الخميس، سبتمبر 27، 2007

لحظة ضعف .. قوية!


لحظة تزداد فيها حدة البرد
ويأتي وقت النوم ولا تجد من يضعك في فراشك كما اعتدت صغيرا
ويغطيك بيديه ونظراته تملأها الحنان
و لا يتركك حتى يعطيك قبلة قبل النوم

لحظتها فقط تشعر بالبرد الشديد
تضم ركبتيك إلى صدرك وتحيطهما بذراعيك
تحت بقايا الغطاء الذي وضعته عليك بإهمال
تحدق في المجهول..


لحظة تعود فيها للوضع الذي كنت عليه في رحم أمك
لكن دون رحم.. ودون أم..

لاتقوى حتى أن تحزن..

هذا هو الضعف في أقوى صوره!

بعد الكثير من التعب
تغفو قليلا لتصحو أقوى مما كنت
لكن قوتك لا تزال .. ضعيفة!

-------
*التدوينة مستوحاة من تعليق مسحته لأضعه هنا على تدوينة لـنور.


هناك 18 تعليقًا:

Omar يقول...

مش عارف اكتب تعليق
ايه يا عم الغم ده هيه ناقصه
فكها بئه ده احنا في رمضان
وبعدين من فك كربة مؤمن مش من نكد عليه

اميرة هشام يقول...

كل ماتكتر همومنا كل مايزيد حنينا للحظات جميلة اوي في حياتنا

وساعات الحزن بيبقي في حياتنا ترف مبنقدرش نوصله


مصعب بصراحة خلتني عايزة اعلق علي تدوينتك وفي نفس الوقت مش عارفة اكتب ايه؟

الحلم العربي يقول...

قواك الله على ضعفك
اثرت فيه كثيرا
لكن هي الحياة لازم نستحملها بضعفها و قوتها ...
تحياتي لك ايها الضعيف القوي

Banota يقول...

أسلوبك فى الكتابة جذاب اوى وكلامك جميل شدنى الصراحة أنى اقرأ للاخر

غير معرف يقول...

I know what you're saying...it's what I am going through NOW!

أميرة من غير قصر ولا بستان.. ولا الشاطر حسن كمان يقول...

حتى لو كانت قوتك ضعيفه زى ما بتقول فهى ف حد ذاتها قوه و مع الوقت هاتقدر تزودها و هتلاقى حد يغطيك قبل ما تنام و يبص لك بحنان و مش شرط الغطا يبقى بطانيه ممكن اوى يكون كلمه حلوه تطمنك :)

mohamed يقول...

معاك حق هو دا الضعف .. أفتقاد الدفء وأن لحظات امان الطفولة ذهبت بدون عودة ودلوقتي في الوقت اللي تحتاج فيه لحد هتكون لواحدك

بجد هايل يا مصعب

MarwaAshraf يقول...

أستوعب عقلي من قبل أن للقوة نقاط ضعف ولكنه لم يستوعب الآن أن للضعف قوة.. ولكن يبدو ان الكثيرون هنا يؤيدون هذا المنطق مثلك.. إذن فلأبحث عن قوتي في ضعفي علني أجدها

ـــــــــــــ

البوست مؤثر أوي وحزين أوي ورئع أوي أوي

تحياتي

dandana يقول...

اعتقد اننا فى اللحظة دى بالذات...
بنبقى مش محتاجين اكتر من طبطبة

او حضن من حد بنحبه...ويحبنا...

بذرة امل يقول...

مش عارفة ليه اتاثرت جدا بالتدوينة دى

nyira_elsheiref يقول...

قد يكون الغرض من لحظات الضعف والآلآم بوجه عام هو ان تقف ولو للحظة بين يدى الله ... لحظة صادقه يدفعك إليها حزنك وضعفك وألمك ، لحظه تحسها وتشعر بكل فيمتو ثانيه تمر خلالها...صدقنى والله لن تجد المشاعر السلبية طريقها إليك بعدها... فقط إذا عشتها بصدق و من قلبك ،وسيصبح ضعفك قوة ولن تصبح قوتك ضعف

Wish I were a Butterfly ... يقول...

البوست جميل أوي لدرجة اني فعلا مش عارفة اعلق أقول ايه

أسلوب كتابتك بجد جميل أوي أوي. و صح...ساعات مبيكونش فيه عندك قوة انك تحزن اصلا

بس مش عارفة ازاي ممكن الاحساس دة يتقلب قوة تاني!!

Salma Amer يقول...

ما أكثر لحظات الضعف في حياتنا الان ..
ولكن هذه اللحظات هي التي يكون لها الفضل الأكبر في تشكيل شخصيتنا واحساسنا بالناس

Reemo يقول...

غالبا بيبقى حوالينا ناس كتير اوى
لكن فى لحظات الانفراد بنحس الوحده البارده القاسيه بتسلل لاجسادنا
كتير بنبقى احنا السبب فى الصقييع اللى جوانا ده
بنسمحله بالتسرب من غير ما نقصد
وبنقضى باقى الوقت نحارب فيه ونحاول ندفيه
كلنا عندنا اللحظه دى
كلنا عندنا الضعف ده
بس مش كلنا بنعتبرها قوه
عارف ليه يا مصعب
لانها مش قوه دى ضعف مغلف بهيئه قوه
الجنين من غير رحم امه
ميت لا محاله

ربنا يكرمك يارب
تحياتى

صاحب البوابــة يقول...

لحظة تعود فيها للوضع الذي كنت عليه في رحم أمك
لكن دون رحم.. ودون أم..


----------------

مقطع مؤلم للغاية

لصدقه ّّ!!!

تحياتي لقلمك المبدع

وسعدت بإكتشاف مدونتك

غير معرف يقول...

عمر ما قريت حاجة وحسيت كانها بتقولنى قد دى

انا اكتر وقت ممكن اعيط فيه لو صحيت من النوم لقيت نفسى سقعانة ومافيش حد جنبى يغطينى

واكتر حاجة بتفرحنى ان حد بفرد على الغطا ويبوسنى فى راسى قبل ما انام

، ياااه ده انا حتى فى الصيف يتغطى، فماذا عنك!!

غير معرف يقول...

نسيت اقول حاجة ممكن تفرق معاك .. انا اكتر حاجة ممكن تطمنى انى اخد فى حضنى خاصة لو كانت ايد طفل صغير

3ala asm masr يقول...

واللى حاسس بالبرد طول الوقت
ممكن يعمل ايه
تحياتى