحة عمري ما بادور عليها عشان اركبها باركب اول عربية تيجي قصادي وانا نازلة واهنئك على رؤيتك كابينة السائق من جديد

 
Ýí ÊãÇã : 11/1/08 2:06 ص, Blogger camellia ÞÇá/Ê :

فكرتني بحادث قديم..كنا في رمضان تقريبا قبل الفطار بربع ساعة والميكروباص اليتيم اللي لقيناه بعد طول انتظار سواقه قرر -كصائم محترم-ان الاجرة 75 بدل نص جنيه،الناس كلها اعطوا الاجرة عن يدٍ وهم صاغرون،الا واحد ثار -كمواطن شريف صائم برضه-وقال يا اخواننا لو كلنا اتحدنا وقلنا لا هيضطر السواق انه يرضخ لمطالبنا المشروعة....وطبعا طبعا طبعا الشعب كله قصدي الركاب كلهم اتحدوا فعلا ،لكن اتحدوا في انهم يقولوا لاخوهم الراكب الشريف كلمة واحدة(انزل)وكل ميكروباص وانت طيب

 
Ýí ÊãÇã : 11/1/08 2:48 م, Blogger Yassor ÞÇá/Ê :

يا سلام عليك يا مصعب الخبر بتاع عربية الستات ده تستاهل عليه تعليق عشان انا عمري ما شفت كابينة السواق وكل مرة كنت بأصاب بذبحة صدرية من الحقد..
يالا الحمد لله أما بخصوص الميكروباصات يا جماعة أنا قولتلكم من زمان نولع فيهم ومحدش سمع كلامي اشربوا بقي أصلنا شعب كيرع(لما ابقي أقابلك إن شاء الله هابقي أفهمك يعني ايه كيرع دي).

 
Ýí ÊãÇã : 11/1/08 7:06 م, Anonymous morsi6670 ÞÇá/Ê :

أسلوبك لذيذ يا عم مصعب
حسستني إني معاك في رحلتك

و ألف مبروك على إنك شفت كابينة السواق تاني - عقبال كده ما تسوق المترو بنفسك و تعمل بقى اللي انت عايزة

 

إرسال تعليق

áíäß ÇáÊÏæíäÉ Ïí :

ÇáÑÆíÓíÉ> >