الاثنين، أكتوبر 23، 2006

خلص خلاص..



خلص خلاص..
ومشي..
ومش هييجي إلا كمان سنة..
يا عالم هنكون ساعتها فين..

كان مصبرني كتير..
أوي..
كان مليان سكينة..
وهدوء..
ووحدة..
والأهم..
إنه الوحيد اليومين دول
مصدر قوتي..
ومواساتي..

يا أجمل شهر اتوجد..
من دلوقتي وحشتني..

مش عارف ازاي أقول لكم "كل سنة و أنت طيبين"..
مش حاسس بيها..
ما كنتش عاوز اليوم ده ييجي..

بس ده حقكم علي..
كل سنة و أنتم طيبين..

هناك 7 تعليقات:

Amr Magdi يقول...

كل سنة وإنتا طيب يا مصعبوف

بس عايز أقولك إن رب رمضان موجود في غير رمضان، وبعد رمضان وقبل رمضان

وإذا كان هوا عملنا رمضان هدية منه فالهدايا مستمرة كل يوم في السنة وربنا موجود دايما شايفك وسامعك وممكن تطلب منه اللي إنتا عايزه

إن الكريم يجيب من ناداه

Nohaz يقول...

ما هو أحنا لازم نغلط طول السنة عشان نلاقي حاجة نتوب عنها رمضان الجاي

يالا يا عم دي ليلة العيد و رمضان خلص أبدء الشقاوة بقي

غير معرف يقول...

تقبل الله منك الصيام والقيام، وصالح الأعمال

عيدك مبارك :)

أميرة من غير قصر ولا بستان.. ولا الشاطر حسن كمان يقول...

و انت طيب يا مصعب افندى
ويارب يكرمنا و يبلغنا رمضان الجاى على خير ان شاء الله

Nohaz يقول...

مختفي فين؟؟ بتعيد ولا زعلان من أختك الكبيرة؟؟؟
علي فكرة ربنا الي يعلم أن انا بخاف عليك كأنك أخويا الصغير عشان بشوف فيك أنا ايام الكلية يا ريت تطمني عليك متستخباش كده

marwa salah يقول...

وإنا لفراقك يا رمضان لمحزونون ... بس .... اللهم اجعل عامنا كله رمضان

مُصْعَب إِبْرَاهِيم يقول...

عمرو .. و أنت طيب، و ربنا يخليك

نهى.. ربنا يتوب علينا كلنا.. بس أنا ما بأعرفش أتشاقى :)


أخي الكريم مصعب "على فكرة مش أنا دوسوا على اسمه و انتوا هتعرفوا .. مصعب مدون سعودي" .. و تقبل منكم أخي الفاضل


أميرة .. وانتي طيبة .. و أيوة .. يبلغنا رمضان الجاي "على خير" لأحسن أنا خلاص تعبت أوي و مش قادر أكمل

نهى تاني .. أيوة كنت في البلد بأحضر العيد


مروة .. كل سنة و انتي طيبة..و اللهم آمين