الخميس، أغسطس 17، 2006

بين سيرفرين و site عشقهم my sight !*

أسبوع مضي الآن على بدء هذه المعركة العنيفة يوم السبت الماضي...
أسبوع مر عليّ كشهور و سنوات بل و حتى قرون...
تعلمت خلاله الكثير و عانيت خلاله الأكثر،

أسبوع نجحت خلاله في اقتناص ثلاث فترات راحة كاملة، ليلة نمت فيها 6 ساعات متصلة، و حفلة "هنغني للمقاومة"، و 6 ساعات نوم أخرى فجر اليوم، يعود الفضل فيها بعد الله إلى أحمد الهواري و محمد المعتصم حيث أجبراني على الذهاب للبيت، بعد ليلة قضيناها في الموقع ما بين عمل و channel 2 و ساندويتشات جاد و نسكافيه أباصيري!

كنت يوما أبدو كهذه الصور:



ثم أصبحت هكذا :



و هذه الأيام التقط لي محمد المعتصم زميلي في وحدة "المهام المستحيلة" في عشرينات** هذه الصورة :



بينما أكتب هذه التدوينة لا تزال ملفات الموقع تتدفق بسرعة 218,17 كيلوبايت/ثانية فيما يمكن تسميته مجازا "ممرا" فتحته باستخدام الـSSH من الـserver القديم إلى الـserver الجديد، و لا زال أمامنا الكثير..

--------------
* العنوان مقتبس من أغنية "بين شطين و مية، عشقتهم عينيا"..
** التقطها محمد بعد حفلة "هنغني للمقاومة" و نحن في التابعي الدمياطي نتناول عشاء مجمعا .. و وحدة المهام المستحيلة هي الوحدة الجديدة بعشرينات تحت قيادة الزعيم أحمد القطب (حلوة الزعيم دي) و تتكون مني و من محمد

هناك 7 تعليقات:

محمد السيد..مش حاسكت يقول...

إيه يا عم ....

إنت مصر يعني ....؟؟

هم يلعبوا ويتفسحوا وحفلات وأغاني وهزار ... وانت اللي مطحون وغلبان ومشدود .... وشايل الهم كله .... ؟؟؟

مش ده كان كلامك .... ؟؟ مااااااشي ..طيب والله أول ما أشوفهم لأقولهم ...... ماشي ... !!!

كمان أنا مش راضي اقول لهم .... إنت قعدت تدعي عليهم .... و كنت حتاكلهم .... بس أهه قلت بلاش ...

إوعوا تصدقوا ....
نتكلم جد بقي .... الحقيقة أكثر واحد كان باين عليه التعب حقيقي يوم الحفلة ...
حتي كلهم اعترفوا بكده وفعلا نقل الموقع والشغل المبذول ... يقول إنك إنت عبقري يا ابني ..... وسيبك من أي حاجة تانية ...

أحلي حاجة إنك تشوف حاجة تعبتك جدا فيها أوي وهي شغالة .... والناسي كلها بتشكر فيها ....

بس برضه أنا عند رايي إنك لازم تاخد راحة وتأجز شوية .... مش كله شغل كده يعني ... اطلع من الموووووود ....
وأحسن راحة شد حيلك و تعالي انت والهواري علي هنا ... وانسي الدنيا كلها واللي فيها

يالا سلام

ياء يقول...

شد حيلك يا بطل

معتـز عبد الرحمن يقول...

حمدا لله على السلامة
سلامتك أنت
بصراحة سلامة السيرفر ما تهمنيش كتير

محمود يقول...

ازيك يا باشمهندس بصراحة افضل شيء هي صورتك الكريمة بجد مش بهزر ....ربنا يعينك

Mohamed Moshrif يقول...

Something I can't really understand at all, someone who hates Microsoft and its product and then suddenly I found him setting on his laptop on Windows XP changing msn settings (which till now means he's using at least 3 Microsoft's products: Windows XP, MSN Messenger and Passport service)!!

مُصْعَب إِبْرَاهِيم يقول...

محمد، وأنا معاك

يحيى ، حاضر

معتز، ربنا يخليك يا رب

محمود، ده كتير أوي عليا..

بالنوسبة بقى للأستاذ "محمد مشرف"
أنا مش فاهم ايه اللي مزعلك؟!
ومع ذلك يا سيدي هأنزل لمستواك وأرد عليك..
أولا : مين قال لك إني بأشتغل على ويندوز بس؟!! أنا باتعامل مع ماك و لينوكس و قصص أخرى

ثانيا: أنا بأستخدم ويندوز في المكتب علشان النيتوورك اللي الدنيا معمولة عليها، و بتوع الـIT مانعيني من استخدام أي حاجة تانية غير ويندوز

ثالثا: أنا مش "متعصب" زي ما فهمت من تعليقك، أنا بأحترم جدا جدا عقلية بيل جيتس، وهو فعلا عمل شيء مش طبيعي و يخليه بطل، بس أنا بأكره بعض تصرفاته مش أكتر
ومش بأكره كل منتجات microsoft
بأكره فيها حاجات وحاجات بأحبها
ولوجهة نظر منطقية تماما
مش زي ما أنت فاهم!!
يا رب تكون وصلت لك

دعاء عادل يقول...

ربنا يعينك على السيرفر
وخلى بالك منه
هو الواحد عنده ايه فى الدنيا اغلى منه