الأحد، ديسمبر 17، 2006

يا ريت ترجع ...


أنا مش هأسألك أنت ليه عملت كده..
دي حاجة بتاعتك لوحدك، وأنا عارف إنك لو عاوز تتكلم هتتكلم ومش هتستنى حد يقول لك اتكلم..

أنا بس بأقول لك ارتاح براحتك، خد وقتك
بس أرجوك بسرعة
وارجع..

بقية الكلام مش راضي يطلع، بس أنت أكيد حاسه..

ربنا يسامحك، ويسامح اللي خلاك تعمل كده ويسامحني إني مش قادر أعمل حاجة ويسامح كل حد ليه علاقة من بعيد أو قريب بكده..
أنا ما صدقت أنسى شوية إن في حاجة اسمها حزن..

هناك 9 تعليقات:

We2am يقول...

عوود..ياريت تعوود..
:"(

dead man يقول...

mos3ab.. my brother.. u dont know how i was when i read it.. it makes mee almost cray..

u know what, u r supported me last times as no 1 did, thinx alot. and hope if i can payback that for u once

أحمد الدريني يقول...

انا قلتله يامصاعيبو..لو مشي محدش هيعبرني بوردة..ولو قرر انه يروح هناك يبقي يدور علي مقبرة 3 أوض وصالة عشان نقعد معاه فيها..بس أنا عايز اقول لو هواري راح هناك وانت كمان حصلته يبقي أكبر جماعة ضغط في تاريخ البشرية الله يعوض عليها|...أيتها الحيتان أمن الأعماق وإليها؟ بئس قوم كدورا حوتاأو ناصبوه العداء..

المـ(همس)ـشاعر يقول...

مصعب ..

أنا حاولت أفهم .. بس ما فهمتش ..

بس قلقت أوى .. هو فى ايه ؟؟

يا رب خير .. و الى غايب يرجع بسرعه أيا كان

محمد السيد..مش حاسكت يقول...

" باشا ... " مش دي كانت كلمته علي طول ؟؟؟

قول له إني كنت خلاص جهزت المكان اللي حنقضي فيه اليومين ... اللي حييجي فيهم .

وقول له كمان إنه مكان تاني غير اللي شافه المرة اللي فاتت ...

وقول له إني كنت ناوي أخد أجازة من الشغل ... وأقضي اليومين كلهم معاكم ...

وكمان فول له إنه من أحلي الأيام اللي قضيتها في القاهرة في 6 سنين , اليوم اللي قابلته فيه ...

قول له عارف ؟؟؟ أنا في الكام سنة دول عمري مااتمشيت علي النيل كده .. وأقعد وأتفرج والحاجات دي ... إلا لما يومها ....

قول له ... إني جاي القاهرة ... ونفسي أوي أقعد معاه وأشوفه ... ولو هو مش عايز ...!!يعتبرها رد لزيارته هو لإسكندرية ...


وإن أول واحد أقابله متخرج من الجامعة العريقة بتاعتنا دي ... وأهه حاجة تجمعنا يا سيدي .. لو مش عاجبك ده كله

وقبل ما تسيبه .... قول له : محمد بيقولك .... لو مردتش ... الكام شعرة اللي في راسك دول حيبقوا زي اللي عندي .... بالظبط .... بالمللي

ومستني تليفونه

سلام

arabesq يقول...

أية يا جماعه الجو اللى انتوا فية ده؟ مالكوا فى اية بس ؟


DEADMAN !!!!!! NO COMMENT 4 U


http://arabesq.blogspot.com

frozen love يقول...

eh ya 3m ms3b..msh leldrgade..dana b2ol 3leky elzmn ghyrk we b2eet bttgawz elklam da...fkk....we 7awl ttgawz elmarade kman...ana 7ases bs bek m3 eny m3rfsh details..god be with u

karakib يقول...

سيبه يريح

تــسنيـم يقول...

أنا مش فاهمة بالظبط فيه إييه بس حساه من بين السطور يارب يرجع وبسرعة قبل فوات الأوان.