الأحد، مارس 04، 2007

وضع راهن..

كقطة صغيرة أمامها العديد من بكرات الخيوط الملونة تحاول التخلص من قيود إحدى البكرات عندما انفكت منها خطأ وهي تداعبها بمخلبها الصغير مستكشفة إياها، تحاول الخلاص إلا أن الخيوط تزداد التفافا والقطة ارتباكا.. نظرت إلى الأم الساخطة والبنت المشفقة والولد الملقى أرضا من الضحك والأب المشغول في جريدته المسائية واستعطفتهم ولكن لم يشعر بها أحد، كادت تقسم داخلها أنها تعلمت الدرس ولكن لم يسمع قلبها أحد.. فاستكانت مكانها ونظرت بحسرة للبكرة الأخرى والأم لا تزال ساخطة والبنت مشفقة والولد ملقى أرضا من الضحك والأب يقرأ جريدته المسائية.. نَظرتُ إليهم ثانية .. وبكيت.. لكن في الداخل

التسميات:

عدد 27 تعليقات :

في تمام : 4/3/07 3:14 ص, Blogger دعاء عادل كتب/ت :

مش عارفه اقولك ايه
بجد البوست ده وجعنى اوووووووى
بس عارف لو بكت هاتفضل تبكى طول العمر من غير ما تلاقى حد يساعدها
المفروض تخلص نفسها وماتنتظرش حد

 
في تمام : 4/3/07 8:24 ص, Blogger Dananeer كتب/ت :

مصعب حلوه اوى بجد
و بتوجع فعلا

من فتره كنت بافكر فى طابع البوسته اللى الناس بتروح تجيبه
بعدين و صلت لان الوضع شبه بكره صوف مشبكه
و الحل اروح اجيب واحده تانيه من بعيد

ينفع؟
مش عايزه يحصلى زى القطه
:)
كده اقولك حمدالله على السلامه
و طرقع يا ابنى على كيبورداتك و ماوسك و اوجعنا

 
في تمام : 4/3/07 9:36 ص, Blogger Cerebrosus world كتب/ت :

العالم من من عيون قطة تلعب بالبكرة فتواجه تعقيدات الحياة بينما يراقبها الناس من عيونهم


رائع

 
في تمام : 4/3/07 11:25 ص, Blogger أميرة البلطجية كتب/ت :

لكن لازلت ممكن تدعي ربنا بلغتها الخاصة
هو احن عليها منهم
تحياتي

 
في تمام : 4/3/07 2:15 م, Anonymous غير معرف كتب/ت :

"كادت تقسم داخلها أنها تعلمت الدرس ولكن لم يسمع قلبها أحد"..

مش مهم أصلا إن حد يسمع قلبها.. كفاية قوي إنها سامعة..

مش مهم الناس تعرف انك اتعلمت الدرس.. المهم انك انت نفسك تبقى عارف..

اوقات كتير بتلاقي كل اللي حواليك شايفينك كويس.. وانت شايف نفسك وحش.. والعكس صحيح..

لو عرفت أنا مين ليك عندي جايزة

 
في تمام : 4/3/07 11:06 م, Anonymous أحمد يكتب كما لم يكتب من قبل كتب/ت :

القطة فقط هي التي ستنقذ نفسها

 
في تمام : 4/3/07 11:13 م, Blogger AbdElRaHmaN كتب/ت :

صعبه اوي اوي اوي
والله حرام عليك يا مصعب
ايه ده
انت عشان رجعتلنا بالسلامة هتعمل فينا كده
ماشي ياخويا اتعبنا براحتك
فداك يا سيدي (F)(F)
salam ya 7obby

 
في تمام : 4/3/07 11:26 م, Blogger elkamhawi كتب/ت :

ههههههههههههههههه
انا الولد اللى ملقى على الارض من الضحك
ههههههههههههههههه

 
في تمام : 4/3/07 11:34 م, Blogger Oreka d'jadrool كتب/ت :

عجبتنى طبعا
مش مستنى رأى فيها

 
في تمام : 4/3/07 11:42 م, Blogger عبوووووووود كتب/ت :

بوست رائع ومعبر
نقدر نقول إن احنا القطة
المشاكل حوالينا من كل ناحية مش قادرين نخرج منها
والناس حوالينا بتتفرج وما حدش راضي يساعدنا
على العموم حمد الله على السلامة
.................
mesharef.blogspot.com

 
في تمام : 5/3/07 12:27 ص, Blogger Epitaph كتب/ت :

حمد لله ع السلامة

وليه كدة الالم ده

اصعب انواع الجروح التي تنزف بداخلك
قالها انيس منصور في مرة

:(

 
في تمام : 5/3/07 12:29 ص, Blogger smraa alnil كتب/ت :

مصعب

اتوجعت اوي لاني حسيت ان انا القطة
متلخبطة وببوز كل حاجة حواليا
وببص للي حواليا بلاقي كل واحد في حياته
حسيت انك بتوصفني في كلمتين انت كاتبهم
انت بجد مش متخيل الكام سطر دول عملوا فيا ايه

مش عارفة اقولهالك تاني بس انت وصلت لقمة الروعه

 
في تمام : 5/3/07 1:22 م, Blogger اصرار أمل كتب/ت :

كقطة صغيرة تلفها الكرات ؛ ويحدوها الأمل ؛؛؛ ولكنها من حيث لا تقصد أفسدت ؛؛؛ والكل مشغول عنها ؛؛ بكيت !!!
هل يجدى بكاءها شيئا ؟! لا أعتقد أنه سينفع أحدا الا هى ؛؛؛ لم تقصد الخطأ وندمت كثيرا عليه ؛؛ لكن فى الواقع لن يهتم أحد بذلك ؛؛ بما اذا أخطأت أو حتى ندمت ؛؛؛
حياتنا أصبحت كتلك القطة ؛؛؛ لا يهتم أحد ؛؛؛ لذلك : دعنا نهتم بأنفسنا ؛ نصلح أخطائنا ؛ ونحيا ؛ لأننا لن نحيا بغير ذلك ؛؛؛
شكرا لذلك الألم الذى أبدع لنا هذه الخاطرة ...

 
في تمام : 5/3/07 3:22 م, Anonymous هشام المصري كتب/ت :

على قدر إحساس الرجال شقاؤهم

 
في تمام : 5/3/07 4:15 م, Blogger emz كتب/ت :

كلهم فاكرنها بتلعب
بينما هى محتاجه حد يساعدها

كلنا هذه القطه

 
في تمام : 5/3/07 4:22 م, Anonymous غير معرف كتب/ت :

أخي الكريم

السلام عليكم

عندما تشعر أنك وحيدا فقدت اهتمام من حولك ...فعليك ان تنظر الى السماء
لأن هناك رب يرى ويسمع ..قريب مجيب .. موجود في كل وقت ومكان .. ليس على بابه بوابا يمنعك .. ولا مشغولا عنك .. بل إذا حدثته سمعك وإذا دمعت رطب قلبك ..وإذا دعوته أجاب دعاءك ..
أخي الكريم

اعلم انه يحبك لذا يدفعك إليه كي يسمع صوتك
فلا تنقطع عنه

اخوك

مجاهد شرارة

 
في تمام : 5/3/07 4:54 م, Blogger العابره كتب/ت :

نَظرتُ إليهم ثانية .. وبكيت.. لكن في الداخل

مش هقدر اقول غير ان أصعب بكاء
هو بكاء القلب

 
في تمام : 5/3/07 5:10 م, Blogger Salma كتب/ت :

عجبتني جدا جدا يا مصعب لأنها قصيرة بس عميقة .

اصعب حاجة انك تحس ان الحواليك مش فهميناك مش قادر تتكلم وتشكي تقول الحقوني .. انجدوني او حتى تتكلم وتفضفض لمجرد انك عايز تعبر عن اللي جواك و تلاقي الكلامات مش بتسعفك و تحس ان الكلامات جواك خنقاك .

" أنا شاب لكن عمري ألف عام

وحيد لكن بين ضلوعي زحام

خايف و لكن خوفي مني أنا

أخرس و لكن قلبي مليان كلام"

 
في تمام : 5/3/07 5:15 م, Anonymous shiko كتب/ت :

محدش بيتعلم ببلاش
عايز تتعلم اعرف انك اكيد هتقع فى الغلط
الخطـأ ان نبقى نتحسر ونندم على اخطائنا دون ان نتعلم منها
وبالطبع لن يحس بالامك او مشاكلك غيرك ربما تطلب المساعده منهم لتخليصك من مشاكلك
لكن لابد ان يكون الدافع من داخلك لتخليص نفسك
بوست جامد جدااا
تحياتى يا مصعب

 
في تمام : 6/3/07 4:47 ص, Anonymous غير معرف كتب/ت :

قطة اختي......بتلف طول الليل في اوض البيت بتبكي بحرقة و بصوت عالي بكاء مريير و طويل.

لانها ببساطة وحيدة بلا رفيق

بنصحا بالليل و اختنا صاحبة القطة بتنام

اختي الاكبر يتقعد طول الليل تلعن و تشتم في القطة و صاحبة القطة و سنينها على نومها التقيل بدون ما تشوف صرفة لاقطتها و بتبقى عاوزة تحدف القطة بحاجة

و القطة بتبكي بكائها الطويل المرير

و لما نصحى الصبح تاخدنا الحياة و شغلنا و روحنا و مجينا

و اختي صاحبة القطة ترجع تلعب بالقطة شوية (مش مع القطة) و يتكرر اللي بيحصل كل ليلة

صحيت الفجر

خدتهل في حضني و اديتها كورة تلعب بيها تلهيها شوية عن الامها و وحدتها

دفيت و نامت جمبي بهدوء الاطفال

كل اللي كانت محتجاه هو الدفا !!!

 
في تمام : 6/3/07 4:56 ص, Blogger frozen love كتب/ت :

الله يا مصعب

اتاخرت عليك في قرايتها شوية لكن بجد الله عليك...حالة
كل اللي اقدر اقولهولك انك حطتني في حالة في عدة سطور
تحياتي

 
في تمام : 6/3/07 9:17 ص, Blogger Salma كتب/ت :

لغاية أمبارح كنت متعاطفة جدا مع القطة وكنت بفكر أزاي ممكن نساعدها بس اكتشفت أنها هي اللي بتحط نفسها في مواقف صعبة و هي اللي غاوية مشاكل ... يلا سبحان مغير الأحوال من حال إلى حال.
أحكي الحكاية اللي خلت رأي يتغير علشان تشركوني ..
أمبارح بالليل كنت رايحة مشوار بس طلعت بالعربية وبعد شوية سمعت صوت غريب في العربية و وكمان لاحظت ان مؤشر البنزين بقى قليل بالرغم من أني لسه ممونة !! فركنت على جنب وفتحت الكبوت فلقيت القطة صحبيتنا قاعدة جوه الكبوت وعمالة تلعب و من اللعب أقطعت خرطوم البنزين و بعدين اتزنقيت ومعرفتش تتطلع تاني من الكبوت بس طبعا يومي باظ ومشواري اتلغى و رحت للمكنيكي ..
على العموم لو لسه عيزين تطمنوا على القطة فهي كويسة جدا وأنا اللي دمي نشف أمبارح من الخضه ..

 
في تمام : 6/3/07 11:54 ص, Blogger Amira Hassan كتب/ت :

مشش قادرة اقولك انا اتوهمت و قعدت متنحة شوية بعد ما قريت و مش عارفة اتحرك بجد هايل

 
في تمام : 6/3/07 4:41 م, Blogger saso كتب/ت :

في الاول
حمد لله علي سلامتك
---
لا احد يهتم حقا،عليها ان تعرف هذا قبل ان تعبث بالخيوط وتنسج حولها سجن اخر

حلوة الفكرة ومركزة اوي

 
في تمام : 7/3/07 2:41 ص, Blogger shabfa2re كتب/ت :

جميلة اوى اوى اوى يا حومبى
نياااااااااااو

 
في تمام : 7/3/07 6:09 ص, Anonymous Abd El Rahman كتب/ت :

حلوة أوي .. بسيطة ورائعة

بتابع مدونتك من فترة مش قليلة ويمكن ده اول تعليق ليه ، عجبني البوست ده أوي

 
في تمام : 7/3/07 12:40 م, Blogger أحمد ندا كتب/ت :

!!!!!

 

إرسال تعليق

روابط تشير هنا :

إنشاء رابط

الصفحة الرئيسية> >