الثلاثاء، أبريل 04، 2006

الـ(history) بتاع قلب!

(هو) و (هي) زمايل في الشغل..

(هو) بيحب (هي) بس ما كانش عاوز يـ(print) حبه ده خالص..علشان كان شايف إن وضعه مش (secure) كفاية علشانها..

لغاية أما الـ(buffer) بتاع قلب (هو) بقى (full) على الآخر و ما كانش عنده (resources) كفاية (يخزن) مشاعره أكتر من كده..

(هو) أخد (هي) و نزلوا يتمشوا علشان يـ(output) المشاعر النبيلة اللي جواه، و بعد الكثير من الـ(conversation)، طلعت الـ(result) النهائية .. (zero)...

(هو) ما قدرش يستحمل الـ(attack) دي ، و (هنج)، و كان (not responding) خالص.. بس مسك نفسه بالعافية علشان يكملوا الـ(path) اللي كانوا ماشيين فيه من غير ما يحصل له (crash) قدام (هي)..

كانت ليلة من أصعب الليالي اللي قضاها (هو) في الـ(history) بتاعه، و الـ(cache) بتاع عقله و قلبه ما كانوش مستحملين ، فحصل (leak) رهيب من عينيه.. و ما قدرش يـ(sleep) خالص يوميها..

كان حاسس بـ(bad sector) كبير أوي في قلبه، و ما كانش عارف يـ(handle) الموضوع بأي (technique) ..

تاني يوم (هو) راح الشغل حاطط (firewall) جامدة جدا على مشاعره علشان ما يجرحش (هي)، لما تـ(detect) إنه تعبان بسببها..

بس كان كل شوية يروح في أي حتة ما حدش يشوفه فيها علشان يقدر يبكي براحته من غير ما حد يشوفه..

و لغاية دلوقتي دمعته (stand by) و مش محتاجة أي (activation) ..
ادعوله .. أو قدموا له أي (support) من أي نوع..

التسميات:

عدد 8 تعليقات :

في تمام : 4/4/06 11:16 م, Anonymous The Sane كتب/ت :

انا عندي حل لمشكلته ممكن يريح نفسه ويعمل (Format) لقلبه وممكن برضه يدور علي (Virus ) هنا ولا هنا يضربله الجزء بتاع (هي ) عشان ميرجعش تاني

 
في تمام : 4/4/06 11:23 م, Blogger مصـ( الخير )ـعب كتب/ت :

ما ينفعش ..
أصل (هي) غالية أوي على (هو)
..
و ما يقدرش للحظة يتخيل إنه سبب لها أي نوع من الألم أو الأذى
ده كان يـ(expire) فيها

 
في تمام : 4/4/06 11:54 م, Anonymous غير معرف كتب/ت :

plug your self off from THE MATRIX Neo

 
في تمام : 5/4/06 1:01 ص, Anonymous غير معرف كتب/ت :

ايه ده هو الموقع ده كله couples طب متشغلونى معاكم

بص انت ابعت لهى اللينك بتاع الموضوع ده و هى هتفهم كل حاجه
بالتوفيق وعقبال منشوف هو وهى فى عش الزوجيه

 
في تمام : 5/4/06 2:57 م, Blogger Dananeer كتب/ت :

7elwa ya mos3ab
w ya rab tkon b7'eer

 
في تمام : 6/4/06 2:52 ص, Anonymous غير معرف كتب/ت :

خلينا ايه للناس التانيه...!! ولا انت من الناس التانيه؟

 
في تمام : 6/4/06 1:01 م, Blogger مصـ( الخير )ـعب كتب/ت :

مش فاهم سعادتك تقصد ايه بالظبط؟!!

 
في تمام : 9/4/06 12:43 م, Anonymous غير معرف كتب/ت :

الأفضل يعمل لقلبه Shut down وينااااام

 

إرسال تعليق

روابط تشير هنا :

إنشاء رابط

الصفحة الرئيسية> >