الجمعة، فبراير 17، 2006

"الشعر و الحلاقة" .. نظرة أدبية جديدة!


كنت فاكر زمان إن "الشعر" ده موهبة ابتلى الله بها فئة من الناس أقل ما يوصفون به أنهم قلة مندسة في عالمنا هذا و لكن هذه الأيام ، و عندما كبرت لأفهم الدنيا صح ، و كان أكبر الأثر و الفضل لـ"صالون" عم شحاتة الثقافي الذي أحضره كل ما بأروح أحلق "شعري" ، اكتشفت إن "الشعر" ده بتاع كل الناس ، و إن من حق أي حد يدلي بدلوه في الليلة (أحد مرادفات كلمة "أمسية" اللي اكتشفت بعد كده إن أحد أنواعها "الأمسية الثقافية" ، و سبحان الله بيتقال فيها "شعر" برضه!)

و بما إن الناس كلها "بقت بتقول شعر" ، فقد قررت أن أكتب قصيدة لحبي!

بأسأل عنك كتير!

بأسأل عنك كتير

حبيبي بحبك أوي..

و بحلم في يوم تطير

و نتغدى سمك و فطير!

بأحلم يا حبيبي

و حلمي مش كبير

بأحلم بقلة ساقعة

نشرب منها و زير!

بأحلم بلقمة صافية

و فول كبير كتير!

أنت حكاية عمري

و عمري قصير مش طويل!

ف ابتدائي شفتك أنت

و لا شفت غيرك حمير

ف إعدادي علشان عيونك

اتعلمت المعاكسة و الصفير!

علشانك ذاكرت جدا

و حلمت بالتقدير

أي نعم ما جبتوش

بس كفاية التفكير!

ف الجيش كنت في بالي

و هونت عليّ التكدير

من يوم ما شفتك

بطلت حاجات كتير

بطلت آكل و أشرب

و بطلت الشخير!

مش بس كده ، ده أنا

كمان بعت السرير!

و على رأي الـ"علامة"

"أنت الحب الكبير"

و أنا يا حبيبي ..

بأسأل عنك كتير

----------

مواطن الجمال :

- سمك و فطير : يدل على استعداد الشاعر لعمل أي شئ حتى يرضي حبيبه حتى و إن كان متناقضا!

-

- بطلت الشخير : استعارة مكنية حيث حذف الشاعر المشبه به و هو "النوم" ، و صرح بصفة من صفاته هي "المخدة"!

- كمان بعت السرير : توكيد لفظي!

----------

ملحوظة مهمة جدا : مواطن الجمال مش كاملة علشان نختبر الطالب المتفوق!

ملحوظة مهمة : العنوان مستوحى من قصيدة حقيقية بعنوان "بأسأل عنك كتير" ، من تأليف زميلي مهاب التليتي و هي قصيدة حلوة جدا ، هأبقى أجيبهالكم في يوم من الأيام

التسميات:

عدد 8 تعليقات :

Ýí ÊãÇã : 17/2/06 5:50 م, Blogger يوسف بدر ÞÇá/Ê :

أنا لازم أضمها لديوان "الطشت قاللي ياحلو ياللي قوم احلق دقنك"

 
Ýí ÊãÇã : 18/2/06 1:02 ص, Anonymous واحده معديه ÞÇá/Ê :

حلوة القصيده
بس فى مظهر جمالى مهم نسيت تقوله

و لا شفت غيرك حمير:استعارة مكنيه حيث شبه الشاعر حبيبه بالحمار وهذا يدل على استهزاءه به وعدم حبه له شوف انا شاطره ازاى!!

 
Ýí ÊãÇã : 21/2/06 5:28 ص, Blogger عمرو عزت ÞÇá/Ê :

نعيما

 
Ýí ÊãÇã : 21/2/06 2:00 م, Anonymous غير معرف ÞÇá/Ê :

معاكش حاجة اطرش فيها

 
Ýí ÊãÇã : 21/2/06 4:42 م, Blogger العابره ÞÇá/Ê :

يا معلم "بضم الميم"أتفضل مواطن الجمال اللى أستخرجتها التلميذه الفلحوصه
بحلم فى يوم تطير" توريه متداريه عن ان الشاعر بيتمنى المستحيل علشان بيحب فرخه
وكمان بعت السرير:تعبير يدل على مدى عبقريه الشاعر، وذلك لانه قرر يشترى مرتبه للسرير
:ملحوظه
أشكرك لأنى أكتشفت أنى بعرف أكتب شعر
فكرتك جميله، بس أوعى تكتب شعر تانى شمت فينا الحلاقين

 
Ýí ÊãÇã : 22/2/06 3:59 م, Blogger Nohaz ÞÇá/Ê :

ماذا حدث
انت بتحب من وراء ظهري
خيانة
خيانة عظمي

 
Ýí ÊãÇã : 23/2/06 4:57 ص, Anonymous واحده معديه ÞÇá/Ê :

ايه الاحباط ده راعوا انه مكتبش قبل كده .. هيا صحيح ملغبطه بس حلوة استمر
:)

 
Ýí ÊãÇã : 13/3/06 8:51 م, Anonymous هبهوب ÞÇá/Ê :

عارف البتاع اللي عملتها حلوه الاحلي الصوره فظيعه بالتوفيق

 

إرسال تعليق

áíäß ÇáÊÏæíäÉ Ïí :

إنشاء رابط

ÇáÑÆíÓíÉ> >