الجمعة، يونيو 23، 2006

Blog Vs Block!



"Block" .. الاختراع العظيم اللي بيريحك من شخصية رخمة بتكلمك على الماسينجر..

"Blog" .. الاختراع (العظيم برضه) اللي بيرحك من همومك و تحب تتكلم معاه كتير .. حتى لو هتخلي اللي انت قلتهوله draft.. ما حدش غيرك هيقراه..

من كام سنة (سنتين تقريبا) كان أخويا بكر بيكلمني أونلاين و خنقني أوي و كنت مشغول ..
كان بيتكلم في حاجات تافهة (عادي إخوات و بيغلسوا على بعض) .. المهم آخرة الخنقة رحت قلت له :
“You are Blocked now”!
فضلنا نضحك عليها كتير بعديها..

بعد ما عملت البلوج لقيت فوق خالص حاجة اسمها “Blog this” -للي مشتركين على blogger.com بتاع جوجل بس- ، و معناها اعمل بلوجاية (تدوينة) عن الموضوع ده..

و ساعتها عملت في دماغي مقارنة سريعة بين الجملتين دول :

- “You are BLOCKED now”
- “You are BLOGGED now”

الأولى: معناها حد مش طايقك، على الأقل ساعتها .. أو بيتهرب منك .. أو مش فاضي لك..

التانية : معناها حد مهتم جدا بيك .. أنت عنده تستحق كل لحظة بيضيعها في التفكير فيك ..


الأولى: قاسية .. و مش حلوة
التانية: رقيقة و كلها معاني حلوة

الاتنين صحيح بيتكونوا من 16 حرف و تلات مسافات، بس معناهم النقيض!

بس خلاص..

هناك 3 تعليقات:

معتـز عبد الرحمن يقول...

تعرف يا مصعب
واضح إننا لازلنا متشابهين
أنت الكمبيوتر واكل دماغك وبتشوف كل حاجة من خلال مصطلحاته وتعريفاته
وأنا نفس الوضع بس بدل الكمبيوتر تلاقي (المدنية)
ربنا يصلح حالي وحالك ويهديني ويهديك
بفكر أجيب الشباب اللي أنت واحشهم ونزورك في الشغل لو الفكرة معقولة قلي وقلي على مواعيدك بالتقريب ..أكيد دقتك في المواعيد يدوب لحد أقرب خمس ساعات

غير معرف يقول...

انت سكر .. يخربيت عقلك ولا بلاش خليه احنا محتاجينه اوى

ام مليكة يقول...

حلوة قوي يا مصاعيبو، انت على طول كده جاي التايهة يعني مش عارفين نقول حاجة ياراجل
الا قول لي يا مصعب هي التكنولوجيا دي ازاي؟
هو سؤال غريب بس بيخطر على بالي كل ما اشوف منك موضوع مرتبط بالتطنولوجيا او اشوفك بتظبط حاجة
يلا بلاش نق بقى اصلك بتنفع برضه