السبت، يوليو 21، 2007

عزيزتي مصر...


عزيزتي مصر.. تحية طيبة وبعد،

أبعث إليك بخطابي هذا وكلي يأس وإحباط من وضعك الحالي..

عزيزتي مصر..
أنا لن أكون مثل غيري، لن أطالب بحقوقي الآن (معظمها على الأقل).. يكفي ما أنت فيه لن أثقل عليك
ولا ألوم عليهم .. فمطلبهم مشروع تماما ولا يدينه شرع أو عقل أو دين أو قانون

أنا كما قلت لا أريد منك حقوقي إلا عندما تصبحين قادرة..
أنا فقط أريد منك طلبا وحيدا..

عزيزتي مصر..
إلى أن يأتي اليوم الذي يتمتع فيه أحفاد أحفادي بحقوقهم كاملة ويصبحون مواطنين بمعنى الكلمة..
أريد منك فقط أن تسمحي لي بأداء واجباتي تجاهك!!

فأنت -اعذريني- لم تعطني حقوقي ولم تعطني الفرصة أن أقوم بواجباتي.. جمدتني مكاني!

عزيزتي مصر..
أكثير عليّ أن أطلب أن تساعديني أن أكون ابنا بارا بك؟!!

التسميات: , ,

ÇáÜ 31 Çááí ÚÈÑæäí ÞÇáæÇ :

Ýí ÊãÇã : 21/7/07 8:04 م, Blogger أميره..من غير قصر و لا بستان و لا الشاطر حسن كمان ÞÇá/Ê :

لو مصر ردت على جوابك يا مصعب ابقى قولها ان اننا كمان نفسى اعملها اى حاجه و مش لاقيه فرصه اصل كل ما اروح اسأل ف حته يقولوا لى عايزين خبره و ميعرفوش ان الحياه فيها ادتنا اكبر خبر

 
Ýí ÊãÇã : 21/7/07 8:16 م, Anonymous غير معرف ÞÇá/Ê :

تعبير جميل... نثر ممتع.. ولكن في النهاية مصر كائن افتراضي لا شأن له بالواقع.. فلا داعي أن ندخلها في ما يحدث لنا.. فهذا شأننا نحن لا شأنها :)

 
Ýí ÊãÇã : 22/7/07 12:21 ص, Anonymous زهور ÞÇá/Ê :

ابدعت اخي مصعب
بارك الله في يمينك
كنت افكر في لوم من يظل يطالب وطنه ويلومها دون ان يتحرك لكنك اوجزت بجملة جعلتني اتراجع بعض الشيء وهي
عزيزتي مصر..
أكثير عليّ أن أطلب أن تساعديني أن أكون ابنا بارا بك؟!!

 
Ýí ÊãÇã : 22/7/07 1:23 ص, Blogger أحمد..يكتب كما لم يكتب من قبل ÞÇá/Ê :

عزيزي مصعب
مصر مرفوعة مؤقتا من الخدمة
مصرهم مصر قبيحة ووسخة
مصرنا بتاعتنا ممكن ترجعلنا..
اتصرف بقي يارب احنا زهقنا

 
Ýí ÊãÇã : 22/7/07 2:11 ص, Blogger أحمد عبد الفتاح ÞÇá/Ê :

عاشت بلدنا المنكوبة ... مصر

 
Ýí ÊãÇã : 22/7/07 4:10 ص, Blogger omar مشروع بطل ÞÇá/Ê :

جميل يا ابنى والله أثرت فيا

فكرتنى بموضوع كتبته زمااااااان عن مصر

أصل انا اكتشفت ان مصر مش أمنا بجد هى يمكن لقيتنا فى الشارع او هى مراة ابونا او الظاهر ولاد مش شرعيين

متعرفش بقى !!!!!!
بس جامد يا مصعب

 
Ýí ÊãÇã : 22/7/07 6:49 ص, Blogger قبس من نور ÞÇá/Ê :

مناجاة جميلة لبلدنا
مليئة بآلام جيلنا
ويظل التساؤل قائماً : هل تسمح لنا مصرنا بأن نؤدي لها واجبها؟

 
Ýí ÊãÇã : 22/7/07 2:04 م, Blogger we2am ÞÇá/Ê :

mmmm..wlhy msh 3arf 22olk eh...7tta dah maynf3sh..wl3lmk masr msh hatsebk t3ml ay 7aga..ela lama teqarr tmot..sa3et.ha haatsebk tent7r..wtnwalk elsem b2edha :(

 
Ýí ÊãÇã : 22/7/07 2:14 م, Blogger Mariam ÞÇá/Ê :

بصراحة لما كانوا بيقولوا لنا مصر دي أم الدنيا كنت بقول دنيا مين؟؟؟
يعني مش أمنا إحنا المصريين .. أم الناس الدونيين فقط .. الناس الدوون

مصر مش حاسة إنها بتاعتي
بلد ما بتديش حاجة علشان الواحد يديها
إحساسي تجاها عالي أوووي .. بس بديها زي ما كنت حدي في أي بلد برة ويمكن أقل

ما بحبش أوسخ شوارعها وبحبش حد يجيب سيرتها بحاجة وحشة برة بس في نفس الوقت بكره حكومتها وكثير من ناسها اللي فقدوا الطيبة والبراءة من زمان ومفضلهومش غير الهمجية والفقر والعنف

في ناس كتير بتقول مصر مابقتش زمان ... وزمان الناس كانت بتقول برضه مصر مابقتش زي زمان

لكن هو زمان ده كان عامل زاي؟؟؟
نفسي أعرف مين اللي المفروض يدي مين؟؟؟
إحنا اللي ندي مصر ولا مصر هي اللي تدينا ... هي فعلاً بتدينا ... بتدينا على دماغنا وبتدينا على قفانا

 
Ýí ÊãÇã : 22/7/07 2:28 م, Blogger احمد رفعت ÞÇá/Ê :

عزيزتهم مصر

المشكله مش فيكي المشكله في اللى فيكي .

عزيزتهم مصر

بحبك ومش عارف ادوب فيكي

عزيزتهم مصر

حزين لك ولكني لازلت أحبك

 
Ýí ÊãÇã : 22/7/07 3:02 م, Blogger Cerebrosus world ÞÇá/Ê :

صراحة يا مصعب انا مش حاسس بوجود حاجه اسمها مصر. الي انا اعرفه كالاتي:-
مكان بنعيش فيه مليان ناس مضايقه و عرقانه و حر و هواء ملوث و بطاله و احلام محطمه و ناس سلبيه و ناس تانيه مستبده و ممشينها بالدراع و ناس عماله تتكلم عن 7000 سنه مبقاش منها الا شوية حجاره (مع العلم ان كتير من الحجاره معرفناش نحافظ عليها) و ..... الخ. ممكن نسمي ده مصر او نسميه اي حاجه تانيه دي مش فرقه و مدام مفرقتش المسمى اذن مفرقش اذا انا كنت عايش في مصر او عايش في اليمن !!!

اخوكوا ابو رجل منمله من كتر ركوب الميكروباصات احمد عبدالله!!

 
Ýí ÊãÇã : 22/7/07 5:42 م, Blogger Salma ÞÇá/Ê :

طبعا احنا بقلنا فترة بتكلم في الموضوع ده انا وانت .
وسألت سؤال سعتها هو ممكن نحب البلد من طرف واحد يعني احنا نحب البلد وهي لا تبدلنا نفس الشعور ولا ده حب من طرف ثالث ولا اية
ونعمل اية وانت بتحاول تعمل حاجة ومفيش اي حاجة مسعداك

 
Ýí ÊãÇã : 22/7/07 11:33 م, Blogger الحلم العربي ÞÇá/Ê :

ياااااااااااه يا مصعب بتغيب تغيب و ترجعلنا بتحفة جميلة

مصر بنت غريبة تاهت وسط الزحمة ...كل اللى حواليها كبار ...ماشية وسطهم و خايفة يدوسوا عليها ...عمالة تناديلهم و محدش سامعها...مفيش غير شوية ناس بيبصوا عليها من البلورة المسحورة و بينادولها زيك و زينا كلنا ...تفتكر هي هتسمعهم وسط كل الزحام ده؟؟

لازم ندخل جوة و نروحلها احنا و نقولها : أأمرينى هكون معاكي ...هحميكى منهم حتى لو دفعت حياتى ...كفاية انك تعيشي دي كل أمنياتي


تحياتى ثم تحياتي ثم تحياتي

 
Ýí ÊãÇã : 23/7/07 1:35 ص, Blogger RAMA ÞÇá/Ê :

وما ذنب مصر يارجل ؟

لا أعتقد أنها السبب فيما أنت فيه .. إبحث عن السبب الحقيقي

ولعلمك مصر هي التي ستخرجك من جمودك..

بوست أكثر من رائع .. تحياتي

 
Ýí ÊãÇã : 23/7/07 3:49 م, Anonymous شادي ÞÇá/Ê :

هو فيه مشكلة أكبر من ان ولادها مش عارفين يخدموها او بشكل ادق مش مسموح ليهم يخدموها
يا رب والله نتوفق في خدمتها

 
Ýí ÊãÇã : 24/7/07 12:51 ص, Blogger سارة بندارى ÞÇá/Ê :

هههههههههه

اسلوب ساخر

بس رائع

جزاك الله خيرا

 
Ýí ÊãÇã : 24/7/07 6:59 م, Blogger dead man ÞÇá/Ê :

يا حبيبي علي راي المسيو عادل امام البلد دى اللي يشوفها من فوق غير اللي يشوفها من تحت

تعالي منفكرش في اللي فوق ونفرح باللى تحت.. تحت ادينا.. كباية شاي تحت كوبري قصر النيل.. شوية نتمشي علي الكورنيش.. وسط البلد الساعة 2 بالليل.. عربية الفول.. شط اسكندرية.. سندوتشين كبده من عند علي بركة..

مش عارف ليه يا مصعب حاسس أن اللى انت كتبته ده ترجمة لنقش كتبه واحد من العبيد اللى بنوا الهرم وانت جاى النهاردة تفكه

 
Ýí ÊãÇã : 25/7/07 12:05 م, Blogger محمود علي ÞÇá/Ê :


عمرها مهترد عليك
مصر في ايامها الاخيره
لا مستنيه واجبات
ولا هتديك حقوق

 
Ýí ÊãÇã : 26/7/07 3:40 م, Blogger moodysalihamidzic ÞÇá/Ê :

لازم تديها حقها
ولازم تطالب بحقوقك

 
Ýí ÊãÇã : 27/7/07 2:44 ص, Anonymous محمد ÞÇá/Ê :

يا عم ما تقلبش علينا المواجع بقى
احنا عمالين نؤدى فى واجبات ليل نهار ..احنا عاوزين حقوقنا شويه

 
Ýí ÊãÇã : 27/7/07 2:28 م, Blogger sokoothansawat ÞÇá/Ê :

مصعب

محتاجين دعمك و مساندتك في حملة معا للقضاء على الكيف..الحملة بتفاصيلها موجودة عند صاحب البوابة و عندي..العنوان هو www.elbawaba.blogspot.com تعالى بسرعة...منتظرينك هناك

 
Ýí ÊãÇã : 27/7/07 7:35 م, Blogger حلم واحدة بتحب البلد دي ÞÇá/Ê :

مصر بتاعتنا غير مصر بتاعتهم

مصر بتاعتنا بحبها وباموت فيها

ومهما عملوا فيا مش هيخلوني اكرهها
في يوم

بس يا تري بتحبني زي ما باحبها

 
Ýí ÊãÇã : 29/7/07 12:27 ص, Anonymous غير معرف ÞÇá/Ê :

بالفعل فنحن لا نريد من مصر شىء ولا حقوقها التى لنا
ولكنى لا الوم مصر بل الوم حكامها
لانهم اخذوا منا كل عزيز فمن ابسط حقوقها علينا ان ترد لنا كل غائب
اللهم فرج كربه ابى ومن معه
وجزاك الله خيرا على هذه التدوينه الرائعه
نيره عصام عبد المحسن

 
Ýí ÊãÇã : 29/7/07 4:45 ص, Blogger غجرية ÞÇá/Ê :

so beautifule, so painfully true

 
Ýí ÊãÇã : 31/7/07 2:03 م, Blogger smraa alnil ÞÇá/Ê :

بس تفتكر ان مصر هتسمعك او جوابك دة هيوصلها

انا عن نفسي مش افتكر
لاننا في بلد تانية غير مصر

اسكت مش غيروها
:))

 
Ýí ÊãÇã : 1/8/07 3:10 ص, Blogger Mony The Angel ÞÇá/Ê :

aah tab3an keteer 3aleek
enta 3andak shak walla eh lol

 
Ýí ÊãÇã : 7/8/07 3:13 م, Blogger Doba ÞÇá/Ê :

مصر جميلة قوى دائما وابدا - بس فعلا العيب فى اللى فيها واللى معمرينها

وزى مقلت - ياريت فعلا كل واحد يبتدى بنفسه ويبتدى يدلها حقوقها ويعمل واجباته ناحيتها - ولو الطريق ضلمة اكيد اكيد - هيكون النور فى نهاية الطريق

ربك كبيييييييييير قوى ويمهل ولا يهمل
بوست جميل قوى
تحياتى -- هبة

 
Ýí ÊãÇã : 8/8/07 2:52 م, Blogger weswes ÞÇá/Ê :

بص يا مصعب
مصر شبكتها واقع بقلها كام عقد من السنين
فتاكد اذا كنت باعت الرساله دى على الموبيل يبقى اكيد مش هتوصل
ولو بعتها على النت خلاص يا حج هيحجروا على النت واكيد برضوا مش هتوصل
انما بقى لو فى البريد عادى
فصدقنى الجوبات فى مصر بضيع وبرضوا مش هتوصل
فلو مش ردة عليك مش تبقى تزعل علشان كل الاتصلات منعنها عنها
على رائ اغنية كاظم الساهر ممنوعة انتى

 
Ýí ÊãÇã : 9/8/07 5:21 م, Blogger حروف تايهه ÞÇá/Ê :

بوست رائع يامصعب ومدونة رائعه
حسيت إحساسك ومشاعرك
لكن أنا واثق ان مصر فى الفترة الجايه هتتغير
مادام بقى فيه ناس بتقول لأ ده غلط وعددهم كتير أكيد فى أمل

 
Ýí ÊãÇã : 12/8/07 6:31 م, Blogger حسام مراد ÞÇá/Ê :

بوستك شغاااااال
وكلمه جميله اسمها مصر
!!!!!!!!!!! مصر الى اين

 
Ýí ÊãÇã : 7/5/08 2:14 م, Blogger Ahmed Yousof ÞÇá/Ê :

اسف يا مصعب و لكن مصرنا أسيرة لا نستطيع أن نؤدى واجبنا نحوها و لا نتمتع بعطائها لنا و لا حتى رسالتك لن تصل إليها إلا إذا تحررت بأيدينا _ ليس فقط بأيدينا _ بل اظنها تحتاج الى دمائنا .
هكذا تتحرر مصرنا.
هى ليست بأيد أمينة بل بأيد قذرة ملوثة عابثة.
حتى متى نراك اسيرة ؟
حتى متى نراك اسيرة ؟
حتى متى نراك اسيرة ؟

 

إرسال تعليق

áíäß ÇáÊÏæíäÉ Ïí :

إنشاء رابط

ÇáÑÆíÓíÉ> >