الخميس، ديسمبر 21، 2006

امبارح كان عمري .. سطرين!


العدد بتاع امبارح (الأربعاء الموافق العشرين من ديسمبر لعام 2006 م) من جرنان الدستور نزل لي فيه أول "نصف مقال صغير متواضع" في صفحة "كلمني شكرا" ...

المقال مترجم من مقال كاتبه "كليف إدواردز" (Cliff Edwards) مراسل مجلة الـbusiness week في وادي السيليكون (Silicon Valley)..

هو ما كانش عاجبني أوي، بس ناس كتير قالوا لي حلو...

شكرا يا براء على كل حاجة، ودعواتكم..

-----
* ده رابط لصورة من المقال رفعها مشكورا reformer
*الصورة اللي في أول الموضوع scan لجزء من أول إصدارات "كلمني شكرا" .. لمزيد من التفاصيل

هناك 17 تعليقًا:

dead man يقول...

مبروك يا مصاعيبوز.. وعقبال المقال المليون

Hussain يقول...

إيه يا عم, فين المقال نفسه؟؟؟

None يقول...

ايوه ياعم اللى على على
صحاب بقى كوسه خالك تكتب علشان صاحبه
يلا مش مهم
بس موضوع جميل انا اول مشفت اسيمك قلت ايه ده هيا الكوسه وصلت لحد كده
للامام يام مصعايبوووووووو
وسلااااااام

مراقب مصري يقول...

يا عم مصعب

هو البراء عامل عليك دكتاتور في الصفحة ومحرج عليك تنشر حاجة من شغلك في مدونتك؟ وإيه حكاية إنك تنزل له هو صورته وحتته في الدستور؟
البراء على عيني وعلى راسي من فوق
بس موضوعك يعني موضوعك
تنشره تغسله تكويه
أنت شريك في حق النشر
يعني تنشره بقلب جامد
ولو عايز أنشرهولك عندي أي خدمة

وآدي اللنك اللي ياخدك على مقالك
وسلم لي ع البراء

مراقب مصري يقول...

http://photo.ringo.com/176/176270485O768400455.jpg

دا اللنك بتاع مقالك يا باشا
ألف مبروووووووك

محمد السيد..مش حاسكت يقول...

تعرف يا سيد .......؟

من فترة كنت مبشتريش الدستور ..... ولأجل حظك اشتريتها إمبارح ....

أختي وهي بتقراها قالت لي مش ده مصعب ؟؟؟

قلت لها الأول " لأ " ..... وبعد كده شكيت في الموضوع ....

ودلوقتي ........ اتأكدت طبعا ياريس ...

مبروك يا سيدي .... بجد والله فرحت لك ..... أنا عارف إحساس الواحد لما يلاقي حاجة منشورة باسمه ومنورة والناس بتعلق له عليها .......


حاجة تفرح شوية في ضغط الشغل وتعب اليومين دول ...


شفت ربنا بيسري علينا كل شوية بحاجة إزاي ؟؟

عموما مبرووووووووووووووك يا سيدي .... و عقبالنا

متبقاش تنسانا لما البلية تلعب ... والمصاري تجري بين إيديك يا عمنا ....


سلام

Lens Geek يقول...

امبارح سطرين في الدستور النهارده سطرين في الاسبوع و بعده سطرين في الاخبار و الاسبوع الي جاي سطرين في الاهرام تخش بقه الشهر الجاي سطرين في الشرق الاوسط و الحياة السنه الي جايه ان شاء الله سطرين في البزنس و يك بعد السنه الي جايه بشهرين و احد يترجملك مقاله من البزنس و يك و ينزلها في الدستور.... و هكذا دواليك دواليك دواليك........الخ

We2am يقول...

alf mabroooooook ya masa3ebo..walhhy yabne kan kowes..kfaya en esmk maktob 3leh ya pasha :D
yalla 3o2bal elryasa ;)

مُصْعَب إِبْرَاهِيم يقول...

هواري .. ربنا يخليك يا كبير


حسين، هأبقى أجيبهولك الكلية أوريهولك زي ما اتفقنا وللا أنت رجعت في كلامك؟!

فنان جيولوجي ربنا يسامحك، الحكاية مفيهاش كوسة وربنا يخليك وكويس إن الموضوع عجبك، وشكرا على التشجيع

حاج ريفورمر أو جرجس زي ما تحب، عيب تقول كده... براء عمره ما عمل علي دكتاتور، ونزلت صورته هو لأني ما كنتش لسة عملت scan للموضوع.. مش لأي اعتبارات أخرى!
على العموم شكرا على الصورة، بس مع احترامي صورة الموضوع ده هتفضل زي ما هي... والله يبارك فيك

محمد .. ربنا يكرمك وحاضر مش هأنساك لنا المصاري تجري في ايدي :)
أنا بس عاوز أعرف أنت مين؟ لو مفيهاش إحراج يعني، وازاي أختك كمان عارفاني؟!

أحمد عبدالله... زعيم، نتفاهم في موضوع السطور دي في المكتب :)

وئام.. ربنا يكرمك، ده كتير علينا

smraa alnil يقول...

ايه يا عم الكلام الكبير دة
انا شفت مقالك بس دة مترجم يا ريس
فين كلامك انت ورايك انت
بس والله شاطر
عملوها الوحوش يا ريتني كنت معاهم
بجد فخورة بيك
ربنا يكرمك يارب ويوفقك

nour يقول...

قريته طبعا و عجبنى جداااا

Amira Hassan يقول...

مبرووك يا معلم...عقبال الصفحة

marwa salah يقول...

الف الف مبروك يا مصعب علي المقال وعقبال ما نشوفك يا رب المبرمج هيكل

غير معرف يقول...

زنت الصحافة وما زانتك...
وتشرفت بالكتابة وليتها تقبلك ابنا روحيا لها..
اجاب الله سؤلنا واياك

TheSane يقول...

ياه
مش تقول ياراجل عشان ابقي اجيب الجرنال واقراه
الف مليون مبروك يامصعب وعقبال مليون سنة.....
سوري قصدي عقبال مليون مقال:P

Salma Amer يقول...

انا قريت المقال عجبني واللهي يا مصعب
عقبال ما يبقى ليك صفحة لوحدك وتنافس أخوك البراء

مملكتي نفسي يقول...

انا بحبك يا مصاعيبووووووووووو والله