الثلاثاء، سبتمبر 26، 2006

أنا حي أرزق!



"أنا حي أرزق" ..
الجملة دي كان براء حاططها على الماسينجر .. أيام ما كان في مشكلة عائلية كبيرة شوية عنده

و ...
"مصعب أرجوك ابقى كويس تحت أي ظرف"

حاضر .. أنا كويس
"أنا حي أرزق"

اللي راح راح..
مش هيروح أكتر من كده خلاص
مفيش حاجة تاني تأثر..

و برضه "أنا حي أرزق"..


يا رب ماليش غيرك..
ماليش غيرك..

و ليت الذي بيني و بينك عامر ... و بيني و بين العالمين خراب

هناك 18 تعليقًا:

بنت امي الغالية يقول...

ايه يامصاعيبو مالك؟
ليه كل الاسى ده
يارب تكون بخير
وبعدين يا استاذ الدنيا من غيرك تبقى وحشة قوي...!

مصـ( الخير )ـعب يقول...

عادي يا دعاء..
أنا بخير..

و متشكر أوي لك حد مهتم

mora يقول...

وليت لاذي بينى وبينك عامر وبينى وبين العالمين خراب

اللهم آميين

كتر مناجاتك اوى يا مصعب لربنا في الايام دى وقوله على كل اللى متضايقك سبحان الله احنا فى رمضان اللى هو اى وقت هتقوم وتكلمه فيه دعائك مستجاب ان شاء الله وربنا يفرج همك يارب ووصي الناس انها تدعيلك بتفريج الهم

dead man يقول...

look u know iam not good in that, i never wanot good to give people advises cuz u know i have the most black ideas in the world.

i feel that u have some thing in ur heart, u didnot tell me and i wont aske u to do, cuz i know u.

u know too that i wont talke to u about "alah" and to be closer to "alah" cuz u better me in that and i who should listen to words like that.

the only thing i can say u should talkin to some one or forget what makes u sad to the time witsh "alah" deciesd. u r not brest brother u r a man and the life is sharing.

alah blessing u

مصـ( الخير )ـعب يقول...

مروة .. شكرا جدا جدا على كلامك الصادق
و بعدين انا عاوز أتأسف لك، لأنك بتقري هنا تدوينات حزينة و دي أكتر حاجة بتعلقي عليها هنا ، و أنا سعيد جدا إننا زمايل في شغل واحد و فخور بزمالتك

أحمد .. إنت إنسان .. و أفكارك زي ما قلت لك أونلاين مش سودا و لا حاجة .. هي بس غريبة :)
و يا رب يكرمك أنت كمان

moslma يقول...

السلام عليكم
ان شاء الله يا استاذ مصعب يكون بينك و بين الله عمار و بين الناس كمان , و بعدين مش حضرتك كنت كاتب فى التدوينه السابقه على احد الصور "لا تعط الحياه اكبر من حجمها" و ايضا " من احب الله رأى كل شىء جميلا", خلاص لا تعطي الدنيا اكثر من حقها و كون مع ربنا دايما هترى كل شىء جميلا و ان شاء الله كل الامور هتنحل

Dananeer يقول...

مصعب اتمنى تكون احسن دلوقتى
واضح ان فيه فيرس
و بجد بقيت باكره سبتمبر
عموما كل رمضان و انت طيب
و سلامى لبراء كفايه تلاقى سبورت

عمرو مجدي يقول...

أخي مصعب،

إن مع العسر يسراً ، إن مع العسر يسراً ..

قال العلماء في هذه الآية: لا يغلب عسرٌ يسرين!

فاهم؟!

يعني "العسر" واحد في الآيتين، لكن هناك "يسران" .. فلا يغلب عسرٌ يسرين

بس ادعي ربنا كثير ، وعلى فكرة والله الواحد أحيانا بيتبسط في فترات الحزن والمصائب لإنها بتخلي يقرب من ربنا أكثر!!

وربنا يفك كربك وييسر أمرك قريباً يارب .. وحاول ما تقفلش على نفسك وتفضفض لحد بتحبه .. صدقني هترتاح

وربنا يكون في عونك

مصـ( الخير )ـعب يقول...

مسلمة .. جزاكم الله كل خير على مشاعرك الجميلة

دنانير .. أهلا بيكي و مجيئك عندنا بالدنيا .. على فكرة هو سبتمبر فعلا حزين .. بس مالوش علاقة بسبب التدوينة دي..
و على فكرة كمان.. أنا آسف لأني مش عارف أعلق على مدونات الناس التانية من ساعة ما نقلت مدونتي لـbeta blogger

عمرو .. ربنا يخليك .. حاضر هأحاول، و ربنا يكرمك

القادم من الريف يقول...

مصعب عامل ايه يا عم فى رمضان كل سنه وانته طيب وكل النت طيب وكل البشر طيبين اتمنى منك الدعاء عشا ن تعبان اوى يا مصعب بجدادعيلى اوى اوىساعة الفطار
محمد البر لسى

غير معرف يقول...

......................

ويرزقك بكل خير ان شاء الله

و هو القادر على صد كل من جرحك

غير معرف يقول...

......................

ويرزقك بكل خير ان شاء الله

و هو القادر على صد كل من جرحك

محمود يقول...

السلام عليكم
خيرا يا مصعب في ايه بس يا عم... على الرغم اننا بقالنا كتير جدا ماتقابلناش الا ان الحقيقة انا مش فاكر مرة واحد شفتك فيها مابتضحكش ...و بجد ده فعلا كان بيعجبني فيك جدا ...فارجوك خليك زي ما انت ...ما تتغيرش لاني فعلا بعزك جدا بشخصيتك الحالية.

Mo3taz يقول...

فرج الله همك يا مصعب

والهم شيء طبيعي خصوصا في هذه الأيام

بس اللي يفرق هو نوع الهم

اللهم أجعل همنا كله هو هم الآخرة

وأجعل الدنيا في أيدينا ولا تجعلها في قلوبنا

وفعلا

يارب
ليتك ترضى والناس غضاب
وياليت بيني وبينك عامر وبيني وبين العالمين خراب

فإن رضيت يارب فماذا خسرنا
وإن سخطت يارب فماذا كسبنا

مصـ( الخير )ـعب يقول...

أيها القادم من ريفك.. و أنت طيب، حاضر هأدعيلك و ادعيلي أنت كمان..

...........................

محمود .. ربنا يخليك يا رب، و نفسي أشوفك تاني قريب.. و ما تقلقش .. مسير الضحكة ترجع

معتز .. جزاك الله كل خير..
و اللهم آمين

محمد السيد يقول...

اللي أقدر أقوله لك ..

"ألا بذكر الله تطمئن القلوب ..."

كلنا جربنا ... و نجحت معانا

لا إله إلا أنت سبحانك اني كنت من الظالمين

وبرضه مش حاسكت

لا للتمديد ... لا للتوريث ... نعم لتعديل الدستور المصري
mohamedmat@hotmail.com

Amira Hassan يقول...

البوست قصيره جدا و مش مبينه تفاصيل كتير الا ان احساسها عالي جدا..انا دمعت اساسا

مصـ( الخير )ـعب يقول...

محمد السيد .. ربنا يخليك

أميرة حسن رغم إننا اتقابلنا مرتين بس .. لكن أشكرك بشدة على مجيتك هنا