الاثنين، يونيو 11، 2007

من القلب لرفيقة الدرب..


رفيقة دربي
وملكة قلبي التي لم أرها بعد

زوجة الغد العزيزة

انا أعلن منذ الآن أنني مستعد أن أقدم كل التضحيات التي أستطيع

أعدك ألا أدعك تحتاجين شيئا أبدا
أعاهدك أنك إذا طلبت مني نجوم السماء سأبذل قصاري جهدي أن أحضرها
إذا أشرت بإصبعك إلى القمر سأصعد بك هناك

سأكون لك نعم الزوج
ونعم الرفيق
ونعم الصديق

فقط أريد منك شيئا واحدا

حبيبتي التي لم ألتق بك بعد
إذا كان الليل
برومانسيته الحالمة
وسحره الرائع
وحان وقت الطعام

فلا تسأليني أبدا
"تاكل ايه يا حبيبي؟!"

فلست على استعداد بعدكل العذاب الذي أعانيه كل وجبة في اختيار ماذا نأكل أن أسمع هذا السؤال بعد الزواج!!!

هناك 47 تعليقًا:

اميرة هشام يقول...

ربنا يديك اللي فيه الخير يامصعب


ودي تعتبر وثيقة هنفكرك بيها يوم جوازك


ههههههههههههه
بس حلوة الحتة الاخيرة اوي

أميرة من غير قصر ولا بستان.. ولا الشاطر حسن كمان يقول...

ظهرت على وشى ابتسامه بحب اخوى شديد
ربنا يكرمك يا مصعب
و يجعل كل ايامك القادمه سعاده و ايامك مع رفيقة دربك اكثر و اكثر سعاده

Unknown يقول...

ya 3eeny yabny..enta el mawdoo3 lesa me2athar feek kol da :D:D
bgd 5alletny ad7ak m3a enny kont metday2a, bgd mercii kteer 3ala ennak dayman bettala3ny melly ana feeh

الحلم العربي يقول...

هههههههههه
بعد كل الرومانسية دي أكل و طبيخ ؟؟؟
ايه يا عم الرومانسية اللي ريحتها بصل و توم دي
هههههههههه
ربنا يوفقك و يرزقك ببنت الحلال بس و ساعتها ابقوا قضوها دليفري و ريحوا نفسكوا

تحياتي

قضية عم أحمد Ahmed Case يقول...

مصعب
أنت انسان جميل ورائع يا صحبي ، وانا من مدرسة اني احب مراتي قبل ما اشوفها علشان تعرف لما اشوفها اد ايه انا بحبها .
مصعب يارب مراتك تسألك كل يوم تأكل ايه علشان نحبها اكتر ويبقى بينكم ضحك ولعب وأكل وحب .

ربنا يسعدك يا صحبي

مشروع انسان يقول...

ايه ده بعد الكلام الحلو ده ايه حكاية الاكل دى هو السؤال ده فعلا ملوش لازمة عندك حق بس كلامك عن زوجة المستقبل جميل جداااااااا وانا برضه عندى نفس الاحساس بس هى تيجى بس وربنا يسهل

دوللي يقول...

والله انت فظيع يا مصعب وان شاء الله ربنا يكرمك بوحدة متسالكش تاكل ايه عشان هي عارفة انت بتحب ايه مش عشان هيمبتعرفش تطبخ اصلا وبجد ربنا يكرمك وابقى اعزمنا عندك على الغدا وممكن تسالنا ناكل ايه :]

Salma Amer يقول...

يا سلام على الكلام الجامد جدا واية الرومانسية الجميلة دي أنت تستاهل كل خير ويارب ربنا يرزقك بزوجة جميلة كدة زيك .
** ملاحظة : على فكرة موضوع الاكل دة مجهد جدا علشان انتم مش عرفينه ، ما تعرفوش قد اية حاجة متعبة انك تفكر كل يوم حتحضر اية على الغدا فياريت حبة تعاون وبلاش اللي تشوفيه و اعملي اي حاجة علشان الحياة تبقى بمبي مش حاجة تانية

Иεşċąfě &иεmö يقول...

حلو اوي كلامك يا مصعب و ان شاء الله هتكون نعم الزوج و ربنا سوف يرزقك بإذن الله بنعم الزوجه و نجي نتعزم عندكم و نسألكم هتأكلونا ايه :)

Lens Geek يقول...

سدق و كبده طبعا

MariumaZ يقول...

زي ما سلمى بتقول كده بالضبط ياريت حبة تعاون

يعني زي ما أنت عايز تخلص من موضوع ناكل إيه النهاردة؟؟؟

واحدة زيي بتموت لما تسمع كلمة .. اللي تشوفيه ... زي ما تحبي .. كل اللي تعمليه حاكله .. أكلك كله حلو ... وشوية الكلام القرع ده
بجد لازم مساعدة بقى في بني آدمة تستحمل تختار كل يوم الأكل لمدة 12 شهر في السنة وشوف بقى لمدة كام سنة...!!
والله إحنا غلابة

بس بلوجاية حلوة أوي يا مصعب

البراء أشرف يقول...

مصعب,,

تاكل ايه يا حبيبي؟

Reemo يقول...

ربنا يكرمك يا مصعب بالانسانه الى بتحلم بيها
ويجعل كل كل ايامك معاها سعاده وحب يارب
تحياتى

Dananeer يقول...

كده كنت داخله ازغرط

عموما برضه ضحكتنى
ربنا يمسيك بالخير يا مصاعيبو

emoo يقول...

جمييل اوى
الرومانسية
بس ضيعتها بجوعك دة

شيماء الجيزى يقول...

هههههههههههههههههههههه

يعنى بعد الحالميه دى والحب والكلام الجميل
زهقت من السؤال ده

طيب ليك عندى خبر حلو جدا

بعد الزواج هيبتدى السؤال
مش هينتهى
هههههههههههههههه

بس بجد
كلام جميل

ربنا يديك كل ما تحلم بيه
وتتمناه

.......

مش اول مرة ازور مدونتك
بس اول مرة اسيب كومنت
اتمنى تقبله
تحياتى

ام مليكة يقول...

عارف يا مصعب بتفكرني بكلام الولاد للبنات في فترة الخطوبة يعني شوية كلام على شوية حديث والدنيا بتعدي ربنا يحينا ويدينا طولة العمر ونتفرج عليكم انا مش باخوفك بس الحقيقة صعبة واسال صاحبك

سؤال تاكل ايه يا حبيبي ده اقلها حاجة عندنا

Unknown يقول...

ليه كل الرجالة

مش عاوزين يتسألوا السؤال ده بعد الجواز

يعنى نفضل احنا نفكر كل يوم

لوحدنا ف حل القضية دي

مفيش اى تعاون

elkamhawi يقول...

انا لو منك تشوف وحدة قاعد كاشير فى مطعم
نيهههاااااا

محمد السيد..مش حاسكت يقول...

أهه إنت كده حتقوم علينا الجمعيات الحقوقية وحقوق المرأة والناس دي كلها ....

بقي يا راجل يا مفتري .... عايزها لوحدها تفكر في الأكل وتشيل همه وتفضل اليوم كله بالها مشغول بكده ...

وإنت سي السيد قاعد في البيت مبتعملش حاجة ؟؟


بس بجد ... قمة الجمال ياأستاذ ... ربنا يكرمك وتلاقيها ....

boshra mohamed يقول...

السؤال ده من اصعب الاسئلة اللى بتواجهنى كل يوم لدرجة انى بقيت عايز اسيب الشغل واروح اشتغل عند ابو طارق عشان محدش يقولى حتاكل ايه

Oma يقول...

:)

بدحك اوي والله مش عارفه ليه
ربنا يرزقك بيها يامصعبوووز ياارب
انت بجد تستاهل كل خيير

MOSLEMA - مُسلِمَة يقول...

السلام عليكم ورحمة الله وبركاته

الحمد لله رب العالمين بدأت عالم التدوين
واللهم افتح بها وبي لأمتنا

ومنتظرين حضراتكم

وياريت تاركونا وردنا الجماعي على……..

www.ana-moslema.blogspot.com

vision يقول...

هههههههههههههه انا فالقول قولت اييييييه الهاتش ده وكنت هقفل قولت ايه العهود المضروبه دى وكنت هتشل وبعدين النهايه مسخره.........ربنا يرزقك بواحده طبيخها حلو اوى اوى

MarwaAshraf يقول...

علشان تعرف ان نجوم السماء والقمر وكل التضحيات اللي حتقدمها لا تساوي شيئا أمام اختيار الاكلة المناسبة... فعلا قد ايه احنا البنات بنتعب ونشقى وبنعمل حاجات صعبة.. ربنا يكون في عونا بجد

************
مش قادرة امشي بردوا من غير ما أقول

أمممممممممممم
طيب
ياداخل بين مصعب ورفيقة دربة

D:D:DD::D
سلام

ذو النون المصري يقول...

كلنا بنقول هنجيب نجوم السما لكن وقت الجد بنجيب ...................؟
لكن انا مش ناوي اجيب حاجه خالص
هههههههههههه

Omar يقول...

ازاي يا حبيبي تتعب في التفكير وأنا جنبك ها بئه هنكل ايه؟؟؟؟؟؟؟!!!!!!!!!

صيد الخاطر يقول...

يا اخ مصعب
مينفعش كده
انت كده بتسلم نمرك من أولها
نجوم ومش عارف ايه
لا خدها نصيحة من أخوك لا زم تظهر انك حمش حبتين
ومتظهرش كل الحب اللي عندك مرة واحدة
عشان تحقق التوازن بينك وبين زوجتك

غير معرف يقول...

مش عايز تركز برضه في احلامك

بحاول اكون يقول...

انا اول مره ادخل مدونتك وبجد عاوزة اقولك انت شخصية جميلة اوي وكلامك لذيذ وخفيف على القلب
وعاوزة اقولك الحقيقة المره ان كل البنات بعد جواز مش عندهم الا هتاكل ايه النهاردة طيب نعمل ايه بكره على العشاء هتفضل تاكل دماغك فأحسن حل عشان تريح دماغك قبل ما تنزل من البيت قولها يا حبيبتي انا عاوز اكل كذا النهارة مش هقولك بئه هتكون طايرة من السعادة اصل الستات بتحب المشاركة وفي نفس الوقت مش بتحب يكون في نفس جوزها حاجة الا ولازم تعملها
تحياتي ليك
ويارب يكرمك بإنسانة تحبك وتفهمك
وتسعدك قد ما هتسعدها

Ana keda يقول...

هههههههه
والله فطسانة من الضحك يعنى بعد كل الكلام الجامد ده وكل الرومانسية دى تقول كده
ههههههه بس شكلك بتعانى عالعموم انا بس بعمل كومنت وهشوف مدونتكشكلها جامدة والزيارة هتنكرر ان شاء الله

عالعموم اعملها جدول كده وقولها عاوز تاكل ايه فى الاسبوع ههههههه احسن من كل يوم

حلم الحرية يقول...

هههههههههههههههههه

يعني بعد الجو ده
والكلام الكبير
ـــ
اعاهدك

وسأكون

نعم
ونعم
ونعم
ـــ
وبعد ده كله
تاكل ايه
ههههههههههههه
بجد ضحكت ضحك من السؤال ده

بس متحلمش كتير انك مش هتتسأل السؤال ده
الخبر اللي مش سعيد
ان ده اكتر سؤال بيتسال
علي اعتبار انه السؤال الازلي اللي بيبدا بعد الزواج مش بينتهي

وعلي اعتبار المثل اللي انا مش مقتنعة بيه خالص بس هما بيقولوا انه حقيقي بتاع الطريق لقلب الرجل تاكل ايه او بمعني تاني معدته
(نفسي اعرف مين اللي الف المثل العجيب ده)
يعني مش عايزة احبطك بس غالبا هتسالهولك



بس يللا مش مهم
احنا هنعمل اللي علينا
وهندعيلك ان ربنا يرزقك بواحدة متسألكش السؤال ده


بوست جميل

تحياتي

دينا فهمي يقول...

هههههههههههههه
بجد ضحكتني
انا اتضحك عليا في الموضوع ده (:

ربنا يسعدك يا مصعب

حكايات شهرزاد يقول...

ايه يا عم الكلام الجامد ده..ده أنت شاعر كبير واحنا مش عارفين.
تصدق ..نفسي يجي اليوم وأشوف حبيبتك المنتظرة دي..وأوصيها عليك، انها تحبك زيادة..لأنك تستحق...تحياتي
كوثر الخولي

خيرالدين يقول...

انت تشوف واحده خبيره تغذيه او خريجه اقتصاد منزلى او بنت اسامه السيد او شوف كده لو منى عامر مش مرتبطه
الناس دى كلها مش محتاجه حد يفكر معاها فى الاكل

شقاوة شعب يقول...

دى اول زيارة لمدونتك الجميلة وربنا يكرمك بالزوجة الصالحة اللى متسالكش السؤال ده
بس ساعته ماتعترضش على اى اكل هيتحط ادامك
تغمض عنيك وتسم الله وترضى بالحجات اللى هى بتحبها

اتمنى تزورونى فى مدونتى الوليدة "شقاوة شعب" على الرابط التالى
www.shawetsha3b.blogspot.com

!!! الراس الكبيرة منة يقول...

جامدة وضربة معلم

وانت فاكر ان فى حد هيسألك تاكل ايه يا حبيبى !!!

ده انت على نياتك اوى

خليك فى البيت يقول...

ندعوكم لزيارة مدونة خليك فى البيت والأشتراك فى الحملة

Mony The Angel يقول...

loooooooooooooolllzzz
helwa awe

ساعه الغروب يقول...

انت مش عارف انه البنات فى الاغلب عنديين يعنى هتلاقيها مش بتسالك غير السؤال دا

هههههههههههه


اقولك على حاجه اكتب كل الاكلات الىل انت بتحبها من دلوقتى واعملها فة جدول اللى هاو باه الى بيحب اكله معينه من اصدقاءك وا الاقارب يبيقى عراف يوم الاكله باه وكدا

ههههههههههه
دا انسب حل بما انك للدرجه دى مش عايز تتسال السؤال دا

عايزه اقولك ان البوست حلو اوى اوى اوى لحد السؤال الفظيع دا

تصدق اول مره اعرف انه للدرجه دى بيضايق

شكرا ليك وربنا يرزقك بزوجه عارفه دايما انت هتحب تاكل ايه

شكرا ليك

:)

غير معرف يقول...

:)) ربنا يرزقك الخير
و بنت الحلال
اللي لازما ولابد
تسألك
ح تاكل ايه النهاردة؟

:)

3ashe2elro7 يقول...

"الهندسة هي علم تطبيق العلوم"

عجبتنى اوى و اسمحلى استعيرها

مشروع انسان يقول...

القبض على معتز منفى والجيزاوى بحبك يا مصر
تم إلقاء القبض صباحا على كل من المدون معتز عادل صاحب مدونة منفى
وأحمد الجيزاوى صاحب مدونة بحبك يا مصر
وذلك إثناء ذيابهم إلى الهايكستب بطرق مصر إسماعيلية الصحراوى للتضامن مع المحالين عسكريا
monzer they catch me in my way to cairoi donot know were they will take me nawtell all of them to take care and iam with u in modawn7"anafrom mo3takal
وما ألمنى اكثر ولم اقرأه إلا عند كتابة هذه الرسالة هي كلمته الأخيرة
donot forget me

وكانت رسالة أحمد الجيزاوى كالآتي
رسالة للجميع
أنا فى المترو واتقبض عليا خلى بالكم وتروحوا لوحدكم كانت رسالة معتز الساعة السابعة تقريبا، أما رسالة أحمد فبعديها بنصف ساعة تقريبا والامر بين يدي الله جميعا، وحسبى الله ونعم الوكيل
والسلام عليكم ورحمة الله وبركاته ...أخوكم منذر
نقلا من مدونة حين البأس...لاخويا منذر

غير معرف يقول...

السلام عليكم
بجد انا حابب المدونة بتاعتك لأنك في حالك :)
ربنا معاك

أسامه يوسف يقول...

يعنى هى غلطانه علشان بتسألك
وبتخليك تشعر بسطوتك على قرارات البيت
وعلى العموم ربنا يرزقك ببنت الحلال

Mai_Jeneen يقول...

لا حضرتك اطمن خالص

السؤال ده حتتسأله حتتسأله

بس ممكن حضرتك برضة تستخدم الاجابة التقليدية : اي حاجة

و ساعتها ابشرك ببداية خناقة مسائية لطيفة

بس مش لازم مسائية

اصل السؤال ده فطار
و غدا
و عشا

ناقص يتضاف ع القايمة

سوكــا يقول...

فلا تسأليني أبدا
"تاكل ايه يا حبيبي؟!"

فلست على استعداد بعدكل العذاب الذي أعانيه كل وجبة في اختيار ماذا نأكل أن أسمع هذا السؤال بعد الزواج!!!


طيب اوووي حضرتك ... حتي لو قلت متسأليش هي حتسأل
دي حاجة كده في جينات المرأة
((:

بعيدا عن ده بقي البوست جميل ورقيق اوووي