الاثنين، يونيو 11، 2007

من القلب لرفيقة الدرب..


رفيقة دربي
وملكة قلبي التي لم أرها بعد

زوجة الغد العزيزة

انا أعلن منذ الآن أنني مستعد أن أقدم كل التضحيات التي أستطيع

أعدك ألا أدعك تحتاجين شيئا أبدا
أعاهدك أنك إذا طلبت مني نجوم السماء سأبذل قصاري جهدي أن أحضرها
إذا أشرت بإصبعك إلى القمر سأصعد بك هناك

سأكون لك نعم الزوج
ونعم الرفيق
ونعم الصديق

فقط أريد منك شيئا واحدا

حبيبتي التي لم ألتق بك بعد
إذا كان الليل
برومانسيته الحالمة
وسحره الرائع
وحان وقت الطعام

فلا تسأليني أبدا
"تاكل ايه يا حبيبي؟!"

فلست على استعداد بعدكل العذاب الذي أعانيه كل وجبة في اختيار ماذا نأكل أن أسمع هذا السؤال بعد الزواج!!!

التسميات:

عدد 47 تعليقات :

في تمام : 11/6/07 1:55 ص, Blogger اميرة هشام كتب/ت :

ربنا يديك اللي فيه الخير يامصعب


ودي تعتبر وثيقة هنفكرك بيها يوم جوازك


ههههههههههههه
بس حلوة الحتة الاخيرة اوي

 
في تمام : 11/6/07 1:57 ص, Blogger أميره..من غير قصر و لا بستان و لا الشاطر حسن كمان كتب/ت :

ظهرت على وشى ابتسامه بحب اخوى شديد
ربنا يكرمك يا مصعب
و يجعل كل ايامك القادمه سعاده و ايامك مع رفيقة دربك اكثر و اكثر سعاده

 
في تمام : 11/6/07 2:03 ص, Blogger leila كتب/ت :

ya 3eeny yabny..enta el mawdoo3 lesa me2athar feek kol da :D:D
bgd 5alletny ad7ak m3a enny kont metday2a, bgd mercii kteer 3ala ennak dayman bettala3ny melly ana feeh

 
في تمام : 11/6/07 9:45 ص, Blogger الحلم العربي كتب/ت :

هههههههههه
بعد كل الرومانسية دي أكل و طبيخ ؟؟؟
ايه يا عم الرومانسية اللي ريحتها بصل و توم دي
هههههههههه
ربنا يوفقك و يرزقك ببنت الحلال بس و ساعتها ابقوا قضوها دليفري و ريحوا نفسكوا

تحياتي

 
في تمام : 11/6/07 11:51 ص, Blogger احمد رفعت كتب/ت :

مصعب
أنت انسان جميل ورائع يا صحبي ، وانا من مدرسة اني احب مراتي قبل ما اشوفها علشان تعرف لما اشوفها اد ايه انا بحبها .
مصعب يارب مراتك تسألك كل يوم تأكل ايه علشان نحبها اكتر ويبقى بينكم ضحك ولعب وأكل وحب .

ربنا يسعدك يا صحبي

 
في تمام : 11/6/07 11:56 ص, Blogger امام الجيل كتب/ت :

ايه ده بعد الكلام الحلو ده ايه حكاية الاكل دى هو السؤال ده فعلا ملوش لازمة عندك حق بس كلامك عن زوجة المستقبل جميل جداااااااا وانا برضه عندى نفس الاحساس بس هى تيجى بس وربنا يسهل

 
في تمام : 11/6/07 12:43 م, Blogger بنوتة بتكتب خواطرها كتب/ت :

والله انت فظيع يا مصعب وان شاء الله ربنا يكرمك بوحدة متسالكش تاكل ايه عشان هي عارفة انت بتحب ايه مش عشان هيمبتعرفش تطبخ اصلا وبجد ربنا يكرمك وابقى اعزمنا عندك على الغدا وممكن تسالنا ناكل ايه :]

 
في تمام : 11/6/07 12:45 م, Blogger Salma كتب/ت :

يا سلام على الكلام الجامد جدا واية الرومانسية الجميلة دي أنت تستاهل كل خير ويارب ربنا يرزقك بزوجة جميلة كدة زيك .
** ملاحظة : على فكرة موضوع الاكل دة مجهد جدا علشان انتم مش عرفينه ، ما تعرفوش قد اية حاجة متعبة انك تفكر كل يوم حتحضر اية على الغدا فياريت حبة تعاون وبلاش اللي تشوفيه و اعملي اي حاجة علشان الحياة تبقى بمبي مش حاجة تانية

 
في تمام : 11/6/07 12:53 م, Blogger Иεşċąfě كتب/ت :

حلو اوي كلامك يا مصعب و ان شاء الله هتكون نعم الزوج و ربنا سوف يرزقك بإذن الله بنعم الزوجه و نجي نتعزم عندكم و نسألكم هتأكلونا ايه :)

 
في تمام : 11/6/07 1:00 م, Blogger Cerebrosus world كتب/ت :

سدق و كبده طبعا

 
في تمام : 11/6/07 1:11 م, Blogger Mariam كتب/ت :

زي ما سلمى بتقول كده بالضبط ياريت حبة تعاون

يعني زي ما أنت عايز تخلص من موضوع ناكل إيه النهاردة؟؟؟

واحدة زيي بتموت لما تسمع كلمة .. اللي تشوفيه ... زي ما تحبي .. كل اللي تعمليه حاكله .. أكلك كله حلو ... وشوية الكلام القرع ده
بجد لازم مساعدة بقى في بني آدمة تستحمل تختار كل يوم الأكل لمدة 12 شهر في السنة وشوف بقى لمدة كام سنة...!!
والله إحنا غلابة

بس بلوجاية حلوة أوي يا مصعب

 
في تمام : 11/6/07 4:00 م, Blogger البراء أشرف كتب/ت :

مصعب,,

تاكل ايه يا حبيبي؟

 
في تمام : 11/6/07 10:04 م, Blogger REEMOO كتب/ت :

ربنا يكرمك يا مصعب بالانسانه الى بتحلم بيها
ويجعل كل كل ايامك معاها سعاده وحب يارب
تحياتى

 
في تمام : 12/6/07 4:36 ص, Blogger Dananeer كتب/ت :

كده كنت داخله ازغرط

عموما برضه ضحكتنى
ربنا يمسيك بالخير يا مصاعيبو

 
في تمام : 12/6/07 10:45 ص, Blogger emoo كتب/ت :

جمييل اوى
الرومانسية
بس ضيعتها بجوعك دة

 
في تمام : 13/6/07 2:50 م, Blogger شيماء الجيزى كتب/ت :

هههههههههههههههههههههه

يعنى بعد الحالميه دى والحب والكلام الجميل
زهقت من السؤال ده

طيب ليك عندى خبر حلو جدا

بعد الزواج هيبتدى السؤال
مش هينتهى
هههههههههههههههه

بس بجد
كلام جميل

ربنا يديك كل ما تحلم بيه
وتتمناه

.......

مش اول مرة ازور مدونتك
بس اول مرة اسيب كومنت
اتمنى تقبله
تحياتى

 
في تمام : 13/6/07 5:20 م, Blogger بنت امي الغالية كتب/ت :

عارف يا مصعب بتفكرني بكلام الولاد للبنات في فترة الخطوبة يعني شوية كلام على شوية حديث والدنيا بتعدي ربنا يحينا ويدينا طولة العمر ونتفرج عليكم انا مش باخوفك بس الحقيقة صعبة واسال صاحبك

سؤال تاكل ايه يا حبيبي ده اقلها حاجة عندنا

 
في تمام : 14/6/07 2:08 ص, Blogger Geronimo كتب/ت :

ليه كل الرجالة

مش عاوزين يتسألوا السؤال ده بعد الجواز

يعنى نفضل احنا نفكر كل يوم

لوحدنا ف حل القضية دي

مفيش اى تعاون

 
في تمام : 14/6/07 6:43 م, Blogger elkamhawi كتب/ت :

انا لو منك تشوف وحدة قاعد كاشير فى مطعم
نيهههاااااا

 
في تمام : 14/6/07 7:36 م, Blogger محمد السيد كتب/ت :

أهه إنت كده حتقوم علينا الجمعيات الحقوقية وحقوق المرأة والناس دي كلها ....

بقي يا راجل يا مفتري .... عايزها لوحدها تفكر في الأكل وتشيل همه وتفضل اليوم كله بالها مشغول بكده ...

وإنت سي السيد قاعد في البيت مبتعملش حاجة ؟؟


بس بجد ... قمة الجمال ياأستاذ ... ربنا يكرمك وتلاقيها ....

 
في تمام : 15/6/07 4:29 ص, Blogger بحب السيما كتب/ت :

السؤال ده من اصعب الاسئلة اللى بتواجهنى كل يوم لدرجة انى بقيت عايز اسيب الشغل واروح اشتغل عند ابو طارق عشان محدش يقولى حتاكل ايه

 
في تمام : 15/6/07 4:49 م, Blogger OMA كتب/ت :

:)

بدحك اوي والله مش عارفه ليه
ربنا يرزقك بيها يامصعبوووز ياارب
انت بجد تستاهل كل خيير

 
في تمام : 16/6/07 2:21 م, Blogger مُسلِمَة كتب/ت :

السلام عليكم ورحمة الله وبركاته

الحمد لله رب العالمين بدأت عالم التدوين
واللهم افتح بها وبي لأمتنا

ومنتظرين حضراتكم

وياريت تاركونا وردنا الجماعي على……..

www.ana-moslema.blogspot.com

 
في تمام : 16/6/07 2:42 م, Blogger camera_girl كتب/ت :

هههههههههههههه انا فالقول قولت اييييييه الهاتش ده وكنت هقفل قولت ايه العهود المضروبه دى وكنت هتشل وبعدين النهايه مسخره.........ربنا يرزقك بواحده طبيخها حلو اوى اوى

 
في تمام : 16/6/07 6:31 م, Blogger RAMA كتب/ت :

علشان تعرف ان نجوم السماء والقمر وكل التضحيات اللي حتقدمها لا تساوي شيئا أمام اختيار الاكلة المناسبة... فعلا قد ايه احنا البنات بنتعب ونشقى وبنعمل حاجات صعبة.. ربنا يكون في عونا بجد

************
مش قادرة امشي بردوا من غير ما أقول

أمممممممممممم
طيب
ياداخل بين مصعب ورفيقة دربة

D:D:DD::D
سلام

 
في تمام : 17/6/07 1:54 ص, Blogger ذو النون المصري كتب/ت :

كلنا بنقول هنجيب نجوم السما لكن وقت الجد بنجيب ...................؟
لكن انا مش ناوي اجيب حاجه خالص
هههههههههههه

 
في تمام : 17/6/07 7:01 م, Blogger عمر كتب/ت :

ازاي يا حبيبي تتعب في التفكير وأنا جنبك ها بئه هنكل ايه؟؟؟؟؟؟؟!!!!!!!!!

 
في تمام : 18/6/07 8:58 ص, Blogger صيد الخاطر كتب/ت :

يا اخ مصعب
مينفعش كده
انت كده بتسلم نمرك من أولها
نجوم ومش عارف ايه
لا خدها نصيحة من أخوك لا زم تظهر انك حمش حبتين
ومتظهرش كل الحب اللي عندك مرة واحدة
عشان تحقق التوازن بينك وبين زوجتك

 
في تمام : 18/6/07 10:00 ص, Anonymous غير معرف كتب/ت :

مش عايز تركز برضه في احلامك

 
في تمام : 18/6/07 1:50 م, Blogger بحاول اكون كتب/ت :

انا اول مره ادخل مدونتك وبجد عاوزة اقولك انت شخصية جميلة اوي وكلامك لذيذ وخفيف على القلب
وعاوزة اقولك الحقيقة المره ان كل البنات بعد جواز مش عندهم الا هتاكل ايه النهاردة طيب نعمل ايه بكره على العشاء هتفضل تاكل دماغك فأحسن حل عشان تريح دماغك قبل ما تنزل من البيت قولها يا حبيبتي انا عاوز اكل كذا النهارة مش هقولك بئه هتكون طايرة من السعادة اصل الستات بتحب المشاركة وفي نفس الوقت مش بتحب يكون في نفس جوزها حاجة الا ولازم تعملها
تحياتي ليك
ويارب يكرمك بإنسانة تحبك وتفهمك
وتسعدك قد ما هتسعدها

 
في تمام : 18/6/07 7:19 م, Blogger Ana keda كتب/ت :

هههههههه
والله فطسانة من الضحك يعنى بعد كل الكلام الجامد ده وكل الرومانسية دى تقول كده
ههههههه بس شكلك بتعانى عالعموم انا بس بعمل كومنت وهشوف مدونتكشكلها جامدة والزيارة هتنكرر ان شاء الله

عالعموم اعملها جدول كده وقولها عاوز تاكل ايه فى الاسبوع ههههههه احسن من كل يوم

 
في تمام : 20/6/07 7:22 ص, Blogger واحدة بتحب البلد دي كتب/ت :

هههههههههههههههههه

يعني بعد الجو ده
والكلام الكبير
ـــ
اعاهدك

وسأكون

نعم
ونعم
ونعم
ـــ
وبعد ده كله
تاكل ايه
ههههههههههههه
بجد ضحكت ضحك من السؤال ده

بس متحلمش كتير انك مش هتتسأل السؤال ده
الخبر اللي مش سعيد
ان ده اكتر سؤال بيتسال
علي اعتبار انه السؤال الازلي اللي بيبدا بعد الزواج مش بينتهي

وعلي اعتبار المثل اللي انا مش مقتنعة بيه خالص بس هما بيقولوا انه حقيقي بتاع الطريق لقلب الرجل تاكل ايه او بمعني تاني معدته
(نفسي اعرف مين اللي الف المثل العجيب ده)
يعني مش عايزة احبطك بس غالبا هتسالهولك



بس يللا مش مهم
احنا هنعمل اللي علينا
وهندعيلك ان ربنا يرزقك بواحدة متسألكش السؤال ده


بوست جميل

تحياتي

 
في تمام : 25/6/07 12:22 ص, Blogger امرأة تقول الذي لا يقال كتب/ت :

هههههههههههههه
بجد ضحكتني
انا اتضحك عليا في الموضوع ده (:

ربنا يسعدك يا مصعب

 
في تمام : 25/6/07 8:59 م, Blogger حكايات شهرزاد كتب/ت :

ايه يا عم الكلام الجامد ده..ده أنت شاعر كبير واحنا مش عارفين.
تصدق ..نفسي يجي اليوم وأشوف حبيبتك المنتظرة دي..وأوصيها عليك، انها تحبك زيادة..لأنك تستحق...تحياتي
كوثر الخولي

 
في تمام : 26/6/07 7:14 م, Blogger e7na كتب/ت :

انت تشوف واحده خبيره تغذيه او خريجه اقتصاد منزلى او بنت اسامه السيد او شوف كده لو منى عامر مش مرتبطه
الناس دى كلها مش محتاجه حد يفكر معاها فى الاكل

 
في تمام : 30/6/07 1:39 م, Blogger شقاوة شيماء كتب/ت :

دى اول زيارة لمدونتك الجميلة وربنا يكرمك بالزوجة الصالحة اللى متسالكش السؤال ده
بس ساعته ماتعترضش على اى اكل هيتحط ادامك
تغمض عنيك وتسم الله وترضى بالحجات اللى هى بتحبها

اتمنى تزورونى فى مدونتى الوليدة "شقاوة شعب" على الرابط التالى
www.shawetsha3b.blogspot.com

 
في تمام : 2/7/07 12:25 ص, Blogger !!! الراس الكبيرة منة كتب/ت :

جامدة وضربة معلم

وانت فاكر ان فى حد هيسألك تاكل ايه يا حبيبى !!!

ده انت على نياتك اوى

 
في تمام : 4/7/07 1:11 ص, Blogger خليك فى البيت كتب/ت :

ندعوكم لزيارة مدونة خليك فى البيت والأشتراك فى الحملة

 
في تمام : 5/7/07 8:14 م, Blogger Mony The Angel كتب/ت :

loooooooooooooolllzzz
helwa awe

 
في تمام : 9/7/07 12:11 م, Blogger ساعه الغروب كتب/ت :

انت مش عارف انه البنات فى الاغلب عنديين يعنى هتلاقيها مش بتسالك غير السؤال دا

هههههههههههه


اقولك على حاجه اكتب كل الاكلات الىل انت بتحبها من دلوقتى واعملها فة جدول اللى هاو باه الى بيحب اكله معينه من اصدقاءك وا الاقارب يبيقى عراف يوم الاكله باه وكدا

ههههههههههه
دا انسب حل بما انك للدرجه دى مش عايز تتسال السؤال دا

عايزه اقولك ان البوست حلو اوى اوى اوى لحد السؤال الفظيع دا

تصدق اول مره اعرف انه للدرجه دى بيضايق

شكرا ليك وربنا يرزقك بزوجه عارفه دايما انت هتحب تاكل ايه

شكرا ليك

:)

 
في تمام : 9/7/07 11:23 م, Blogger Epitaph كتب/ت :

:)) ربنا يرزقك الخير
و بنت الحلال
اللي لازما ولابد
تسألك
ح تاكل ايه النهاردة؟

:)

 
في تمام : 12/7/07 9:29 م, Blogger 3ashe2elro7 كتب/ت :

"الهندسة هي علم تطبيق العلوم"

عجبتنى اوى و اسمحلى استعيرها

 
في تمام : 15/7/07 2:36 م, Blogger امام الجيل كتب/ت :

القبض على معتز منفى والجيزاوى بحبك يا مصر
تم إلقاء القبض صباحا على كل من المدون معتز عادل صاحب مدونة منفى
وأحمد الجيزاوى صاحب مدونة بحبك يا مصر
وذلك إثناء ذيابهم إلى الهايكستب بطرق مصر إسماعيلية الصحراوى للتضامن مع المحالين عسكريا
monzer they catch me in my way to cairoi donot know were they will take me nawtell all of them to take care and iam with u in modawn7"anafrom mo3takal
وما ألمنى اكثر ولم اقرأه إلا عند كتابة هذه الرسالة هي كلمته الأخيرة
donot forget me

وكانت رسالة أحمد الجيزاوى كالآتي
رسالة للجميع
أنا فى المترو واتقبض عليا خلى بالكم وتروحوا لوحدكم كانت رسالة معتز الساعة السابعة تقريبا، أما رسالة أحمد فبعديها بنصف ساعة تقريبا والامر بين يدي الله جميعا، وحسبى الله ونعم الوكيل
والسلام عليكم ورحمة الله وبركاته ...أخوكم منذر
نقلا من مدونة حين البأس...لاخويا منذر

 
في تمام : 16/7/07 11:43 ص, Anonymous محمد سعيد كتب/ت :

السلام عليكم
بجد انا حابب المدونة بتاعتك لأنك في حالك :)
ربنا معاك

 
في تمام : 18/7/07 2:00 ص, Blogger أسامه يوسف كتب/ت :

يعنى هى غلطانه علشان بتسألك
وبتخليك تشعر بسطوتك على قرارات البيت
وعلى العموم ربنا يرزقك ببنت الحلال

 
في تمام : 19/7/07 12:47 م, Blogger عيلة و عايزة افهم كتب/ت :

لا حضرتك اطمن خالص

السؤال ده حتتسأله حتتسأله

بس ممكن حضرتك برضة تستخدم الاجابة التقليدية : اي حاجة

و ساعتها ابشرك ببداية خناقة مسائية لطيفة

بس مش لازم مسائية

اصل السؤال ده فطار
و غدا
و عشا

ناقص يتضاف ع القايمة

 
في تمام : 19/8/07 5:33 ص, Blogger سوسكــا كتب/ت :

فلا تسأليني أبدا
"تاكل ايه يا حبيبي؟!"

فلست على استعداد بعدكل العذاب الذي أعانيه كل وجبة في اختيار ماذا نأكل أن أسمع هذا السؤال بعد الزواج!!!


طيب اوووي حضرتك ... حتي لو قلت متسأليش هي حتسأل
دي حاجة كده في جينات المرأة
((:

بعيدا عن ده بقي البوست جميل ورقيق اوووي

 

إرسال تعليق

روابط تشير هنا :

إنشاء رابط

الصفحة الرئيسية> >